II Pita 3:7 - Edo Bible (E Baibol Ẹdo) Version 1996

⁷ Sokpan agbọn kevbe ẹrinmwi ne ọ rrọọ banbanna, ẹmwẹ ọkpa ni ọghe Osanobua, ọre a ya da ẹe yi, ne a do ya erhẹn fuẹn ọnrẹn uan. Te a viọ iran hinrre khẹ ẹdẹ ne a gha gui ẹzọ avbe emwa dan ne a fuẹn iran uan.

II Pita 3:7 ပူးပေါင်းရင်းမြစ်များ

Psalm 102:26

A gha ho iran bẹkun, sokpan, wẹ gha rrọọ, ehia gha rẹnhuan zẹ vbe ukpọn, a gha ho iran bẹkun.

Psalm 50:3

Osanobua mwa dee sokpan, ẹ i ra do rre okperhẹn ne ọ giẹn emwi hia rre odaro ẹre okpẹhoho ne ọ dunmwu emwi hia lẹga ẹre.

Aizaia 51:6

Wa tọn aro mu ghe odukhunmwu, wa ghe otọ agbọn! A gha ho avbe odukhunmwu bẹkun zẹvbe ighogho; agbọn wiẹn uan zẹvbe ukpọn ne ọ khian ọmaẹn emwa ni rrọọ hia gha wulo zẹvbe ikian. Sokpan, imiẹnfan ne I rhie dee, etẹbitẹ nọ akhọnmiotọ mwẹ ọ re ọ ra gha re ufomwẹ ehia.

Aizaia 66:15

E Nọyaẹnmwa gha rre, ke irẹn ke erhẹn. Ifuẹn okpẹhoho ọ re ọ ra hin gha dee do rri iran ne ohu ẹre mu ẹẹn oya.

Daniẹl 7:9

Ehe ne I na ye ghe ẹre nii, a keghi munọ avbe ẹkete yotọ. Ọmwa nii ne ọ wa rrọ dee ẹdẹdẹmwẹdẹ keghi tota ye ọkpa vbe avbe ẹkete nii, ukpọn rẹn keghi fuọfua vbe isonorhọ, eto ẹre keghi yevbe ititi oru ne a ma gua. Ẹkete ẹre ni ne a mu yan emwi ne ọ lẹga vbe owẹ imọto erhẹn, keghi zẹ ogidi erhẹn kua.

Zẹfanaia 3:8

E Nọyaẹnmwa khare wẹẹ, “Wa zin egbe, wa ziengbe khẹ ẹdẹ ne I gha guakpao ba avbe uhunmwu ẹvbo ifi ẹzọ. I ta ẹe nẹ wẹ, I gha si avbe uhunmwu ẹvbo kevbe avbe arriọba koko ne iran miẹn ehe na họn obọ ohu mwẹ vbe egbe. Erhẹn ohu mwẹ nọkhua, gha giẹn agbọn na hia.

Malakai 4:1

E Nọyaẹnmwa ne Oghodua khare wẹẹ, “Ẹdẹ dee ne emwa ni tọn egbe mu kevbe avbe emwa dan gha giuan zẹ vbe ebe ne ọ kakae. Vbe ẹdẹ ne ẹdẹrriọ, iran gha giẹn uan, ẹ i vbe kẹe vbọ. Sokpan, zẹ vbe ọghe uwa ni họn ẹmwẹ mwẹ na, ẹtin imiẹnfan mwẹ gha hin yan uwa zẹ vbe owẹn, ọ ghi vbe rhie egbe rranmwẹ rre zẹ vbe asan ovẹn.

Matiu 10:15

Ne I tama uwa ọ gha sẹ ẹdẹ ibuohiẹn, Osanobua gha tohan emwa ni rre Sọdom kevbe Gomorra sẹ emwa ni rre ẹvbo ni.

Matiu 11:22

U ghi vbe rẹn nian wẹ, ọ gha sẹ Ẹdẹ Ibuohiẹn, Osanobua gha tohan Taia kevbe Saidọn sẹ uwa.

