II Pita 2:9 - Edo Bible (E Baibol Ẹdo) Version 1996

⁹ Erriọ vbe nọ, Nọyaẹnmwa rẹn vbene ọ ya yuo emwa esi hin uwu edanmwẹ iran re hẹẹ, kevbe vbene ọ ya da emwa dan ne a gha rri ọre oya yi khẹ Ẹdẹ Ibuohiẹn hẹ.

II Pita 2:9 ပူးပေါင်းရင်းမြစ်များ

Job 21:30

Ẹdẹ ne ohu gha mu Osanobua, ọ na wẹ rẹn ra rri emwa oya, ọmwa dan ọ re ọ la ban ẹghẹ hia.

Job 5:19

Kugbakẹghẹrẹ ọ re ọ ya miẹn ruẹn fan hin ikuan egbe rre.

Psalm 12:1

Nọyaẹnmwa, yi ima obọ. Ọmwa nọmaa rhọkpa i ghi rrọọ. A i ghi miẹn ọmwa ẹmwata.

Psalm 32:6

Erriọ ọ re emwa ruẹn ni mudia ẹse hia, gha na erhunmwu ghe ruẹ vbe ẹghẹ a i mwẹ, ẹghẹ ne amẹ orueghe ne ọ bun, gha na gha vẹ rre ẹ i ghi sẹ ehe ne iran ye.

Psalm 37:33

Sokpan, e Nọyaẹnmwa i ra sẹ ọe rae ye obọ avbe eghian rẹn. Ra ne ọ gia bu abe gbe vbe a gha bu ohiẹn ọnrẹn.

Psalm 4:3

Wa yerre wẹ, e Nọyaẹnmwa zẹ ọmwa ẹmwata ya ru ọghọe nẹ, ọ vbe họn urhu mwẹ vbe I gha kpe tie ẹre.

Itan 12:13

Ẹmwẹ ne unu ọmwa dan, ọ re a ya khuẹn ifi mu ẹẹn, sokpan, ọmwa esi ghi gha rhie uhunmwu ẹnrẹn ke ẹbe ladian.

Itan 16:4

Emwi ne Nọyaẹnmwa yi hia wa mwẹ ne a zẹ yotọ khẹ ọre; emwi ne a ghae khẹ ọmwa dan ọrọre ọfuan.

Matiu 10:15

Ne I tama uwa ọ gha sẹ ẹdẹ ibuohiẹn, Osanobua gha tohan emwa ni rre Sọdom kevbe Gomorra sẹ emwa ni rre ẹvbo ni.

Matiu 6:13

Ghẹ gia danmwẹ mwa ghe, rhie mwa lẹre hin obọ Ọkaẹrhia Nii.’

Ebe ne Pọl gbẹẹn gie emwa Rom 2:5

Sokpan ẹkoko udu ne ọ ze kevbe ne ọ wo vbe egbe ọre u mwẹ. Rhunmwuda ọnii te u yae kpọlọ yọ ighẹ oya ne a gha rriọ re vbe ẹdẹnẹdẹrriọ ne izohu Osanobua kevbe ihuohiẹn emwata ẹre gha rhie egbe maa.

I Kọrinti 10:13

Edanmwẹ ne uwa he miẹn hia, egbe ne emwa ọvbehe hia vbe miẹn nọ. Rhunmwuda, Osanobua gha yan an, te ọ muẹn sẹ, ẹ i ra kue ne a danmwẹ uwa ghe gberra vbene ẹtin uwa sẹe, sokpan ẹghẹ ne a na danmwẹ uwa ghe nii, ọ gha rhie ẹtin ne uwa ya ya egbe miẹn ẹnrẹn, ne uwa miẹn ehe na sẹtin do ọe fe.

II Timoti 3:12

Emwa hia ni ho ne iran gha yin uyinmwẹ ne ọ yẹ Osanobua, vbe a ya egbe ba Kristi, a gha zẹ iran kpokpo.

Taitọs 2:14

Rẹn keghi rhie egbe ẹre ne ima, khian emwa ne ẹ i mwẹ iruẹn, ne ọ re ọghe irẹn ọkpa, kevbe ne ho ne iran gha ru emwi esi.

II Pita 2:4

Rhunmwuda Osanobua ma ya bọ avbe odibo ni ru orukhọ, sokpan te ọ filo iran ku uwu ẹrinmwi erhẹn, ehe ne a na khui iran ye uwu ebiebi hin re khẹ Ẹdẹ Ibuohiẹn.

II Pita 3:7

Sokpan agbọn kevbe ẹrinmwi ne ọ rrọọ banbanna, ẹmwẹ ọkpa ni ọghe Osanobua, ọre a ya da ẹe yi, ne a do ya erhẹn fuẹn ọnrẹn uan. Te a viọ iran hinrre khẹ ẹdẹ ne a gha gui ẹzọ avbe emwa dan ne a fuẹn iran uan.

Ebe ne Jud gbẹẹn 1:6

Ye iran ne avbe odibo Osa rre, iran ni ma gbe ye egbe, vbe ehe ne a rhie ẹtin ne iran sẹ, sokpan, iran keghi kpao sẹ ehe ne a rhie ne iran gha ye rre. Osanobua hẹ iran ku uwu ebiebi ne ọ rre ototọ, a ya eghan etẹbitẹ de iran khẹ Ẹdẹ ne ẹdẹrriọ ne a gha bu abe gbe iran.

Arhie Maan 3:10

Rhunmwuda ighẹ u rhie iyi ne I yi ne uwa, wẹ ne uwa ziengbe, mẹ gha vbe rhie ruẹ lẹre vbe ne a i na mwẹ ẹbe hin obọ ẹghẹ ọlọghọmwa, ne ọ ra do hihiẹ yan uhunmwu otọ agbọn hia, ne a ya danmwẹ emwa hia ni rre agbọn ghe.

I Samuẹl 29:10

Rhunmwuda ọnii nian, e Devid, owiẹ ne akhuẹ, wa hia ni lẹ sẹ e Sọl rae bu mwẹ gha dee, wa ghi kpaegbe vbe owiẹ fioo ne uwa gha rrie vbe ẹdẹ a da wan.”