II Samuẹl 1:7 - Edo Bible (E Baibol Ẹdo) Version 1996

⁷ Ọ ghi gbe aro ghe iyeke, ọ keghi bẹghe mwẹ, ọ na da tie mwẹ. Mẹ kevbe wanniẹn wẹẹ, ‘Dọmọ ọ.’

II Samuẹl 1:7 ပူးပေါင်းရင်းမြစ်များ

II Samuẹl 1:6

Rẹn keghi wanniẹn wẹẹ, “Te I wa gheghe sẹ uhunmwu oke Gilboa. I keghi do miẹn e Sọl vbe ọ ya egbe gọ yan asoro ẹre, ikẹkẹ okuo kevbe iran ni hin ẹsin avbe eghian ghi ra wa vba ẹre fo.

II Samuẹl 1:8

Rẹn keghi nọ mwẹ ọmwa ne I khin, I keghi tama rẹn wẹ ovbi Amalẹk ọre I khin.

II Samuẹl 9:6

E Mẹfibosiẹt ne ovbi e Jonatan kevbe eyẹ e Sọl ghi rre, ọ keghi ya ọghọ ghughẹ rre vbe odaro e Devid. E Devid keghi kha wẹẹ, “Mẹfibosiẹt!” Rẹn keghi wanniẹn wẹẹ, “Ghe ọguọmwadia ruẹ enọwanrẹn.”

Aizaia 6:8

Iyekọnii, mẹ keghi họn vbe Nọyaẹnmwa khare wẹẹ, “De ọmwa ne I gha gie? De ọmwa ne ọ gha yo ukọ ne ima?” Mẹ keghi wanniẹn wẹẹ, “I gha yo! Gie mwẹ.”

Aizaia 65:1

E Nọyaẹnmwa khare wẹẹ, “Mẹ te mu egbe ne I ya họn erhunmwu avbe emwa mwẹ, sokpan, iran ma na erhunmwu. Mẹ te mu egbe ne iran gualọ mwẹ miẹn, sokpan, iran ma ziga hiehiere. Ẹvbo nii ma na erhunmwu ghe mwẹ, a gha rhe miẹn wẹ, te imẹ mu egbe ne I ya họn erhunmwu. Tama iran wẹẹ, ‘Ghe mwẹ vbe emwana, I gha ye uwa obọ.’

Giọgis 9:54

Rẹn keghi zegiẹgiẹ tie igbama ne ọ viọ emwi igbinna rẹn mwẹ ọnrẹn, ọ tama rẹn wẹẹ, “Si umozo ruẹ ladian ne u gbe mwẹ uan. Mẹ i ho ne a gha ta ẹe khian wẹ okhuo ọre ọ gbe mwẹ.” Ẹre igbama nii na bi umozo ye ọre egbe, ọ keghi wu.

I Samuẹl 22:12

E Sọl keghi tama Ahimẹlẹk wẹẹ, “Danmwehọ mwẹ Ahimẹlẹk!” Rẹn keghi wanniẹn wẹẹ, “Ghe mwẹ enaẹmwẹ.”