II Pita 3:17 - Edo Bible (E Baibol Ẹdo) Version 1996

¹⁷ Sokpan wa ne ọse mwẹ rẹn ena nẹ, rhunmwuda ọnii khekherriọ, wa khẹ yegbe, ne ibibiodẹ emwa ne ẹ i lele uhi ru emwi ghẹ ya de uwa odẹ, ne uwa ghẹ ya dele hin ihe uwa ni de ziẹn nẹ rre.

II Pita 3:17 ပူးပေါင်းရင်းမြစ်များ

Itan 1:17

Ẹ i mwẹ esa ne a gha rhuẹ ifi ahianmwẹ vbe ne ahianmwẹ ne a rhuẹ ọ re khẹ ghe ọmwa.

Matiu 16:11

Wa i ghi la evba rẹn ighe ẹ i re ẹmwẹ ebrẹd ọre I gu uwa guan? Wa gha begbe vbe egbe eyist avbe Farisi kevbe Sadusi.”

Matiu 16:6

Jesu keghi tama iran wẹẹ, “Wa mwẹ ẹwaẹn, ne u wa vbe gha begbe vbe obọ eyist avbe Sadusi kevbe Farisi.”

Matiu 7:15

“Wa gha ba avbe akhasẹ ohoghe. Iran gha mu akpa ohuan khuẹrhẹ yọ bu uwa rre, sokpan oduma dan iran wa khọ vbe uwu egbe.

Iyẹn ne ọ Maan Ọghe Jọn 16:4

Te I ta ẹmwẹ na, a i rẹn vbe iran a gha ru avbe emwi na ẹghẹ ni, wa ghi ye rre wẹ I ka ta ẹe ma uwa nẹ. “Mẹ ma ta emwi na ma uwa vbe omuhẹn, rhunmwuda ighe I gu uwa rrọọ.

Iwinna 2:42

Iran keghi wa ya ẹghẹ iran hia gha ruẹ emwi vbe obọ avbe ukọ, iran keghi rhie egbe ba iran. Iran kevbe gha re vbe evbare ne iran hia gha re, iran kevbe gha deba iran na erhunmwu.

Ebe ne Pọl gbẹẹn gie emwa Rom 16:18

Rhunmwuda iran ni ru emwi vbe nian, ẹ i re Kristi Nọyaẹnmwa ọre iran ga, gberra evbare ne ọ khọn iran. Iran ghi ya ẹmwẹ ne ọ rhiẹnrhiẹn kevbe aranmwẹ erẹrẹ iran gha ye iran ni ma rẹn ọkpa ọ ma rẹn eva de odẹ.

I Kọrinti 10:12

Ọmwa ne ọ ro ighẹ rẹn mudia nẹ, ọ mwẹ ẹwaẹn ne ọ ghẹ ya de.

I Kọrinti 15:58

Rhunmwuda ọnii nian, wa ne etẹn mwẹ, wa mudia gbain vbe ne a i na vbọ owẹ. Wa tua obọ ye iwinna ne uwa winna ne Nọyaẹnmwa, ugbẹn vbe uwa rẹn nẹ nian wẹ, iwinna ne uwa winna vbe uwu ugamwẹ Nọyaẹnmwa, ọkpa ne ẹ i mwẹ esa, ẹ i rrọọ.

II Kọrinti 11:3

Afianma fian mwẹ ne iran ghẹ ya ruẹn ẹmwẹ ye uwa ekhọe mu ẹn rhia, wa ghi zobọ vbe ne uwa na te wa guobọ Jesu vbe ne a i gbe ikhan yi, zẹ vbene ẹyẹn ye ẹkẹ vbe ero, rẹrẹ Ivi.

Galatia 5:4

Wẹ ne ọ ho ne uwa la ekpa a ru vbene nene Uhi khare ya egbe uwa khian ne ọ mudia ẹse vbe odaro Osanobua, wa wannegbe uwa fua hin Kristi rre nẹ. Wa lahin obọ ẹsọhẹ Osanobua rre nẹ.

Ẹfisọs 4:14

Ẹghẹ nii, ma i ghi ra gha re emọ obọ ne ulẹmwẹ ẹzẹ mu yo mu rre, kevbe ne ẹhoho ẹziza, ọghe iruẹmwi emwa erẹrẹ, bi yo bi rre, emwa ni ya ero ne ọ ke ẹko iran zọ rre de emwa ọvbehe odẹ.

Filipai 3:2

Wa gha ba iran ni ru emwi dan nii, avbe ekita nii, emwa ni mu yan rẹn wẹ te iran ra gha giagia egbe iran.

Kọlose 2:5

Rhunmwuda, a gha rhe miẹn wẹ vbe ekpa ọghe orhiọn, I vbe ghọghọ vbe I miẹn vbene uwa tọn ighighian owẹ ye otọ ya gba gha ya egbe khian hẹ vbe iyayi vbe uwu Kristi.

Kọlose 2:8

Wa ghẹ gie ọmwaikọmwa ya ẹwaẹn akuọkan ne agbọn ya rẹrẹ ọmwa mu uwa oghunmwu, iruẹmwi la obọ dinna obọ, ọghe emwa, ọre ọ ke rre, kevbe obọ avbe eniwanrẹn asọn ni da kha vbe avbe ideghedeghe agbọn vbe ẹrinmwi, ighẹ ẹ i re obọ Kristi.

II Timoti 4:15

Wẹ tobọ ruẹ ghi vbe rhuanegbe vbe egbe ẹre, rhunmwuda, ọkpankpan ọre ọ ya ye ọmwa egbe ba ẹmwẹ ikporhu na.

Hibru 3:14

Rhunmwuda, otu Kristi ma hia ye, deghẹ ma mu uhunmwu kọ ẹe gbangbaangban, ya sẹ ufomwẹ, ighẹ a mu ẹtin yan ne ima gha mwẹ vbe omuhẹn.

I Pita 5:9

Mudia gbain vbe uwu iyayi ruẹ ne u vbe werriẹ aro igbinna da ẹre, rhunmwuda, ọ kere ne u rẹn wẹ, avbe ivbi iyayi ne ihua ni rre agbọn na hia, egbe oya vberriọ ọre iran wa vbe re khian na.

II Pita 2:7

Ọ keghi miẹn Lọt ne ọmwata fan, ọmwa ne iran ya uyinmwẹ alama iran gha kpokpo ighẹ emwa ne ẹ i lele uhi rhọkpa ruemwi.

II Pita 3:1

Wa ne avbe ọse mwẹ ni ghaan, ebe ne ọ huẹre ne ogieva ne I he gbẹn gie uwa ọre ọ na khin. Vbe ebe eva na, I keghi hia ne i gua uwa ekhọe kpao vbe ọghe iro ne ọ huanrẹn ne a roro, vbe ekpa ne a na ye uwa avbe emwi na rre.

Arhie Maan 2:5

Ye ehe ne u he de sẹ ẹro! Zẹ obọ vbe orukhọ ne u ru, ne u gha ru vbene u te ka gha ru vbe ẹghẹ okaro. A deghẹ u ma zẹ obọ vbe orukhọ ne u ru, I gha bu ruẹ gha dee, I ghi do mu erhan ọmukpa ruẹ hin ihe ẹre rre.