II Pita 3:5 - Edo Bible (E Baibol Ẹdo) Version 1996

⁵ Iran keghi ba yangbe ẹmwata na wẹ, vbe ẹghẹ ne ọ kpẹe fua, Osanobua guan rẹn, a keghi yi ẹrinmwi kevbe agbọn. Uwu amẹ ọre a ke rhie agbọn na ladian, amẹ ọre avbe ya ruẹe.

II Pita 3:5 ပူးပေါင်းရင်းမြစ်များ

Gẹnẹsis 1:6

Osanobua keghi kha wẹẹ, “Gie ideghedeghe gha rrọọ, ne ọ wannọ amẹ, ne ọ miẹn ehe na gha rre ihe ughughan eva.” Ọ kegha ye rriọ. Erriọ ọre Osanobua na ru ideghedeghe ne ọ wannọ amẹ ne ọ rre ototọ ẹre hin amẹ ne ọ rre odukhunmwu ẹnrẹn rre.

Gẹnẹsis 1:9

Osanobua keghi kha wẹẹ, “Gie amẹ ni rre ototọ iso si koko ye ihọkpa ne otọe miẹn ehe na ladian.” Ọ keghi gha ye rriọ.

Psalm 136:6

Ọ bu agbọn na yan uhunmwu amẹ etẹbitẹ ọ re ahoẹmwọmwa rẹn khin.

Psalm 24:2

Ọ bọ ẹe yan odin amẹ ne ọ rre uwu otọ. Ọ kevbe gbe ẹyotọ ẹre yan orinmwi amẹ okun.

Psalm 33:6

Ẹmwẹ unu ọ re Nọyaẹnmwa ya yi avbe ẹrinmwi, ẹmwẹ ne ọ tae ọ re ọ yi owẹn, uki kevbe avbe orhọnmwẹ.

Itan 17:16

Ẹ i mwẹ ọ maa okpa ne ọ ra la evba sẹ ọre egbe dẹghe a lo igho ya gha ma ọzuọ ebe, ẹ i mwẹ isan ẹwaẹn ọkpa.

Ebe ne Pọl gbẹẹn gie emwa Rom 1:28

Rhunmwuda ighẹ emwa ne agbọn ma giẹ irẹnmwẹ Osanobua ẹmwata di iran uhunmwu ya, Osanobua keghi he iran ye ẹmwẹ ekhọe iran ne ọ kulo, sẹrriọ wẹ, a ghẹ ru ọre iran ghi ru.

Kọlose 1:17

Rẹn ọre ọ ka gha rrọọ khẹ emwi hia, vbe uwu a ya egbe ba irẹn, ọre avbe emwi hia na rre ihe ne ọ khẹke dọmwadẹ ọghọe.

Hibru 11:3

Iyayi ọre ima ya rẹn wẹ, ẹmwẹ unu ọre Osanobua ya yi ẹrinmwi kevbe agbọn, ne a na miẹn wẹ uwu emwi ne a i bẹghe ọre a ke yi emwi ne a bẹghe ladian.