II Pita 2:16 - Edo Bible (E Baibol Ẹdo) Version 1996

¹⁶ A keghi guẹe gui ye abakuru ẹre. Rhunmwuda ekẹtẹkẹtẹ ne odin keghi rhan unu guan, zẹ vbe ọmwa ne agbọn, ọ na da akhasẹ ni obọ uyinmwẹ ọmwẹmwẹ ne ọ te ra yin yi.

II Pita 2:16 ပူးပေါင်းရင်းမြစ်များ

Psalm 39:11

Ẹzọ ne u gu ọmwa gui, ọ re u ya rri ọmwa oya ye orukhọ ne ọ ru. U ghi vbe fuẹn emwi ne ọ te ye ọre ua zẹ vbene arriukpa rri emwi. Vbe ẹmwata, ọmwa ma maa sẹẹ ẹhoho ne ọ rhie gberra khian.

Asan-Ibo 7:25

Sokpan, mẹ keghi wa mu aro ye ẹmwẹ irẹnmwi kevbe emwi ne a ruẹ, I keghi wẹ te I gha gualọ ẹwaẹn miẹn, ne I vbe rhie ewanniẹn ye avbe ọta ne I nọ hia; kevbe ne I rẹn vbene ezurọ re emwi ukọnmwẹ kevbe emwi dan hẹ.

Asan-Ibo 9:3

Emwi okpa ọ re ọ rruan ehia vbe abọkpa nii, ọna ma vbe zẹdẹ kei, zẹ vbene emwi nibun ni sunu vbe agbọn na ye. Omwa vbene a na miẹn wẹ emwa ye rre agbọn, te ekhọe iran vuọn ne ọkhọ kevbe emwẹmwẹ, iran ghi gha wulo uwu udomwurri.

Hozia 9:7

Ẹghẹ ne a ya rri emwa oya rre nẹ, ẹghẹ ne a gha na ru emwa emwi ne ọ ma iran. Ọnii gha ghi sunu, Izrẹl gha vbe rẹn. Wa khare wẹẹ, “Akhasẹ na, akpa nọ, ọmwa ne a rhie ẹmwẹ ya giee ẹre uhunmwu na, te ọ mwẹmwẹ.” Wa na wa mu ohu mwẹ vberriọ, rhunmwuda, orukhọ uwa kpọlọ.

Iyẹn ne ọ Maan Ọghe Luk 16:11

A gha miẹn ighẹ ero ọre uwẹ ru ye ẹmwẹ ẹfe agbọn na, vbe a gha na rhie ẹfe ne ẹfe nuẹn hẹẹ?

Iwinna 26:11

Ẹghẹ ni bun ọre I ya gha rri iran oya vbe uwu Ọgua ediọn, I na gha hia ne I ruẹ e ne iran siẹn iyayi iran, ohu iran mu mwẹ sẹrriọ wẹ, I na gha mu va ye isi ya gha lọghọ iran vbe odọ.