II Pita 1:3 - Edo Bible (E Baibol Ẹdo) Version 1996

³ Ẹtin ne ọ huanrẹn ọghọe viọ emwi hia ne ima ho ne ima nẹ, ne a ya lo ẹdẹ agbọn mwa vbe ne ọ khọ ọghe Osanobua, vbe ekpa ne ima na rẹn ọmwa ne ọ tie mwa, ne ima do ghae vbe uwu uyi kevbe umamwẹ ọghọe.

II Pita 1:3 ပူးပေါင်းရင်းမြစ်များ

Psalm 110:3

Ẹdẹ ne u gha gu avbe eghian ruẹn gbinna, emwa ruẹn gha tobọ iran la igbinna, zẹ vbe evbu owiẹ vbirrivbirri avbe igbama ruẹn gha bu ruẹ gha die uhunmwu oke ne ọ huanrẹn ni.

Psalm 84:11

E Nọyaẹnmwa ọrọre ne ọ degue mwa, kevbe ọba uyi, ne ọ ya itohan kevbe ọghọ fiangbe mwa. Ẹ i gban emwi ne ọ maa rhọkpa, hin obọ iran ni ru vbene ọ kere rre.

Itan 12:4

Okhuo esi, emwi ọyẹnmwẹ kevbe ne a ya hio nọ ne ọdọ ẹre. Sokpan, okhuo ne ọ si efa ye ọdọ ẹre egbe te ọ yevbe ẹtẹ ne ọ rre uwu ugboloko.

Itan 31:10

Ọ wa lọghọ a te do miẹn amwẹ ne iye owa, ive ẹ re sẹ emwi itegbe ighobioye ni bun.

Itan 31:29

Wẹẹ, “Ikhuo nibun ọ re ọ wa re ikhuo esi sokpan, wẹ ọ re ọ maa sẹẹ ehia.”

Matiu 28:18

Jesu tama iran wẹẹ, “A rhie ẹtin hia ni rre ẹrinmwi kevbe agbọn mẹ nẹ.

Ebe ne Pọl gbẹẹn gie emwa Rom 8:32

Ọ ma rhie ovbi ẹre fi ghe iyeke sokpan, ọ keghi ya ẹe fi ohan ne ima hia, ọ rhie ovbi ẹre ne ima, u ma rẹn ghẹ te ọ gha ghi ya emwi hia ru ima ẹse!

Ebe ne Pọl gbẹẹn gie emwa Rom 9:24

Rhunmwuda ma na ọrọre emwa ne irẹn tie ẹre ẹ i re vbe uwu avbe Ju ọkpa sokpan kevbe uwu iran ne ẹ i re Ju bare.

I Kọrinti 1:9

Osanobua ne ọ tie uwa ne uwa do gha gu Jesu Kristi ne Ovbi ẹre mu obọ, ọmwa ne ọ kere ne a mu ẹtin yan nọ.

II Kọrinti 12:9

Ewanniẹn ne ọ rhie mẹ ọrọre wẹ, “Ẹsọhẹ mwẹ ọkpa ọrọre emwi ne ọ khẹ ke ne u gha mwẹ, rhunmwuda ẹghẹ ne uwẹ ma na wo vbe egbe, ọre ẹtin imẹ na wo vbe egbe sẹ.” Rhunmwuda ọnii, te ọyẹnmwẹ ghi sẹ mwẹ ne I gha ye a ma wo vbe egbe rhuọ, ne I miẹn ehe na gha họn ẹmwẹ ifuẹn ne ẹtin Kristi tan gue mwẹ.

Ẹfisọs 4:1

Rhunmwuda ọnii, I mobọ yatua uwa, mẹ ne ọre oleghan rhunmwuda ighẹ I ga Nọyaẹnmwa, wa gha ru emwi zẹ vbene ọ sikẹ ukpo ne Osanobua mwa ne uwa, vbe ẹghẹ ne ọ na tie uwa.

Ẹfisọs 4:4

Egbe ọkpa ọre ọ rrọọ kevbe Orhiọn ọkpa, zẹ vbe ne a vbe miẹn wẹ, idaehọ ọkpa ọre ọ rrọọ ne Osanobua tie uwa yi.

Filipai 3:8

Ẹ i re avbe emwi nii ọkpa, te I ghi ka emwi hia ye ọ rhiae rhunmwuda emwi ọvbehe ne ọ ru ighobioye sẹẹ enii, ọnii ọrọre, a rẹn Kristi Jesu Nọyaẹnmwa. Rhunmwuda ẹre, I keghi filo emwi hia kua, I keghi ka ehia ye emwi ne ẹ i mwẹ esa, ne I miẹn ehe na gha mwẹ Kristi.

Filipai 4:8

Vbe ufomwẹ ehia, etẹn mwẹ, wa gha ya avbe emwi ni maa kevbe ne ọ gie a ta ẹmwẹ ọnrẹn ẹse vuọn ekhọe uwa, avbe emwi ẹmwata, adazẹ ne ọ gbae ne ẹ i mwẹ iruẹn kevbe ne ọ mwẹ uyi.

