II Pita 2:2 - Edo Bible (E Baibol Ẹdo) Version 1996

² Ọ rhe ye vberriọ ni bun gha ye gha yin uyinmwẹ alama iran khian, a ghi do miẹn wẹ, rhunmwuda emwi ne iran ru, emwa ghi do gha ye ukpẹ sakan Odẹ ẹmwata nii.

II Pita 2:2 ပူးပေါင်းရင်းမြစ်များ

Gẹnẹsis 19:5

Iran keghi datie Lọt, iran na nọ rẹn wẹẹ, “Ikpia ni rre do di owa ruẹ ya asọn na vbo? Viọ iran ladian ne ima!” Ivbi e Sọdom keghi ho ne iran gu iran ru emwi.

Psalm 18:21

Mẹ mu uhi e Nọyaẹnmwa sẹ nẹ, I ma fi iyeke gbe Osanobua mwẹ.

Aizaia 35:8

Odẹ ne gbodoo gha la evba, a ghi gha tie ẹre “Odẹ uhuanmwẹ.” Ọmworukhọ i ra la odẹ nii ẹdẹ akpa i ra bibi emwa ni lae odẹ.

Jerimaia 6:16

E Nọyaẹnmwa tama emwa rẹn wẹẹ, “Wa mudia ye ada ne uwa rhie aro yotọ. Wa nọ ehe ne avbe odẹ nẹdẹ ye kevbe avbe odẹ ni maa sẹẹ nii. Wa gha la ẹe, wa gha vbe gha rre ọfumwegbe.” Sokpan, iran khare wẹẹ, “Ẹn o, ma i ru vberriọ.

Matiu 22:16

Iran keghi rhunmwuda ọnii gie eso vbe uwu avbe erhuanegbe iran ba avbe igbesa Hẹrọd bu Jesu gha khian. Iran tama rẹn wẹẹ, “Ọmwa ẹmwata ọre ima rẹn ruẹn yi, ẹmwata ne ọ rre vbene Osanobua mu ẹmwẹ ẹdẹ agbọn emwa ne agbọn yi, ọre u ma emwa re, vbe ne u i na vbe lele ne agbọn khare, rhunmwuda ighe osi ẹrrẹe ọghe ukpo ne ọmwa ye, ẹ i si ọ.

Matiu 24:24

Rhunmwuda, avbe akhasẹ kevbe Mẹzaia ohoghe gha rre. Iran gha winna iwinna ama kevbe iwinna ọyunnuan ni bun ne iran ya rẹrẹ emwa ne Osanobua hannọ zẹ re deghẹ ẹtin iran sọe.

Matiu 7:14

Sokpan te onurho arrọọ ye wẹnrẹn, odẹ ne a la sọe ma vbe rriẹ, ibozẹghẹ ọre ọ vbe lae.

Iyẹn ne ọ Maan Ọghe Mak 12:14

Iran keghi bu ẹre gha dee, iran tama rẹn wẹẹ, “Ọmamwaemwi, ọmwa ne ọ ta ẹmwata ma rẹn ruẹn yi, wẹ i lele ne agbọn khare, rhunmwuda osi ẹrrẹe i siọ, sokpan, ẹmwata ne ọ rre vbene Osanobua mu ẹmwẹ edẹ agbọn emwa yi ọre u ma emwa re. Tama ima, ọ kere vbe ọmwa a ha igho uhunmwu gie Ọgbaisi e Rom ra ọ ma ke? Ne ima ha ẹre ra ne a ghẹ hae?”

Iyẹn ne ọ Maan Ọghe Mak 13:22

Rhunmwuda Mẹzaia ohoghe kevbe akhasẹ ohoghe ni bun gha rre. Iran gha winna iwinna ọyunnuan, a deghẹ ọ gie iran ru ne iran ya hiẹ emwa ne Osanobua hannọ zẹ mu ru.

Iyẹn ne ọ Maan Ọghe Jọn 14:6

Jesu wanniẹn wẹẹ, “Mẹ ọrọre odẹ, mẹ ọrọre ẹmwata, mẹ ọrọre arrọọ. Ọmwa nọ gha sẹtin sẹ ehe ne Evbavba ye ẹ i rrọọ vbe ẹ i re wẹ te ọ la obọ mwẹ.

