II Pita 2:21 - Edo Bible (E Baibol Ẹdo) Version 1996

²¹ Ọ te wa ma ne iran, ne iran ghẹ i zẹdẹ rẹn odẹ ẹmwata, sẹẹ ne a miẹn wẹ ugbẹn vbe iran ghi vbe rẹn ọnrẹn nẹ, ne iran fi iyeke gbe avbe iyi ne ọ huanrẹn ne a yi ma iran.

II Pita 2:21 ပူးပေါင်းရင်းမြစ်များ

Psalm 125:5

Sokpan, u gha rria iran ne emwa dan ikhi u ghi vbe rria iran ni yangbe odẹ ruẹ ikhi. Ọfumwegbe gu Izrẹl rrọọ!

Psalm 85:8

I gha danmwehọ ẹmwẹ ne Nọyaẹnmwa ne Osanobua guan ọ ve ima ne emwa rẹn ọfumwegbe, a deghẹ ma ma dọlegbe gha rriẹ odẹ ukọnmwẹ ima.

Itan 12:28

Uyinmwẹ ẹmwata ọrọre urodẹ agbọn, uyinmwẹ dan ovbi odẹ uwu nọ.

Itan 16:31

Utọmwẹ ọrọre ere ẹmwata, ede uyi ọ re edẹ khin.

Ezikiẹl 18:24

“Sokpan, a deghẹ ọmwa esi dobọ emwi esi ne ọ ru yi, ọ na suẹn ya gha ru emwi osọnnọ dan ne avbe emwa dan ru, ọ gha miẹn uhunmwu ra? Hiehiere! A i ghi ye avbe emwi esi ne ọ te ka ru rhọkpa rre. Ọ gha wu ye a i ta ẹmwata kevbe orukhọ ẹre.

Ezikiẹl 23:13

I keghi miẹn wẹ, awa ọ re ọ lalọ ẹre aro, kevbe wẹ ọtẹn nokhuo ne ogieva na, te ọ wa vbe rhiaa zẹ vbene ne nokaro ye.

Ezikiẹl 3:20

Adeghẹ ọmwa esiesi suẹn gha ru orukhọ, I na rhie ẹre uhunmwu da ẹbe, ọ gha wu adeghẹ wẹ ma tama rẹn khẹ ọ dee. Ọ gha wu rhunmwuda orukhọ ẹre, mẹ i ra vbe ye emwi esi ne ọ te ka gha ru rre, I gha lẹ uwu ẹre ginna ruẹn obọ.

Ezikiẹl 33:13

I sẹtin tama ọmwa esi wẹ ẹ i ra wu, sokpan, adeghẹ ọ ghi kha wẹ emwi esi ne irẹn ka ru sẹe nẹ, ọ na suẹn gha ru orukhọ, I i ghi ye avbe emwi esi ne ọ te ka ru yi rre. Te ọ ye uhunmwu ye orukhọ ne ọ ru.

Zẹfanaia 1:6

I gha fuẹn iran ighe iran ni werriegbe, ne iran na ma ghi lele mwẹ ọvbehe, iran ni ma bu mwẹ rre do nọ mwẹ wẹ ne I ru igiodẹ ne iran.”

Matiu 21:32

Rhunmwuda, Jọn ne Ọsamẹ rre do ma uwa odẹ ẹmwata ne uwa gha la, wa ma ya ẹe yi. Sokpan, iran ni koko igho uhunmwu kevbe avbe igberagie keghi ya ẹe yi. Wa rhe yevbe miẹn emwi vberriọ, wa ma wẹ ne uwa fi ekhọe werriẹ vbe okiekie ne uwa do ya ẹe yi.”

Iyẹn ne ọ Maan Ọghe Luk 12:47

“Ọguọmwadia ne ọ rẹn emwi ne arowa ẹre ho ne ọ ru, ne ọ ma vbe ru vbene arowa ẹre ho, a gha ye asan gbe ẹe ne obọ dae ẹsẹse.

Iyẹn ne ọ Maan Ọghe Jọn 15:22

Iran ghẹ i rri abe emwi rhọkpa akpawẹ mẹ ma rre do gu iran guan, vbene ọ ghi ye na nian, iran i ghi miẹn emwi mu ẹmwẹ orukhọ iran na.

Iyẹn ne ọ Maan Ọghe Jọn 9:41

Jesu wanniẹn wẹẹ, “Akpawẹ te uwa rhu aro, wa ghẹ rria abe hiehie re, sokpan rhunmwuda ighẹ wa khare wẹẹ, ‘Ma bẹghe!’ irriabe nọkhua ọre uwa mwẹ.”

Ebe ne Pọl gbẹẹn gie emwa Rom 7:12

Nene Uhi tobọ ẹre, emwi ne ọ huanrẹn nọ, emwi ne ọ huanrẹn ọre iyi ne a yi vbe khin, ọ vbe kei, ọ vbe maa.

Galatia 6:2

Wa gha kpa egbe ihẹ, odẹ vberriọ ọre uwa gha ya mu uhi Kristi sẹ.

I Tẹsalonaika 4:2

Rhunmwuda, wa rẹn vbene ima tama uwa hẹ vbe ekpa asẹ ne ọ ke obọ Nọyaẹnmwa Jesu rre.

I Timoti 6:14

Gha ya iyi na ru emwi u ghi dae yi mwẹ vbe ne ẹ i mwẹ ozan, vbe ọ te sẹ Ẹdẹ ne Nọyaẹnmwa Kristi Jesu gha ye egbe ladian.

Hibru 10:26

Rhunmwuda, ese ọvbehe ne ọ gha kpe orukhọ kua i ghi rrọọ, a deghẹ ma ye ma gha ru orukhọ khian, iyeke vbe a rhie nene ẹmwata ma ima nẹ.

Jems 4:17

Rhunmwuda ọnii nian, ọmwa ne ọ rẹn emwi ne ọ kere ne irẹn ru ne ọ ma ru ẹe, ọ rri abe orukhọ.

II Pita 3:2

I ho ne uwa ye avbe ẹmwẹ ne avbe akhasẹ tae ẹghẹ ne ọ kpẹe fua kevbe avbe iyi ni ke obọ Nọyaẹnmwa kevbe Ọmiọnmwafan mwa rre, zẹ vbene a vbe ukọ tae ma uwa.

Ebe ne Jud gbẹẹn 1:3

Wa ne ọse mwẹ ni ghan, ẹghẹ ne I na wa gha hia ne I gbẹn ebe gie uwa, vbe ekpa imiẹnfan ne ọre ọghe ima hia, ọre ọ na wa do la mwẹ ekhọe ne I gbẹn ebe gie ua, ne I ya rhie igiẹdu ne uwa, ne uwa gha gbinna nẹẹn khian ighẹ iyayi ni ne Osanobua rhie ne emwa rẹn hia uhukpa nii.