II Samuẹl 1:23 - Edo Bible (E Baibol Ẹdo) Version 1996

²³ “E Sọl kevbe Jonatan, ọsughe kevbe eghẹnghẹn ọ re iran te khin, kevbe ẹfe kevbe uwu, te iran sikan mu egbe, okhian kẹ iran sẹ oghohọn, iran wegbe sẹ oduma.

II Samuẹl 1:23 ပူးပေါင်းရင်းမြစ်များ

II Samuẹl 1:24

Ikhuo ni rre Izrẹl, wa khiẹ e Sọl. Rẹn ọ re ọ rhuan uwa ukpọn ododo esiesi, ọ keghi ya ikpẹrọnmwọ kevbe igoru mu uwa egbe.

II Samuẹl 2:18

Ivbi e Zeruaia eha ighẹ Joab, Abisiai kevbe Asahẹl, kegha rre evba. Asahẹl ne a rẹnrẹn wẹ te ọ rhulẹ vbe ẹrhuẹ,

II Samuẹl 23:20

E Benaia, ne ovbi e Jehoaida ne ọ ke Kabzil rre kegha re ovbiyokuo ne ọ hin usi, ọ winna iwinna ni hin okhuaẹn eva ne ivbi e Moab. Ọ kevbe la uwu uvun vbe ẹdẹ ne esia wa de, ọ na ya gbe oduma.

I Krọnikol 12:8

Eni iran ena khin ighẹ avbe ivbiyokuo ni hin usi kevbe ni kpee vbe okuo ne a yo, ni ke ẹwae e Gad rre do deba ivbiyokuo e Devid vbe ẹghẹ ne ọ na gha rre ehe ne a gbe odin ga vbe ato. Iran kegha re emwa ne asoro kevbe asa ne a lo mobọ gua ẹre obọ ro. Iran kevbe mu ohan vbe aro zẹ vbe oduma, iran kevbe rhulẹ zẹ vbe ẹrhuẹ ne uhunmwu oke.

Job 9:26

Agbọn mwẹ gberra, zẹ vbe okọ ne ọ rhulẹ, okhian wa kẹ ọre zẹ vbe oghohọn, ne ọ ra vin mu ofẹn.

Itan 30:30

Oduma ne ọ wegbe sẹẹ vbe uwu aranmwẹ oha hia, emwi okpa ne ọ khue ẹre udu i vbe rrọ.

Ihuan Ne Ọ Sọọ Ihuan Hia 5:16

Unu ẹnrẹn rhiẹnrhiẹn ne a mu hiẹnhiẹn emwi ẹnrẹn hia ye gbe sasa mwẹ erriọ enida mwẹ khọe ikhuo e Jerusalẹm.

Jerimaia 4:13

Ghe vbe eghian nii wa dee zẹ vbe ubimwẹ amẹ. Avbe ikẹkẹ okuo ẹre yevbe ẹhoho ẹziza, okhian kẹ avbe ẹsin okuo ẹre sẹ oghohọn. Ma wiri, ọghe ima fo.

Eve Orriara 4:19

Iran vin zẹ mwa khu okhian kẹ iran sẹẹ oghohọn ne ọ ke iso rre. Iran zọọ owẹ mwa ya sẹ uhunmwu oke; obọ iran vba mwa vbe a ma ro a ma kọ vbe ato.

Diuteronomi 28:49

E Nọyaẹnmwa gha mu okpẹvbo ke ehe ne agbọn sẹe gha dee, emwa ne uwa i họn ẹvbo ne iran zẹ, ọ ghi mu ẹre aro da uwa. Iran ghi siẹn rhu uwa zẹ vbe oghohọn.

Giọgis 14:18

Ọ ghi sẹ ikpẹdẹ ne ogihinrọn, e Samsin ghi te ya lovbiẹ emwa ẹvbo nii keghi tama rẹn wẹẹ, “De emwi ne ọ ra rhiẹnrhiẹn sẹ owọn? De emwi ne ọ ra wegbe se oduma?” Samsin keghi wanniẹn wẹẹ, “Akpawẹ ẹ i re ẹmila mwẹ wa ya gua, Wa ghẹ he rẹn emwi ne a ya ẹe kha nian.”

I Samuẹl 18:1

Ugbẹn vbe Sọl vbe Devid ghi gha guan nẹ, ẹmwẹ e Devid keghi wa la e Jonatan ekhọe sẹrriọ wẹ, ọ keghi ho ẹmwẹ ọnrẹn zẹ vbe ne ọ ho ẹmwẹ egbe ẹre.

I Samuẹl 20:2

E Jonatan keghi wanniẹn wẹẹ, “Osanobua ghẹ gie uẹ wu! Te erha mwẹ tama mwẹ emwi ne ọ rhirhi gha ho ne ọ ru, ọ kpọlọ ra ọ kanmwa, ẹ i ghẹ vbe rhie ọna lẹre mẹ. Ẹmwata i rre evba!”