Iwinna 13:10

ọ wẹẹ, “Wẹ ne ovbi e Esu. Wẹ ne oghian emwi ni maa hia, wẹ ne ẹkẹ vbe iwẹnwẹn gba ẹre obọ, wẹ ne ọ hia ne ọ gha ya ẹmwata Nọyaẹnmwa khian ohoghe vbe ẹghẹ hia!

Iwinna 14:2

Sokpan avbe Ju ni ma yayi keghi bọ iran ne ẹ i re Ju yọ, iran keghi fi iran ekhọe werriẹ mu aro da iran ne etẹn.

Iwinna 16:17

Ọ keghi wa lele Pọl kevbe ima, ọ na gha go wẹẹ, “Iran na, eguọmwadia Osanobua ne ọ yo sẹ iran khin, te iran tama uwa vbene uwa gha ya miẹn imiẹnfan hẹẹ!”

Iwinna 18:26

Ọ keghi wa gha ya udinmwẹ guan vbe Ọgua ediọn. Ugbẹn vbe Priskila kevbe Akuila họn ẹmwẹ ọnrẹn, iran keghi rhie ẹre gha rrie owa iran, iran keghi ya dọlegbe rhan otọ ẹmwẹ odẹ Osanobua ma rẹn ẹse.

Iwinna 19:9

Sokpan eso vbe uwu iran keghi ze utun vbe ehọ, iran ma yayi, iran kegha filo unu gie Odẹ ọghe Nọyaẹnmwa sirra emwa nii hia. Pọl keghi rhunmwuda ọnii sẹ iran rae, ọna viọ avbe erhuanegbe nii, ọ kegha ma emwa emwi ẹdẹgbegbe vbe owa iruẹmwi ọghe Tiranọs.

Iwinna 22:4

I kegha lọghọ iran, I na gha gbele iran ighẹ avbe emwa ni lele odẹ na. I na gha munọ ikpia kevbe ikhuo hẹ ku ẹwẹdọ.

Iwinna 24:14

Emwi ne ọ miẹn khama ruẹn ọna khin wẹẹ: Odẹ ne iran khare ighẹ ohoghe nọ ọre I la ga Osanobua avbe erha mwa odede. Sokpan I vbe ya emwi hia ne a gbẹnnẹ ye Uhi e Mosis kevbe ebe avbe akhasẹ yi.

Ebe ne Pọl gbẹẹn gie emwa Rom 2:24

Rhunmwuda Ebe tae wẹ, “Rhunmwuda avbe uwa ne Ju, eni Osanobua keghi khian ne avbe iran ne ẹ i re Ju ghi ye ukpẹ sakan.”

I Timoti 5:14

Rhunmwuda ọnii, emwi ne I ho ọrọre wẹ ne avbe ẹgbẹ ni re ibiẹka gha rọnmwẹ ọdọ, ne iran biẹlẹ, ne iran gbe aro ghe owa iran, ne a ghẹ rhie otọ ne iran ne eghian mwa ya gha zan mwa.

Taitọs 2:5

Ne iran ghẹ gha balọ egbe, ne iran gha re ne ẹ i mwẹ awua, kevbe amwẹ ne iye ọwa esi ni họn ẹmwẹ ne ọdafẹn iran, ne ọmwaikọmwa ghẹ ya ukpẹ sakan, ẹmwẹ Osanobua.

Taitọs 2:8

Gha lo ẹmwẹ ne ọ gbae ne ẹ i gia gbe odan ye ọmwa ẹre, ne ekhue miẹn ehe na mu avbe eghian ighẹ iran ma ghi miẹn emwi rhọkpa ya zan ima.

I Pita 2:12

Wa gie uyinmwẹ ne uwa yin maa sẹ rriọ vbe uwu ẹbu avbe eni ma yayi wẹ, iran gha ba uwa ifi ẹzọ wẹ emwi dan ọre uwa ru, iran ghi vbe tobọ iran kha wẹ, wa vbe ru emwi esi, rhunmwuda ọnii, iran ghi rho Osanobua vbe Ẹdẹ ne ọ ra rre.

II Pita 2:12

Egbe ne ọ ma ọmwa emwi, ọre iran na lele ru emwi zẹ vbene iran wa ye ighẹ avbe aranmwẹ oha ne a biẹlẹ ne a miẹn gha mu gbele re. Iran ghi gha ya ukpẹ sakan emwi ne iran ma rẹn otọ ẹre. Te a ra fuẹn iran hia, zẹ vbe aranmwẹ oha.

