II Pita 3:16 - Edo Bible (E Baibol Ẹdo) Version 1996

¹⁶ Erriọ ọre ọ wa gbẹn ọẹn vbe ebe ẹre hia ne ọ na guan kan ẹmwẹ na. Ihe eso rre ebe ẹre ne ọ lọghọ, avbe emwa ni re ogboi kevbe ne ọ ma mudia ẹse, ghi gha rhan otọ ọre la odẹ ohoghe, zẹ vbene iran vbe ru ehe ọvbehe hia vbe uwu Ebe. Iran ọ tobọ iran fuẹn egbe iran uan.

II Pita 3:16 ပူးပေါင်းရင်းမြစ်များ

Gẹnẹsis 49:4

Te u yevbe ogbigbi amẹ ne ọ hẹ yo hẹ rre, sokpan wẹ i ra gha re ne ọ hiunkhuan sẹẹ, rhunmwuda u gu amwẹ erha ru emwi awua. U ru ukpo orọnmwẹ mwẹ awua, u keghi muẹn hin.

I Ọba 10:1

Ọba okhuo e Siẹba keghi họn otiti e Solomọn, ọ na gha rrie Jerusalẹm ne ọ mu ibo gie ẹe san.

Psalm 56:5

Avbe eghian ghi ho mwẹ ẹmwẹ ne ebi ro, ẹghẹ hia ọ re iran ya zẹ iro, ọghe vbene iran gha ya kuan mwẹ hẹ.

Ẹksọdọs 23:2

Ghẹ ye egbe ba emwa ra emwi dan rhunmwuda ighẹ iran bun, a gha gui ẹzọ, ghẹ sẹ osẹe ne ẹi gie a miẹn otọ ẹmwẹ rhunmwuda ne emwa nibun sẹ miẹn ehe na gha ghe ruẹ ẹse.

Ẹksọdọs 23:6

“A gha gui ẹzọ ivbiogue vbe uwu uwa wa ghẹ khiẹn ohiẹn bu gbe ẹe.

Jerimaia 23:36

Rhunmwuda ọnii, ọ ma kei ne iran ye gha lo ẹmwẹ na wẹẹ, ‘ihẹ e Nọyaẹnmwa,’ rhunmwuda, ọmwaikọmwa ne ọ ye danmwẹ ọẹn, I gha gele gie ẹmwẹ mwẹ khian ẹre ihẹ. Avbe emwa na fi ẹmwẹ Osanobua iran werriẹ, Osanobua ne ọ rrọọ, e Nọyaẹnmwa ne Oghodua.

Habakọk 1:4

Te uhi ye mitan mitan, ẹ i vbe mwẹ esa, a i vbe bu ohiẹn ẹmwata. Emwa dan ghi gha rria ase emwa ẹmwata, rhunmwuda ọnii, te ohiẹn ghi khian ne a khiẹn bu.

Matiu 15:3

Jesu wanniẹn iran ẹmwẹ wẹẹ, “Vbe uwa na mu uhi Osanobua fua hẹ vbe uwa gba ilele uwa ginna obọ?

Matiu 15:6

ohan i ghi gi ẹe dọlegbe ya ẹe mu ọghọ ye erha e ra iye ẹe egbe. Erriọ ọre uwa ya zẹ uhi Osanobua kọ, ne uwa miẹn ehe na mu ọghe uwa sẹ.

Matiu 22:29

Jesu keghi tama iran wẹẹ, “Wa wa bae ku rhunmwuda ighe wa ma rẹn otọe Ebe nii, ra ẹtin Osanobua.

Diuteronomi 16:19

Wẹ ne iran ghẹ bu ohiẹn ne ẹ i re ẹmwata ra ne iran ghe ikpanro, iran ghẹ vbe miẹn ọmwa oko odieke rhunmwuda te oko odieke rhu emwa aro, uhin ke ọghe umẹwaẹn kevbe emwa ẹmwata, ọ ghi ya iran gha khiẹn ohiẹn bu.

