II Samuẹl 1:21 - Edo Bible (E Baibol Ẹdo) Version 1996

²¹ “Amẹ i ghẹ dọlegbe rhọ, ra ne evbu tuo vbe oke Gilboa, te otọ ẹre hia gha de ihoi rua. Rhunmwuda, evba asa iran ni din ne a fara ye. Ọtọn ma rhu asa ọghe Sọl.

II Samuẹl 1:21 ပူးပေါင်းရင်းမြစ်များ

I Krọnikol 10:1

Ivbi e Filistin keghi gu ivbi Izrẹl khọn okuo vbe Uhunmwu Oke Giboa, Iran keghi gbele ivbi Izrẹl nibun vbe evba, iran ni dekẹe, ke iran kevbe e Sọl kevbe ivbi ẹre eveva, keghi lẹkua.

I Krọnikol 10:8

Vbe ẹdẹ ne ọ lele ẹdẹ ne a khọn okuo na, ivbi e Filistin keghi ya gha fu emwi iran ne wulo viọ, iran keghi miẹn ikun e Sọl kevbe ọghe ivbi ẹre vbe uhunmwu Oke Gilboa.

Ihuan Ne Ọ Sọọ Ihuan Hia 4:4

Ẹyaẹn ruẹn yevbe orre e Devid ọ ye rọnmọ rọnmọ ọ kevbe rrie vbene emwiurhu ne ọ yevbe asa ivbiyokuo arriaisẹn na lẹga ẹre.

Aizaia 21:5

Vbe umian nii, a keghi le evbare eghọ yotọ. A keghi wa ukpọn lele otọ ne avbe emwa ne a tiere tota yi. Iran kegha re, iran na gha da. Vbe udomwurri, urhu asẹ okpa keghi tae wẹẹ, “Ewọe, wa viọ asa ne uwa mu egbe yotọ.”

Aizaia 5:6

I gha gie irunmwu sọn rhu ẹe, I i ra viọ azara ni abọ ra ne I vulo otọ ẹre. Sokpan, I gha gie igban kevbe ọkọsọ ma rhu ẹe. I gha wa vbe tama iso ne ọ ghẹ gie amẹ rhọ yọ.”

Ezikiẹl 31:15

Vbenian ọ re Nọyaẹnmwa ne Udazi khare. “Vbe ẹdẹ ne erhan nii gha kpao gha rrie ẹvbo iran ni wulo nẹ, I gha ru ẹe wẹ ne amẹ ne ọ rre uwu otọ ro guẹ ẹre zẹ vbe ama akhiẹ. I gha khiọ avbe ẹzẹ, I i ghi ra vbe gie avbe ẹzẹ nibun nii gha lẹ amẹ ladian. Rhunmwuda ne erhan ni na wu, I gha gie ebiebi so vbe uhunmwu Oke Lebanọn, I ghi vbe ru ẹe ne avbe erhan ni rre oha hia luẹluẹ ua.

Joẹl 1:9

Ayọn ra ọka ne a ya mu ohan vbe Ọgua Osa i ghi rrọọ; avbe ohẹn gha khiẹ, rhunmwuda iran i miẹn emwi ya ha oko gie Nọyaẹnmwa.

Joẹl 2:14

Ughaghe, e Nọyaẹnmwa ne Osanobua rua gha fi ekhọe werriẹ, ọ ghi ye emwiokọ nibun ru uwa ẹse. Ẹghẹ nii, wa ghi vbe ha oko ọka kevbe ayọn gie ẹe.

Giọgis 5:23

Erriọ odibo e Nọyaẹnmwa khare, “Wa fi e Mẹrẹz unu. ihẹn, ihẹn vbe uhunmwu iran ni rre evba. Iran ma ye Nọyaẹnmwa obọ, iran ma rre vbe ivbi iyokuo gbinna ne ẹẹn.

I Samuẹl 10:1

Ẹre Samuẹl na mu ovbi ẹluba ori, ọ na hihiẹe yan e Sọl uhunmwu, ọ mu ẹre unu hiẹnhiẹn, ọ wẹẹ, “E Nọyaẹnmwa nọnọ ori yan ruẹn, ne u gha re ne ọ khaemwisẹ yan emwa Izrẹl ne emwa rẹn. U gha khaemwisẹ yan avbe emwa rẹn, u ghi fannọ iran ye otọ hin obọ iran ne eghian iran hia rre. Emwi ne a gha ya yi ama yọ wẹ te Nọyaẹnmwa gele zẹ ruẹ ne u gha khaemwisẹ yan iran ne emwa rẹn ọ re ọna khin.

I Samuẹl 31:1

Avbe ivbi e Filistin kegha gu ivbi Izrẹl khọn vbe oke Gilboa. Iran keghi gbele ni bun vbe ivbi Izrẹl vbe evba, ni dekẹe keghi lẹ kua ya sẹ egbe ivbi e Sọl.

I Samuẹl 31:8

A ghi tie ẹre nodẹ ne a gbinnaẹn, ivbi e Filistin kegha khian ya bannọ avbe orinmwi ukpọn viọ. Iran keghi miẹn ikun e Sọl kevbe ivbi ẹre eheha vbe oke Gilboa.