II Pita 2:13 - Edo Bible (E Baibol Ẹdo) Version 1996

¹³ A gha vbe ye oya ne a re ha iran osa ye oya ne iran si ye emwa ọvbehe egbe. Emwi ne Ọ ya ẹko iran rhiẹnrhiẹn ọrọre ne iran gha ru avbe emwi nii, ni gha vuọn iran ẹko oregbe nii, vbe ogiavan, emwi ekhue kevbe ne ọ mu ọmwa eni rhia, ọre iran khin vbe iran a deba uwa gha rri evbare, sevba, iran ghi ye gha gbọgọlọbọ vbe odẹ erẹrẹ iran.

II Pita 2:13 ပူးပေါင်းရင်းမြစ်များ

Ihuan Ne Ọ Sọọ Ihuan Hia 4:7

A miẹn vbene u mose hẹ enida mwẹ; a miẹn vbe u ye kereghede hẹ!

Aizaia 3:11

Sokpan, ọghe avbe emwa dan fo nẹ. Emwi ne iran ka ru emwa ọvbehe re, ọ re a ghi ra vbe ru iran re na.

Ebe ne Pọl gbẹẹn gie emwa Rom 13:13

Wa gie ima gha ru emwi ọmwa ne ọ rẹn enegbe, zẹ vbe ivbi uwanmwẹ ẹdẹ, ẹ i re vbe uwu oyanghan, ra ayọn ne a da gbe egbe, ẹ i re uwu alama oghẹ ra u sakanmwẹ, ẹ i re vbe uwu igbinna ra oya ọmwa da ọmwa.

Ẹfisọs 5:27

Ne ọ miẹn ehe na rhie esọsi gi egbe irẹn, ke ẹe kevbe ose ẹre hia, ne ọ huanrẹn kevbe ne ẹ i mwẹ okan, ne emwi ma sa, ne ọ ma bunnọ ikuẹnkuẹn, kevbe ne ẹ i mwẹ ehe ne ọ kẹe yi hiehiere.

Filipai 3:19

Ẹrinmwi erhẹn ọre iran ra na mu omẹ, orriarria egbe iran ọrọre ẹbọ ne iran gho, emwi ne ọ kere ne ekhue ẹre gha mu iran ọre iran ya ghagha, ẹmwẹ emwi agbọn na ọkpa ọre iran mu roro.

II Timoti 4:14

Emwi ne ọ ru mwẹ re ima ighẹ Alẹkzanda ne ogun ẹrọnmwọ. E Nọyaẹnmwa gha vbe ha ẹre osa emwi ne ọ ru.

Jems 5:5

Ẹdẹ agbọn uwa vbe agbọn na keghi re ne ọ vuọn ne uyinmwẹ ọmọ ne ọ fuẹn ukhu kevbe uwa sẹ mwẹ obọ nẹ. Wa keghi ya egbe uwa khian ni kpọlọ khẹ ẹdẹ ne a gha gbe emwi.

I Pita 4:4

Wanwanna nian, te ọ ghi yan iran ni ga ẹbọ unu uan ighẹ wa i ghi gu iran mwẹ obọ vbe uyinmwẹ akuọkan kevbe epiankhanrhan nii, iran ghi gha ye ukpẹ sakan uwa.

II Pita 2:15

Iran kpao hin odẹ ne ọ diae rre nẹ, iran keghi bibi odẹ. Iran la odẹ ne Balam ne ovbi Bọsọ lae, ọmwa ne igho ne ọ gha sẹ ọre obọ vbe ọ gha ruemwi dan nẹ, viẹn ye ọre aro.

Arhie Maan 18:6

Vbene irẹn ru uwa, erriọ zẹ wa vbe ru ẹe. Emwi ne ọ ru, wa ru ẹre ha osa ukhukhu eva. Wa sa ayọn ne ọ ye ukhukhu eva wegbe sẹ ọghọe vuọn ukpu ẹre egbe ayọn ne irẹn mu khẹ uwa.