II Pita 3:10 - Edo Bible (E Baibol Ẹdo) Version 1996

¹⁰ Sokpan Ẹdẹ Nọyaẹnmwa gha rre zẹ vbe oyi. Vbe Ẹdẹ ne ẹdẹnẹdẹrriọ, uwu owogho ne ọ khẹkhẹ ehọ, ọre a ra na ho iso bẹkun, avbe emwi ni wie yo wie rre vbe ideghedeghe aro iso ghi giẹn uan, ehia ghi la ọrhiae rrie, agbọn ke ẹe kevbe emwi ni rre uwu ẹre hia, ghi khian ne a ho bẹkun.

II Pita 3:10 ပူးပေါင်းရင်းမြစ်များ

Psalm 102:26

A gha ho iran bẹkun, sokpan, wẹ gha rrọọ, ehia gha rẹnhuan zẹ vbe ukpọn, a gha ho iran bẹkun.

Psalm 46:6

Ohan mu avbe okpẹvbo a vbe mu avbe otọ arriọba rueghe; Osanobua van avan otọ agbọn keghi ranran an.

Psalm 97:5

Avbe oke ranraẹn zẹ vbe odan vbe odaro Nọyaẹnmwa ne ọ yan agbọn hia.

Aizaia 2:12

Vbe ẹdẹ nẹdẹrriọ, e Nọyaẹnmwa ne Oghodua gha hie uhunmwu emwa ni mwẹ ẹtin hia rriotọ, iran hia ni hio, kevbe ni ya obọ rra ẹwẹe.

Aizaia 24:19

Agbọn gha saa, ọ ghi guọghọ ua, ọ gha vaa, ọ ghi we unu uan yotọ.

Aizaia 34:4

Avbe owẹn, uki kevbe orhọnmwẹ hia gha rẹnkhuan khian ebubẹ, iso gha khian ne a ho bẹkun zẹvbe ebe ohian ne a kiri, avbe orhọnmwẹ ghi kharha kua zẹvbe ebe azara ra ebe ohọ.

Aizaia 51:6

Wa tọn aro mu ghe odukhunmwu, wa ghe otọ agbọn! A gha ho avbe odukhunmwu bẹkun zẹvbe ighogho; agbọn wiẹn uan zẹvbe ukpọn ne ọ khian ọmaẹn emwa ni rrọọ hia gha wulo zẹvbe ikian. Sokpan, imiẹnfan ne I rhie dee, etẹbitẹ nọ akhọnmiotọ mwẹ ọ re ọ ra gha re ufomwẹ ehia.

Joẹl 1:15

Ẹdẹ e Nọyaẹnmwa bu otọe nẹ ẹdẹ ne Oghodua, gha na gie ọfuan rre. Wẹ miẹn ohan ne ọ gha rre ẹdẹ ne ẹdẹrriọ!

Joẹl 2:1

Wa kpe okpe, wa si orhu okuo vbe Zaiọn ne oke nọhuanrẹn Osanobua. Wa gha guọ ivbi e Juda! Ẹdẹ e Nọyaẹnmwa dee ẹgiẹgiẹ.

Joẹl 2:31

Owẹn gha so ebiebi uki ghi do gha baa vbe esagiẹn ọ te sẹ ẹdẹ ne ẹdẹ nọkhua, ẹdẹ ugborrirri, ọghe Nọyaẹnmwa nii, gha ya egbe ladian.

Joẹl 3:14

Arriaisẹn inu ne ọ khin, wa rre Iya Ibuohiẹn, evba nii ọ re ẹdẹ e Nọyaẹnmwa gha na rre ban.

Emọs 9:13

E Nọyaẹnmwa khare wẹẹ, “Ẹdẹ dee ne ọka gha maa ẹgiẹgiẹ gberra vbene a ya rhọ ẹre alimo ayọn ghi vbe wan ẹgiẹgiẹ gberra vbene a sẹtin ya ru ayọn. A vbe oke nekhua gha gin ayọn ne ọ rhiẹnrhiẹn rre. Ọ ghi gha lẹẹ ọre ku otọ.

Emọs 9:5

E Nọyaẹnmwa ne Udazi ne Oghodua ye obọ kan otọ agbọn, ọ keghi mu rueghe. Emwa ni rrọ hia gha khiẹ. Otọ agbọn hia kegha hu yo hu rre zẹ vbe Ẹzẹ e Naẹl.

Maika 1:4

Ẹghẹ nii, avbe oke nekhua nii ghi ranran vbe ototọ owẹ ọre, zẹ vbene odan ranran vbe erhẹn iran gha lẹ ku uwu iya zẹ vbene amẹ lẹ ke uhunmwu oke rre.

Nahum 1:5

Avbe oke nekhua mu rueghe vbe ehe ne Nọyaẹnmwa ye avbe oke negiẹrẹ ranraẹn vbe odaro ẹre. E Nọyaẹnmwa gha ladian, otọe ghi mu rueghe.

Malakai 4:5

Sokpan, vbene ẹdẹ nọkhua ne ọ muohan ọghe Nọyaẹnmwa te do rre, I gha gie Elaija ne akhasẹ bu uwa gha dee.

Matiu 24:35

Ẹrinmwi kevbe agbọn gha gberra, sokpan, ẹmwẹ mwẹ i ra gberra.

Iyẹn ne ọ Maan Ọghe Mak 13:31

Ẹrinmwi kevbe agbọn gha gberra, sokpan ẹmwẹ mwẹ i ra gberra ẹdẹ.

