II Pita 2:8 - Edo Bible (E Baibol Ẹdo) Version 1996

⁸ Rhunmwuda, ọmwa esi na ne ọ gha rre uwu ẹbu iran, ẹdẹgbegbe ọ re ọ ya họn, ne ọ na vbe gha miẹn, avbe emwi nii, ni mu ẹre orhiọn rueghe vbe avbe emwi dan ne iran ru.

II Pita 2:8 ပူးပေါင်းရင်းမြစ်များ

Gẹnẹsis 13:13

ne emwa rẹn re emwa dan ni vbe ru orukhọ ghe Nọyaẹnmwa.

Psalm 119:136

Ameve mwẹ lẹ kua zẹ vbe ẹzẹ, rhunmwuda ne emwa i na ya uhi ruẹ ru emwi.

Psalm 119:139

Ohu ne ọ mu mwẹ tọn vbe erhẹn vbe uwu imẹ, rhunmwuda, avbe eghian mwẹ i zẹye iyi ruẹ.

Psalm 119:158

I gha bẹghe avbe ọgueva nii, ẹko ghi gha hu mwẹ, rhunmwuda, iran i ya iyi ruẹ ru emwi.

Itan 25:26

Ọmwa esi gha rhie otọ ne ọmwa dan, te ọ ye vbe ẹzẹ ne ọ tughu ra uhae ne a zẹ eruan yi.

Itan 28:12

Emwa esi gha rre asẹ, agbọn hia ghi gha ghọghọ; sokpan, emwa dan gha re ukpo, edọmwadẹ ọghọe ghi rhie uhunmwu lẹre.

Ezikiẹl 9:4

“Wa ya la e Jerusalẹm hia gaa, ne u vinnọ ama ye uharo avbe iran ni viẹ egbe viẹ ẹhi ye ẹmwẹ uyinmwẹ ne ọ zughu ọmwa ẹko ne iran yin vbe ore ẹvbo.”

Ezikiẹl 9:6

Wa gbele avbe ediọnmwa, kevbe avbe edede, igbama kevbe ivbialeke, iye emọ kevbe emọ. Sokpan, wa ghẹ ya obọ kan emwa ne ama rre ọre uharo. Wa wa suẹn vbe Ọgua Osa mwẹ vbe emwa na.” Rhunmwuda ọnii, iran keghi wa ye avbe ọkaolotu ni mudia vbe Ọgua Osa vba suẹn.

I Timoti 1:9

Sokpan, ọ kere ne a yerre wẹ, emwa ne a rhunmwuda ẹre yi uhi i re avbe emwata, sokpan avbe iran ni de iyi, kevbe izigan, iran ne ẹ i mu ohan Osanobua, kevbe emwa orukhọ, iran ne ẹ i zẹ ye ẹmwẹ ugamwẹ, ra emwi orhiọn, iran ni gbele erha kevbe iye iran uan, avbe izigha.

Hibru 11:4

Iyayi ọre Ebel ya zọ ese ne ọ maa sẹ ọghe Ken ghe Osanobua. Rhunmwuda iyayi ẹre, ọre Osanobua na kae ye ọmwa ẹmwata, rhunmwuda Osanobua tobọ ẹre rhan ohọ miẹn emwi imuohan rẹn.

Jems 5:16

Rhunmwuda ọnii, wa gha miẹn orukhọ uwa kue ma egbe, wa ghi vbe gha na erhunmwu ne egbe. Ne egbe miẹn ehe na rran uwa. Erhunmwu ọmwa ẹmwata wa mwẹ ẹtin ne a ya winna iwinna ẹtin ẹsẹse.