II Pita 3:3 - Edo Bible (E Baibol Ẹdo) Version 1996

³ Okaro, wa rẹnrẹn wẹ, ọ gha sẹ ẹdẹ okiekie, emwa eso gha rrọọ ne a gha miẹn wẹ, orriarria iran ọre ọ tama iran emwi ne iran gha ru vbe agbọn. Iran ghi gha ya uwa gbe ogiẹ.

II Pita 3:3 ပူးပေါင်းရင်းမြစ်များ

Itan 1:22

“Wa ne akpa! Inu ẹghẹ wa ho ne uwa ya gha re akpa? Inu ẹghẹ wa ra ghọghọ ye irẹnmwi ne uwa ya gbogiẹ la? Wa i ra ruẹ emwi ẹdẹdẹmwẹdẹ ra?

Itan 14:6

Ọmwa ne ọ ye obọ rra ẹwẹe ẹre okpa i sẹtin gha wan ẹdẹ, sokpan, ẹ i sọn emwa ẹwaẹn ruẹ emwi guẹ.

Itan 3:34

Ẹ i mwẹ emwi ne ọ ya iran ni ya obọ rra ẹwẹe iran ru, sokpan, ọ wa ru iran ni mu egbe rriotọ ẹse.

Aizaia 28:14

Wa danmwehọ vbene Nọyaẹnmwa kha hẹ, wa ne emwa ni tọn egbe mu ni khaemwisẹ yan avbe emwa na vbe Jerusalẹm.

Aizaia 29:20

Evba nii i ọ re ọ khian gha re ufomwẹ iran ni wọ emwa ọvbehe uhunmwu, ni vbe zan Osanobua. A gha fuẹn dọmwadẹ ọmworukhọ ua.

Aizaia 5:19

Wa khare wẹẹ, “Wa wẹ Nọyaẹnmwa gie obọ kẹe vbe emwi ne ọ wẹ rẹn ra ru, ne ima miẹn ọẹn. Wa gie Osanobua nọhuanrẹn ọghe Izrẹl ru vbe ne ọ mwamwa ẹn, wa gie a ghe emwi ne ọ rre ọre ekhọe.”

Hozia 7:5

Ẹdẹ ne ọba do ugie, iran ghi ye ayọn ne ọba kevbe ekhaẹmwẹ ọnrẹn da sẹrriọ wẹ iran ghi do gha zurọ.

Iyẹn ne ọ Maan Ọghe Jọn 12:48

Ọmwa ne ọ ma rhan obọ miẹn mwẹ kevbe ne ọ ma vbe ya ẹmwẹ mwẹ yi, ọmwa ne ọ gha bu ohiẹn ọnrẹn rrọọ. Ẹmwẹ ne I guanrẹn ọre ọ ra bu ohiẹn ọnrẹn vbe ẹdẹ okiekie.

II Kọrinti 4:2

Ma ghi ban emwi ẹkhokho kevbe emwi ekhue hia ye efẹn ọkpa, ma i ya erẹrẹ ru emwi, ra ne a gha ya ẹmwẹ Osanobua khian ohoghe. Vbe uwu uwanmwẹ ne ọwa mu otọ fo ọghe ẹmwata, ma ghi gha yin vbe odaro Osanobua, ma ghi gha hia ne a rhie egbe mwa ye egbe ihe ne ekhọe emwa hia gha na gha ta ẹmwẹ ima ne ọ maa.

II Timoti 3:1

U ghi yere o, orueghe nọkhua gha rrọọ vbe ẹdẹ okiekie.

Hibru 1:2

Sokpan, vbe ẹdẹ okiekie na nian, Ovbi ẹre ọre ọ ghi gie do gun mwa guan. Rọẹn ni ọrọre ọmwa ne Osanobua la obọ ẹre yi agbọn vbe ẹrinmwi, ọmwa ne Osanobua zẹ wẹ, ọ gha do yan emwi hia vbe ufomwẹ a rre nẹ.

II Pita 1:20

Vbene ọ rhirhi gha ye hẹ, ke odaro emwi ọvbehe hia, wa ghi ye ọna rre wẹ, orhiọnkpa ne ọ gha sẹtin rhan otọ ẹmwẹ akhasẹ ne ọ rre uwu Ebe ọghe obọ irẹn ọkpa ẹ i rrọọ.

II Pita 2:10

Ibiba avbe emwa ni lele orriarria emwi ohọhọ egbe iran, iran na vbe yagha ẹtin Osanobua. Avbe emamwaemwi ohoghe na keghi re emwa itengbemu, ni vbe ze vbe udu. Iran i ya ọghọ ne emwi ni rrọ ni mwẹ uyi, ni rre odukhunmwu, sokpan, iran ghi gha ya ukpẹ sakan iran.

I Jọn 2:18

Ivbi mwẹ, ufomwẹ sẹ otọ fo nẹ. A khama uwa wẹ, Oghian Kristi gha rre, banbanna nian, eghian Kristi ni bun rhie egbe ma nẹ, rhunmwuda ọnii, ma rẹnrẹn wẹ, ufomwẹ sẹ otọ fo nẹ.

Ebe ne Jud gbẹẹn 1:16

Ẹzọ uwu unu ọre iran na gui vbe ẹhi, iran ghi gha ba emwa ọvbehe ifi ẹzọ, emwi dan ni rre iran ekhọe ọre iran ru, iran ghi gha ya unu kpa egbe iran, iran ghi gha ya unu lalọ emwa ọvbehe egbe, ne obọ iran miẹn ehe na vba emwi ne iran ho.

Ebe ne Jud gbẹẹn 1:18

Rhunmwuda iran khare wẹẹ, “Ọ gha ghi sẹ ẹdẹ okiekie, emwa eso gha rre, iran ni gha do gha ya uwa gbe ogiẹ, emwa ni gha ru emwi dan ni rre iran ekhọe.”