Filipai 3:19

Ẹrinmwi erhẹn ọre iran ra na mu omẹ, orriarria egbe iran ọrọre ẹbọ ne iran gho, emwi ne ọ kere ne ekhue ẹre gha mu iran ọre iran ya ghagha, ẹmwẹ emwi agbọn na ọkpa ọre iran mu roro.

Hibru 5:11

Emwi wa rrọọ ne a gha guan yan ẹmwẹ na ẹsẹse, sokpan ọ wa lọghọ ne a rhan otọ ẹre ma uwa, rhunmwuda, wa i rherhe rẹn otọ emwi.

Jems 1:8

Rhunmwuda, ọmwa ẹkẹ vbe iwẹnwẹn nọ, emwi ne ọ ru hia, ọkpa ne ọ mu ẹre ugbamugba ne ọ vbe mu aro yi, ẹ i rrọọ.

I Pita 1:1

E Pita ne ukọ Jesu Kristi ọre ọ gbẹn ebe na gie emwa ne Osanobua hannọ zẹ ni ragha zẹ vbe emwa ne ọlọghọmwa ya lẹ hin owa rre, gba ikinkin ọghe Pọntus, Galatia, Kapadonia, Esia kevbe Bitinia.

I Pita 2:8

Ebe ọvbehe keghi vbe kha wẹ: “Ọna ọ re okuta ne emwa gha na gha rrua owẹ, okuta ne ọ gha munọ iran gbe otọ.” Iran rrua owẹ rhunmwuda iran ma ya nene ẹmwẹ yi, ehe ne Osanobua mwamwa iran yi ọre ọnii khin.

II Pita 2:1

Vbe ẹghẹ ne ọ gberra, a miẹn avbe emamwaemwi ohoghe ni bun vbe uwu ẹbu iran, erriọ wa vbe nọ, a gha vbe miẹn avbe emamwaemwi ohoghe vbe uwu uwa. Iran gha ma emwa iruẹmwi omurhia kevbe ohoghe, iran ghi vbe siẹn Arowa iran ne ọ miẹn iran fan, iran ghi la ekpa ọnii si ọfuan udomwurri mu rhu egbe iran uhunmwu.

II Pita 2:14

Iran i ho ne iran bẹghe emwi ọvbehe gberra ikhuo ni ku ogboi, ẹko i sẹtin vuọn ohanmwẹ orukhọ iran ẹdẹ. Iran ghi gha sua ọmwa ne ọ ma wo vbe egbe fi ifi. Te a wa ma ekhọe iran ẹre ne iran gha zuan. Te Osanobua fi iran unu.

II Pita 3:14

Rhunmwuda ọnii, wa ne ọse mwẹ vbe uwu ne uwa na mudia khẹ Ẹdẹ ne ẹdẹrriọ, wa ziga ne uwa gha re ni hianrẹn kevbe ne ẹ i mwẹ okan vbe odaro Osanobua, ne uwa guẹe gha rrọọ vbe ọfumwegbe.

II Pita 3:2

I ho ne uwa ye avbe ẹmwẹ ne avbe akhasẹ tae ẹghẹ ne ọ kpẹe fua kevbe avbe iyi ni ke obọ Nọyaẹnmwa kevbe Ọmiọnmwafan mwa rre, zẹ vbene a vbe ukọ tae ma uwa.

Ebe ne Jud gbẹẹn 1:4

Rhunmwuda, emwa dan eso rẹnrẹn la uwu ima vbe ne a ma na rẹn, iran gha mu ikporhu ẹmwẹ ẹsọhẹ Osanobua khian ne iran miẹn ehe na rhie otọ ne uyinmwẹ alama oghẹ iran, ne iran miẹn ehe na he Jesu Kristi ye otọ, ọmwa ne ọre Arowa ọkpa ne ima mwẹ kevbe Nọyaẹnmwa. Ẹghẹ ne ọ kpẹre ne ọ gberra, ọre Ebe ta ẹmwẹ a bu abe gbe emwa na, ye otọ ighẹ ne ọ do sẹ iran egbe na.