II Samuẹl 1:2 - Edo Bible (E Baibol Ẹdo) Version 1996

² Vbe ikpẹdẹ ne ọ lele ẹe, igbama ọkpa keghi ke agọ e Sọl rre. Ọ keghi sọ ukpọn ye ẹkun ẹnrẹn, ọ na zẹ iku yan uhunmwu zẹ vbe ama ọghe akhiẹ. Ọ keghi bu e Devid gha khian, ọ keghi vbe rre ye uhunmwu kan otọ ne ẹẹn zẹ vbe otuẹ ọghọ.

II Samuẹl 1:2 ပူးပေါင်းရင်းမြစ်များ

Gẹnẹsis 22:4

Vbe ikpẹdẹ ne ogieha, Ebraham keghi ya bẹghe ehe ne a kha na vbe urria.

Gẹnẹsis 37:29

Ugbẹn vbe Riubẹn ghi dọlegbe sẹ uhae nii, vbe ọ ghi miẹn wẹ Josẹf i ghi rre evba, ọ keghi sọ ẹwu ye egbe ẹre ẹkun zẹ vbe orhiema ọghe akhiẹ.

Gẹnẹsis 37:34

E Jekọb keghi sọ ẹwu ye egbe ẹre ẹkun, ọ na mu ukpọn nekhui rhuan zẹ vbe orhiema akhiẹ, ọ keghi ya ẹdẹ nibun khiẹ ovbi ẹre.

Gẹnẹsis 43:28

Iran wanniẹn wẹẹ, “Erhamwa ne Ọguọmwadia ruẹ ne ọ mu egbe rriotọ, wa ye rre agbọn, egbe rran rẹn.” Iran keghi diguẹ ya uhunmwu rhanmwẹ otọ nẹẹn.

II Samuẹl 1:3

E Devid keghi nọ rẹn wẹẹ, “Vbe u a ke dee?” Rẹn keghi wanniẹn wẹẹ, “Agọ ivbi Izrẹl ọ re I ke lẹ dee.”

II Samuẹl 13:19

Ọ keghi khakha emuẹn ye egbe ẹre uhunmwu, ọ yanghan ẹwu nii uan, ọ keghi viọ obọ gue aro, ọ na viẹ gha rrie.

II Samuẹl 14:4

Okhuo nii keghi bu ọba gha khian, ọ vbokho egbe rriotọ vbe ọghọ ọ keghi kha wẹẹ, “Yọ mwẹ obọ, Umogun!”

II Samuẹl 15:32

E Devid ghi sẹ uhunmwu oke, ehe ne ihọkpa ne a na ru ugamwẹ ye, ọsiọre ne ọ mu ẹtin yan ighẹ Husiai ne ovbi Akit keghi do vba ẹre ke ẹe kevbe ukpọn nẹ a yanghaẹn kevbe iku vbe uhunmwu.

II Samuẹl 24:20

Arauna keghi gbe aro ke otọ, ọ ghi ya ghe ọba kevbe ekhaẹmwẹ ọnrẹn bu irẹn dee. Ọ keghi mu ẹko rhu otọ vbe odaro e Devid.

II Samuẹl 4:10

Ọmwa ne a gie ẹre uhunmwu, ne ọ do tama mwẹ vbe Ziklag ighẹ Sọl wu, te gha ro ighẹ iyẹn esi rẹn do na. I keghi gua ẹe rhie, I na wẹ ne a gbẹe rua. Ọnii ọ re emwi ne I ya san ẹre ẹse ye iyẹn esi ne ọ do na!

Ẹsta 4:16

“Ye si avbe Ju ni rre Susa hia koko, wa yo aguẹ ne uwa gha na erhunmwu mẹ. Wa ghẹ re wa ghẹ da la avan eha kevbe asọn eha. Me kevbe ibiẹka ikhuo ni re eguọmwadia mwẹ, gha vbe ru vberriọ. Vbe iyekọni, I gha bu ọba gha khian, a gha rhe miẹn wẹ uhi ma kha vberriọ. A deghẹ te I gha ghi ye uhunmwu khiẹ ọre rhunmwuda ne I na ru vberriọ, a gunmwẹ ye uhunmwu khiẹ ọre.”

Ẹsta 5:1

Ọ ghi rre ikpẹdẹ eha ne Ẹsta ghi suẹn gha yo aguẹ, ọ keghi hẹ ukpọn ọba ẹre ye egbe, ọna gha khian ya mudia ye ikun ne ọ ke ẹguae, ọ na mu aro da ugha ne ẹkete ye. Ọba kegha rre uwu owa, ọ tota ye ẹkete, ọna mu aro da onurho.