Iyẹn ne ọ Maan Ọghe Luk 12:39

Wa ye rre o, akpawẹ ọdafẹn ne ọ yan owa rẹn ẹghẹ ne oyi gha ya rre, ẹ i ghẹ gie avbe oyi gbe urho la irẹn owa.

Ebe ne Pọl gbẹẹn gie emwa Rom 8:20

Te a gheghe ya avbe emwi ne a yi khian ne ẹ i ighi mwẹ esa, ẹ i re wẹ te ọ te ye ọre vberriọ. Sokpan vbene Osanobua we emwi gha ye ọre nọ, sokpan idaehọ na ye rrọọ wẹẹ,

I Kọrinti 1:8

Rẹn gha ya uwa mudia gbain ya sẹ ufomwẹ, ne a miẹn ehe na miẹn wẹ, ọ gha sẹ Ẹdẹ Jesu Kristi Nọyaẹnmwa, wa ghi gha re emwa ne a miẹn wẹ ẹ i mwẹ abe.

I Kọrinti 5:5

Wa rhie ọmwa na ne Setan ne a gbe ikinnegbe ẹre uan, ne a miẹn ehe na miẹn orhiọn rẹn fan vbe Ẹdẹ Nọyaẹnmwa.

II Kọrinti 1:14

avbe emwi ne uwa rẹn otọ ẹre kherhe kherhe ẹghẹ na. Ne a miẹn wẹ ọ gha ghi sẹ ẹdẹ Nọyaẹnmwa Jesu, wa ghi gha ya ima ghan zẹ vbe ne ima vbe ya uwa ghan.

I Tẹsalonaika 5:2

Rhunmwuda, wa tobọ uwa rẹnrẹn wẹ, zẹ vbene oyi rre vbe asọn ọre Ẹdẹ Nọyaẹnmwa khian rre.

I Tẹsalonaika 5:4

Sokpan, wa ne etẹn mwẹ, wa i rre uwu ebiebi, rhunmwuda, ọnii, ọ ma kei ne Ẹdẹ nii do do uwa mu zẹ vbe oyi.

II Pita 3:11

Vbene a ghi na miẹn nian wẹ erriọ ọre a ra ya fuẹn avbe emwi na hia ua, de egbe emwa ne ọ kere ne uwa gha khin? Wa gie edẹ agbọn uwa gha re ni huanrẹn, kevbe ne a ya fi ohan ne Osanobua,

II Pita 3:12

vbe uwu ne uwa na mudia khẹ Ẹdẹ Osanobua, wa lo ẹtin uwa hia ne a miẹn wẹ ọ rherhe rre. Ẹdẹ ne a gha giẹn ọnrẹn uan ighẹ ẹrinmwi, ọ ghi gha re ne a fuẹn uan, owowo ghi ranran iran uan ighẹ avbe emwi ni wie yo wie rre vbe ideghedeghe aro iso.

II Pita 3:7

Sokpan agbọn kevbe ẹrinmwi ne ọ rrọọ banbanna, ẹmwẹ ọkpa ni ọghe Osanobua, ọre a ya da ẹe yi, ne a do ya erhẹn fuẹn ọnrẹn uan. Te a viọ iran hinrre khẹ ẹdẹ ne a gha gui ẹzọ avbe emwa dan ne a fuẹn iran uan.

Ebe ne Jud gbẹẹn 1:6

Ye iran ne avbe odibo Osa rre, iran ni ma gbe ye egbe, vbe ehe ne a rhie ẹtin ne iran sẹ, sokpan, iran keghi kpao sẹ ehe ne a rhie ne iran gha ye rre. Osanobua hẹ iran ku uwu ebiebi ne ọ rre ototọ, a ya eghan etẹbitẹ de iran khẹ Ẹdẹ ne ẹdẹrriọ ne a gha bu abe gbe iran.

Arhie Maan 16:15

“Wa danmwehọ, I dee zẹ vbe oyi, ọ maa ọre ọghe ọmwa ne ọ ma vbiẹ, ne ọ vbe dọlọ ukpọn ẹnrẹn yi, ne i ra ya irhunmwirhun la ẹvbo, ne ekhue i ra vbe mu vbe adesẹ ẹvbo.”

Arhie Maan 20:11

I keghi bẹghe ẹkete nọkhua nọfua ọkpa ke ẹe kevbe ọmwa ne ọ tota yọọ. Ẹrinmwi kevbe agbọn keghi lẹ hin odaro ẹre rre, a ma ghi vbe miẹn iran ọvbehe.

Arhie Maan 21:1

Iyeke ọnii, I keghi bẹghe ẹrinmwi ọgbọn kevbe agbọn ọgbọn, a kaghi ho ẹrinmwi ne okaro kevbe agbọn ne okaro bẹkun, a keghi vbe ho okun bẹkun.

Arhie Maan 3:3

Rhunmwuda ọnii, ye emwi ne a ma ruẹn re rre, kevbe vbene uwẹ họẹn hẹ, ya ẹe gha ru emwi, ne u fiwerriẹ hin orukhọ ruẹ rre. A deghẹ u ma rhiọrre, I gha fan rhuẹ zẹ vbe oyi, u i ra vbe rẹn ẹghẹ ne I gha ya rre.

Arhie Maan 6:14

A keghi vbọlọ avbe oke nekhua, ke otọ ne amẹ lẹga hin ihe iran rre.