II Samuẹl 1:16 - Edo Bible (E Baibol Ẹdo) Version 1996

¹⁶ E Devid keghi tama ovbi Amalẹk nii wẹẹ, “Obọ ruẹ ọ re u ya si emwi ne ọ rruan ruẹn, ẹghẹ ne u na ya unu ruẹn miẹnkue ighẹ u gbe ọba ne Nọyaẹnmwa tobọ ẹre zẹ ne ọ gha re ọba rua, ọ re u na bu ohiẹn uwu gbe egbe uẹ.”

II Samuẹl 1:16 ပူးပေါင်းရင်းမြစ်များ

II Samuẹl 1:10

Mẹ keghi gele bu ẹre gha khian, I na gbe ẹe rua, rhunmwuda, mẹ rẹnrẹn wẹ, ọ gha de gbe otọ, te ọ ra wu ọwarọkpa nii. I keghi mu ẹde hin ẹre uhunmwu rre kevbe ẹguẹn obọ vbe obọ ẹre I keghi viọ ehia guẹ enọwanrẹn.”

II Samuẹl 16:8

U mu arriọba e Sọl, te Nọyaẹnmwa ghi rria ruẹ ikhi na ba ẹmwẹ emwa ẹgbẹe e Sọl ne u gbele ua. Banbanna nian, e Nọyaẹnmwa vbe mu arriọba nii ne Absalọm ne ovbi uẹ nẹ, ọwuẹ fo nẹ vbe agbọn, wẹ ne izigha!”

I Ọba 2:37

U gha khian gberra Ẹzẹ Kidrọn, te u ya uhunmwu khiẹ ọre, emwi ne u ya obọ ruẹ si nọ.”

Job 15:6

Ẹ i re imẹ ọ re ọ gha zẹdẹ bu ohiẹn gbe uẹ, avbe ẹmwẹ ne u guan bu ohiẹn gbuẹ nẹ.

Itan 6:2

Ẹmwẹ ne unu ruẹn ginna an ra, ra ne emwi ne u ve vbe degbuẹ?

Ezikiẹl 18:13

Ọ vbe rhie igho isu ne emwa mọmọ. Rẹn gha diagbọnya ra? Hiehiere, ẹ i diagbọnya. Ọ ru avbe emwi osọnnọ na hia nẹ, rhunmwuda ọnii, te ọ gha wu. Obọ irẹn ọ re a ra vbe lẹ ẹmwẹ uwu irẹn ginna.

Ezikiẹl 33:5

Rẹn ọ tobọ ẹre gbe egbe ẹre, rhunmwuda, ọ ma zẹ yọ vbe a tama rẹn. Akpawẹ te ọ zẹ yọ, te ọ gha te lẹ fua.

Levitikọs 20:16

Deghẹ okhuo te gha hia ne ọ gu aranmwẹ oha ru emwi, a ghi gbe ẹe rua ke ẹe kevbe aranmwẹ oha nii. Obọ iran ọ re uwu ne ọ gbele iran ke rre.

Levitikọs 20:27

“Okpia ra okhuo ne ọ rhirhi ya gualọ otọ emwi vbe obọ orhiọn ọmwa ne ọ wu nẹ, a ghi filo okuta gbe ẹe rua. Ọmwa ne ọ rhirhi ru emwi vbenian, obọ ẹre ọre uwu ne ọ gbe ẹe ke rre.”

Levitikọs 20:9

E Nọyaẹnmwa keghi mu avbe emwamwa na ye otọ: “Ọmwaikọmwa ne ọ tie ihẹn ne erha ẹe ra iye ẹe, a ghi gbe ẹe rua, obọ ẹre ọre emwi ne ọ gbe ẹe ke rre.

Matiu 27:25

Emwa ni hia keghi wa wanniẹn wẹẹ, “Gie emwi dan ne ọ gha rhunmwuda uwu ẹre na sunu gha rre uhunmwu ima kevbe ọghe ivbi ima.”

Iyẹn ne ọ Maan Ọghe Luk 19:22

Rẹn tama rẹn wẹẹ, ‘Ọguọmwadia dan, ẹmwẹ ne unu ruẹn ọre I ra ya bu ohiẹn gbe uẹ. U rẹnrẹn ighe I wegbe aro, I ghi gha viọ emwi ne I ma yan, I ghi vbe gha rhọ emwi ne I ma kọ,

Iwinna 18:6

Ugbẹn vbe iran ghi suẹn gha gbe odan ye ọre owẹ, ne iran na vbe gha ya ukpẹ sakan ẹn, ọ keghi bọnmwẹ ukpọn rẹn ku iran ọ wẹẹ, “A deghẹ wa ghi fuan, uhunmwu uwa ọre uwa gha ya muẹn, I ma rẹn ọkpa I ma rẹn eva vbọ. Ke ẹghẹ na gha rae, I ra bu iran ne ẹ i re Ju.”

Iwinna 20:26

Rhunmwuda ọnii ọre I na si agbada vbe unu tae ma uwa ẹrẹna: a i ghẹ miẹn ighẹ a ye miẹn ne ọfuan vbe uwu uwa ẹ i ghi rre urhu mwẹ.

Ebe ne Pọl gbẹẹn gie emwa Rom 3:19

Ma rẹnrẹn wẹ emwa ne ọ yan Uhi ọre emwi ne ọ rre Uhi kan rẹn, ne a miẹn ehe na gbe ukhu aho gui emwa ne agbọn rua, ne a mu agbọn na hia ye obọ ibuohiẹn Osanobua.

Diuteronomi 19:10

“Wa ru ọna, wa i khian vbe rri abe ọghe ne a na gbe ọmwa ne ọ ma rukhọ vbe otọe ne Nọyaẹnmwa ra mu ne uwa.

Jọsua 2:19

Ọmwa gha kpao vbe owa ruẹ rre, ọ na la ore, rẹn ọ re ọ ra ya uhunmwu hẹ ẹmwẹ uwu ẹre, a i vbe kae ye ima urhu; sokpan deghẹ emwi ru ọmwaikọmwa ni rre owa ruẹ, urhu ima ọ re ọ ye.

Giọgis 9:24

Emwi ne ọ ya ọ na sunu ọrọre ne Abimẹlẹk kevbe ivbi e Siẹkẹm ni rhie igiẹdu ne ẹẹn ne ọ ya gbele ivbi Gidiọn ekigbesiyenẹ uan miẹn ehe na rri oya ye orukhọ iran.

I Samuẹl 25:39

Ugbẹn vbe Devid ghi họn wẹ Nabal wu, ọ keghi kha wẹẹ, “Rhie urhomwẹ ne Nọyaẹnmwa, ọ rria Nabal ikhi ye ihẹn ne ọ tie mẹ, ọ ma gie imẹ ne ọguọmwadia ẹre ru a i ghẹru. E Nọyaẹnmwa rria e Nabal ikhi ye emwi dan ne ọ ru.” Ẹre Devid na gie ne a khama Abigẹl wẹ rẹn ho ne irẹn si ẹre ẹgbẹe.

I Samuẹl 26:9

Sokpan, e Devid keghi wanniẹn wẹẹ, “Ghẹ ru ẹre emwi rhọkpa, ẹ i mwẹ e Nọyaẹnmwa ma rria ọmwaikọmwa ne ọ ru ọba ne irẹn zẹe emwi ikhi.”