Matiu 11:24

Ne I guẹ rẹn nian wẹẹ, ọ gha sẹ Ẹdẹ Ibuohiẹn, Osanobua gha tohan Sọdom sẹ ruẹ.”

Matiu 12:36

“Ne I tama uwa, ọ gha sẹ ẹdẹ ibuohiẹn, dọmwadẹ ọghọe gha la erhan ẹzọ ba ẹmwẹ oya ne ọ ya unu ẹnrẹn ta.

Matiu 24:35

Ẹrinmwi kevbe agbọn gha gberra, sokpan, ẹmwẹ mwẹ i ra gberra.

Matiu 25:41

“Rẹn ghi tama iran ni rre ọre obọ iye ọmwa wẹẹ, ‘Wa kpao vbe ehe ne I ye rre, wa ne Osanobua fi ẹre unu, wa gha rrie uwu erhẹn etẹbitẹ ne a kpehe ẹre ye otọ khẹ Esu kevbe avbe odibo ẹre.

Iyẹn ne ọ Maan Ọghe Mak 6:11

Wa gha sẹ ẹvbo ighe emwa ma rhan obọ miẹn uwa ra iran ma rhie ehọ ne uwa ta yi. Wa bọnmwẹ ebubẹ ne ọ rre uwu owẹ ye evba ne uwa ladian vbe evba. Ọna gha re ama emwi ne ọ de ne iran.”

Iyẹn ne ọ Maan Ọghe Jọn 12:48

Ọmwa ne ọ ma rhan obọ miẹn mwẹ kevbe ne ọ ma vbe ya ẹmwẹ mwẹ yi, ọmwa ne ọ gha bu ohiẹn ọnrẹn rrọọ. Ẹmwẹ ne I guanrẹn ọre ọ ra bu ohiẹn ọnrẹn vbe ẹdẹ okiekie.

Ebe ne Pọl gbẹẹn gie emwa Rom 2:5

Sokpan ẹkoko udu ne ọ ze kevbe ne ọ wo vbe egbe ọre u mwẹ. Rhunmwuda ọnii te u yae kpọlọ yọ ighẹ oya ne a gha rriọ re vbe ẹdẹnẹdẹrriọ ne izohu Osanobua kevbe ihuohiẹn emwata ẹre gha rhie egbe maa.

I Kọrinti 3:13

A gha rẹn vbene iwinna edọmwadẹ ọghọe ye hẹ vbe Ẹdẹ Kristi, ẹdẹ ne ọ gha we ehia uhe ua. Rhunmwuda, erhẹn ne Ẹdẹrriọ gha rhie iwinna edọmwadẹ ọghọe maa, erhẹn gha danmwẹ ọẹn ghe, ne a miẹn ehe na rẹn vbene ọ ye hẹẹ.

Filipai 1:28

Wa ghẹ gie ohan eghian uwa mu uwa, wa gha mwẹ udinmwẹ vbe ẹghẹ hia, ọna ghi gie iran rẹn wẹ, te uwa ra khọn miotọ vbene iran ra na gbe kuẹn, rhunmwuda Osanobua ọ re ọ ra rhie akhọnmiotọ ne uwa.

II Tẹsalonaika 2:3

Wa ghẹ gie ọmwa rhọkpa la odẹikodẹ do uwa ọzuọ. Rhunmwuda Ẹdẹ ni i khian rre vbe ẹ i re te Isọtẹ ne okiekie sunu nẹ, ne Ọmwa Dan nii ya egbe ladian, ọmwa ne a khare ighẹ ẹrinmwi erhẹn ọrọre ọghọe.

I Timoti 6:9

Sokpan iran ni ho ne iran fe, edanmwẹ ọre iran de yi, ifi orriarria ukọnmwẹ ne ẹbe ye ni bun ghi mu iran, emwi na ọre ọ sua emwa fi uwu ọfuan kevbe ne ọ gbe ẹro.

Hibru 12:29

Rhunmwuda Osanobua mwa, erhẹn ne ọ fuẹn emwi uan nọ.