Psalm 66:3

Wa tama Osanobua wẹẹ, “A miẹn vbe emwi ne u ru hia re ọyunnuan hẹ! Ẹtin ruẹn kpọlọ sẹ vberriọ wẹ te avbe eghian ruẹn hia ye ohan defi igue vbe odaro ruẹ.

Ezikiẹl 27:30

Ehia wa khiẹ ne uẹn ẹsẹse, iran zẹ ekẹn ye uhunmwu, iran kegha wunnu vbe uwu emuẹn.

Hozia 6:2

Vbe ọ te ya sẹ ikpẹdẹ eva ra eha, ọ ghi gua ima kpao, ma ghi ya gha rre ehe ne irẹn ye.

Joẹl 2:13

“Wa gie orhiọn ne ọ ma sẹ uwa otọ rhie ma vbene uwa khiẹ sẹ hẹẹ, ukpọn ne a sọ ye egbe ọmwa ẹkun, ma zẹdẹ sẹ.” Wa dọlegbe bu e Nọyaẹnmwa ne Osanobua uwa gha dee, ọ mwẹ ekhọe agiẹngiẹn, ọ vbe vuọn ne itohan, ọ mwẹ izin egbe, ọ vbe mu eyan ne ọ yanrẹn sẹ, ọ mu egbe ne ọ ya bọ vbe ẹghẹ hia, ẹ i re ne ọ gha rri emwa oya.

Matiu 12:40

Zẹ vbene Jona ya avan eha kevbe asọn eha vbe uwu ẹko ehẹn nọkhua, erriọ ọre Ovbi Ọmwa gha ya avan eha kevbe asọn eha vbe uwu otọ.

Matiu 16:21

Ke ẹghẹ ni kpao, ọre Jesu ke suẹn gha tua unu muẹn ma avbe erhuanegbe ẹre wẹẹ, “Ẹ i mwẹ I ma yo Jerusalẹm ne I ya rri oya emwi ni bun vbe obọ avbe eniwanrẹn, avbe igiohẹn kevbe avbe iran ni ma emwa Uhi. Iran gha gbe mwẹ uan, vbe ikpẹdẹ ne ogieha, a gha huẹn mwẹ kpaegbe.”

Jọsua 7:6

E Jọsua kevbe avbe ekaolotu keghi ye akhiẹ sọ ukpọn rẹn uan, ọna de mu aro rhu otọ vbe odaro Ẹkpẹti Ile ọghe Nọyaẹnmwa. Avbe ọkaolotu Izrẹl keghi gu ẹe lovbiẹ ye evba ya sẹ ota. Iran na zẹ ebubẹ ye uhunmwu ne iran ya rhie akhiẹ iran maa.

Arhie Maan 3:9

U ghi danmwehọ. U ma miẹn avbe otu nii, ni re ọghe Setan, avbe ọhọn ohoghe ni, ni tie egbe iran e Ju vberriọ iran i re ọre, I gha ru ẹe ne iran bu ruẹ gha dee ne iran do mu ẹko rhu otọ, ne iran vbe ya uhunmwu rhanmwẹ otọ nuẹn. Iran hia gha rẹn ighe I ho ẹmwẹ ruẹn.

I Samuẹl 20:41

Ọvbokhan okpia nii ghi kpao nẹ, e Devid keghi ladian vbe iyeke utete avbe okuta nii, ọ keghi lovbiẹ ye otọ lọlọọlọ, ọ na vbokho uhunmwu rriotọ igba eha. Rẹn kevbe Jonatan kegha viẹ vbe iran mu egbe unu hiẹnhiẹn, ẹko e Devid ọ re ọ rhia sẹ Ọghe Jonatan.

I Samuẹl 25:23

Abigẹl ghi dẹghe e Devid, ọ keghi zẹgiẹ tuorre, ọ na mu ẹko rhuotọ

I Samuẹl 4:12

Okpia ọkpa vbe uniẹn Bẹnjamin ke ghi lẹfua ke odaro okuo gha die Silo, ọ keghi vbe sẹ evba vbe ẹdẹ ne ẹdẹrriọ zẹẹ. Ọ keghi yanghan ukpọn ye ẹkun, ọ na vbe viọ iku ye uhunmwu zẹ vbe ama ne ọ ya rhie maa ighẹ te irẹn khiẹ.

I Samuẹl 4:16

Okpia ni keghi kha wẹẹ, “Odaro okuo ọ re I na lẹ fua, odẹ ni hia ọre I ke mu ulẹ do sẹ emwana ẹrẹna.” Elai keghi nọ rẹn wẹẹ, “Vbe ọ sunu ọmọ?”