II Pita 2:15

Iran kpao hin odẹ ne ọ diae rre nẹ, iran keghi bibi odẹ. Iran la odẹ ne Balam ne ovbi Bọsọ lae, ọmwa ne igho ne ọ gha sẹ ọre obọ vbe ọ gha ruemwi dan nẹ, viẹn ye ọre aro.

II Pita 2:18

Iran ghi gha ya unu ta ẹmwẹ itengbemu akpa, iran ghi gha ya emwi orriarria egbe alama, khuẹn ifi munọ avbe emwa ni he da lẹfe hin uwu ẹbu emwa ni rre uwu abakuru rre.

II Pita 2:21

Ọ te wa ma ne iran, ne iran ghẹ i zẹdẹ rẹn odẹ ẹmwata, sẹẹ ne a miẹn wẹ ugbẹn vbe iran ghi vbe rẹn ọnrẹn nẹ, ne iran fi iyeke gbe avbe iyi ne ọ huanrẹn ne a yi ma iran.

II Pita 2:7

Ọ keghi miẹn Lọt ne ọmwata fan, ọmwa ne iran ya uyinmwẹ alama iran gha kpokpo ighẹ emwa ne ẹ i lele uhi rhọkpa ruemwi.

Ebe ne Jud gbẹẹn 1:10

Sokpan, iran na ghi gha ya unu salọ emwi ne iran ma rẹn otọ ẹre, avbe emwi nii ne egbe ma iran ẹre, zẹ vbe aranmwẹ oha, ọrọre emwi ne ọ vbe fuẹn iran uan.

Ebe ne Jud gbẹẹn 1:15

Ne ọ do bu ohiẹn iran hia, ne ọ do bu abe gbe avbe emwa dan hia, rhunmwuda emwi dan hia ne iran ru, kevbe rhunmwuda ẹmwẹ ihin hian ne iran ne emwa dan na guan gie Osanobua!”

Ebe ne Jud gbẹẹn 1:4

Rhunmwuda, emwa dan eso rẹnrẹn la uwu ima vbe ne a ma na rẹn, iran gha mu ikporhu ẹmwẹ ẹsọhẹ Osanobua khian ne iran miẹn ehe na rhie otọ ne uyinmwẹ alama oghẹ iran, ne iran miẹn ehe na he Jesu Kristi ye otọ, ọmwa ne ọre Arowa ọkpa ne ima mwẹ kevbe Nọyaẹnmwa. Ẹghẹ ne ọ kpẹre ne ọ gberra, ọre Ebe ta ẹmwẹ a bu abe gbe emwa na, ye otọ ighẹ ne ọ do sẹ iran egbe na.

Ebe ne Jud gbẹẹn 1:7

Wa ye Sọdom kevbe Gomorra kevbe ivbi ẹvbo ni lẹga iran rre, emwa ni ru vbene avbe odibosa vbe ru, ne iran na gha ru emwi ne ọ ma gba vbe ekpa oghẹ, iran kegha fi ehia werriẹ ghe odẹ dan, a keghi ya erhẹn ne ọ giẹn ẹdẹdẹmwẹdẹ rri iran oya ne emwa hia gha miẹn ọnii waan.

Arhie Maan 12:9

A keghi mu Ugbogiorinmwi ne gẹdẹgbẹ nii fua. Rẹn ọrọre ẹyẹn nẹdẹ nii, ne a tie ẹre Setan, ne ọ mu otọ agbọn hia rẹrẹ. A keghi fi ẹe fi agbọn ke ẹe kevbe avbe odibo ẹre hia.

Arhie Maan 13:14

Ọ keghi ye iwinna ọyunnuan ne a rhie ẹghẹ nẹẹn ya winna mu emwa hia ni rre agbọn rẹrẹ vbe sirra aranmwẹ oha ne okaro nii. Aranmwẹ oha na keghi wẹ ne emwa ne agbọn hia ma amazẹ ọkpa ne a ya ya ọghọ nẹẹn ighẹ aranmwẹ oha nii ne a ya umozo kuan rẹn egbe ne ọ ma wu.

Arhie Maan 13:8

Emwa ni rre agbọn hia gha ya uhunmwu rhanmwẹ otọ nẹẹn, ọnii nọ wẹ, avbe emwa hia ne a ma he gbẹnnẹ eni iran vbe agbọn te do suẹn, ye ebe emwa ni rrọọ, iran ni re ọghe Oteghe Ohuan ne a te gbe ua.