II Pita 2:9

Erriọ vbe nọ, Nọyaẹnmwa rẹn vbene ọ ya yuo emwa esi hin uwu edanmwẹ iran re hẹẹ, kevbe vbene ọ ya da emwa dan ne a gha rri ọre oya yi khẹ Ẹdẹ Ibuohiẹn hẹ.

II Pita 3:10

Sokpan Ẹdẹ Nọyaẹnmwa gha rre zẹ vbe oyi. Vbe Ẹdẹ ne ẹdẹnẹdẹrriọ, uwu owogho ne ọ khẹkhẹ ehọ, ọre a ra na ho iso bẹkun, avbe emwi ni wie yo wie rre vbe ideghedeghe aro iso ghi giẹn uan, ehia ghi la ọrhiae rrie, agbọn ke ẹe kevbe emwi ni rre uwu ẹre hia, ghi khian ne a ho bẹkun.

II Pita 3:12

vbe uwu ne uwa na mudia khẹ Ẹdẹ Osanobua, wa lo ẹtin uwa hia ne a miẹn wẹ ọ rherhe rre. Ẹdẹ ne a gha giẹn ọnrẹn uan ighẹ ẹrinmwi, ọ ghi gha re ne a fuẹn uan, owowo ghi ranran iran uan ighẹ avbe emwi ni wie yo wie rre vbe ideghedeghe aro iso.

I Jọn 4:17

Ọnọna ọrọre otọe ne a na ya aho ẹmwẹ ọmwa khian ne ọ gbae vbe uwu ima, ọnii nọ wẹẹ, ne afianma ghẹ fian mwẹ, vbe Ẹdẹ Ibuohiẹn, rhunmwuda vbene ẹdẹ agbọn Kristi ye vbe agbọn na ọre ọghomwa vbe ye.

Ebe ne Jud gbẹẹn 1:7

Wa ye Sọdom kevbe Gomorra kevbe ivbi ẹvbo ni lẹga iran rre, emwa ni ru vbene avbe odibosa vbe ru, ne iran na gha ru emwi ne ọ ma gba vbe ekpa oghẹ, iran kegha fi ehia werriẹ ghe odẹ dan, a keghi ya erhẹn ne ọ giẹn ẹdẹdẹmwẹdẹ rri iran oya ne emwa hia gha miẹn ọnii waan.

Arhie Maan 17:11

Aranmwẹ ohan nii ne ọ te ka rrọọ, ne ẹ i ghi re agbọn banbanna, ọba ne ogie erẹnrẹn ọre irẹn tobọ ẹre khin, ne ọ vbe re ọkpa vbe uwu ihinrọn ne okaro, te irẹn vbe khian ne a ya fuẹn ọnrẹn uan.

Arhie Maan 17:8

Aranmwẹ oha ne u bẹghe nii, te ka gha rre agbọn yi, sokpan, banbanna nian, ẹ i ghi rrọọ ọvbehe, ọ wu nẹ, te ọ ghi ra ke uwu uvun ne ẹ i mwẹ otọ ladian na, ọ ghi ladian ne a ya fuẹn ọnrẹn uan. Emwa ni rre agbọn ne a ma he gbẹnnẹ eni ẹnrẹn ye ebe ẹfe emwa ni rrọọ, ni ma he wu vbe a te do suẹn agbọn, unu gha yan iran ẹsẹse vbe iran a miẹn aranmwẹ oha nii. Rhunmwuda, ọ te ka gha rre agbọn yi, sokpan, ẹ i ghi rre agbọn ọvbehe, sokpan ọ gha ye dọlegbe ya egbe ladian.

Arhie Maan 20:11

I keghi bẹghe ẹkete nọkhua nọfua ọkpa ke ẹe kevbe ọmwa ne ọ tota yọọ. Ẹrinmwi kevbe agbọn keghi lẹ hin odaro ẹre rre, a ma ghi vbe miẹn iran ọvbehe.

Arhie Maan 21:1

Iyeke ọnii, I keghi bẹghe ẹrinmwi ọgbọn kevbe agbọn ọgbọn, a kaghi ho ẹrinmwi ne okaro kevbe agbọn ne okaro bẹkun, a keghi vbe ho okun bẹkun.