Kọlose 1:16

Obọ ẹre ọre Osanobua la yi emwi ni rre ẹrinmwi kevbe agbọn na, avbe emwi ne a bẹghe kevbe ne a i bẹghe, ke ẹe kevbe ẹtin avbe orhiọn nẹ ẹrinmwi, eniyan ẹvbo, iran ni khaemwisẹ kevbe iran ni rre ọdakha. Obọ ẹre ọre Osanobua la yi ideghede-gheagbọn vbe ẹrinmwi hia, rẹn ọre ọ vbe yi ẹe na.

I Tẹsalonaika 2:12

Ma rhie ẹtin ye uwa iwu, ma fu uwa ẹko rre, ma kegha kan rẹn ye uwa ehọ wẹ, ne uwa gha yin vbene ọ gha yẹ Osanobua, ọmwa ne ọ tie uwa ne uwa do gu irẹn ghae, vbe Arriọba kevbe uyi ẹre.

I Tẹsalonaika 4:7

Osanobua ma tie ima ne a do gha yin uyinmwẹ alama oghẹ, sokpan ne a do gha re ne ọ mwẹ uyinmwẹ ne ọ huanrẹn.

II Tẹsalonaika 2:14

Iyẹn Ne ọ maa ne ima kpe orhu ẹre ma uwa, ọre Osanobua ya tie uwa ye ọna, ọ keghi tie uwa do rhie oghae uwa vbe uyi Nọyaẹnmwa Jesu Kristi.

I Timoti 4:8

Egbe ne a ya sa ekhae, vbe maa, sokpan odẹ hia ọre isekhae ọghe orhiọn na maa, rhunmwuda, a rẹnrẹn ighẹ a gha la ẹe miẹn arrọọ, vbe ẹghẹ na kevbe ẹghẹ ne ọ dee.

II Timoti 1:9

Ọ miẹn ima fan, ọ kevbe tie mwa ne a do gha re emwa irẹn, ẹ i re rhunmwuda emwi ne ima ru, sokpan vbe ọghe ekhọe obọ ẹre kevbe ẹsọhẹ. Ọ rhie ẹsọhẹ na ne ima nẹ, vbe uwu Kristi Jesu, ẹghẹ te do suẹn.

Hibru 1:3

Awanwan ọghe uyi Osanobua ọre irẹn ya fi wainwain, rẹn ọrọre ama ọghe vbene Osanobua wa ye zẹẹ, ọ keghi vbe ya ẹmwẹ unu ọghọe ne ọ mwẹ ẹtin mu agbọn vbe ẹrinmwi mwẹ. Ọ ghi kpe emwa ne agbọn huan hin orukhọ iran rre nẹ, ọ keghi ya tota vbe ẹrinmwi vbe obọ erha ọmwa Osanobua ne Ẹtin ne ọ sẹẹ ehia.

I Pita 1:15

Sokpan, wa gha re ne ọ huanrẹn vbe emwi ne uwa ru hia zẹ vbene Osanobua ne ọ tie uwa vbe re ne ọ huanrẹn.

I Pita 1:5

Ọ ghe uwa ọre nọ, wa ne a la ekpa ẹsọhẹ ya ẹtin Osanobua rhie lẹre, vbe ne a i na mwẹ ẹbe, vbe uwu ne uwa na mudia khẹ imiẹnfan, ne a gha rhie ne emwa hia miẹn vbe ẹdẹ ufomwẹ ẹghẹ.

I Pita 2:21

Ọna ọre Osanobua rhunmwuda ẹre tie uwa, rhunmwuda wẹ, Kristi tobọ ẹre rri oya, ọ keghi rhie igiemwi ne uwa wẹẹ, ne uwa gha lele ukpowẹ irẹn.

I Pita 2:9

Sokpan, wa ọrọre emwa ne a hannọ zẹ, avbe ohẹn Osanobua, agbọn ẹvbo ne ọ huanrẹn, emwa Osanobua tobọ ẹre, emwa ne a hannọ zẹ, ne iran mu iwinna ọyunnuan Osanobua go, ọmwa ne ọ tie uwa ke uwu ebiebi ladian gha rrie uwu uwanmwẹ ọyunnuan.

I Pita 3:9

Wa ghẹ ya ọkhọ ha osa ọkhọ, ra ne a ya ihẹn ha osa ihẹn, sokpan wa gha ya erhunmwu afiangbe ha osa, rhunmwuda, ẹghẹ ne Osanobua na tie uwa, afiangbe ọre ọ wẹ rẹn ra rhie ne uwa.

I Pita 5:10

Sokpan, u ghẹ ghi rri oya la ẹghẹ eso vberriọ nẹ, Osanobua ẹsọhẹ hia, ọmwa ne ọ tie ruẹ ne u do ghae vbe uyi etẹbitẹ ọghọe, vbe uwu a yegbe ba Kristi, gha tobọ ẹre ya uwẹ khian ne ọ gbae, ọ ghi rhie a mudia gbain nuẹn, ẹtin kevbe ẹyotọ ne ọ de ziẹn.

II Pita 1:10

Rhunmwuda ọnii khekherriọ, wa ne etẹn mwẹ, wa kakabọ hia ne uwa ya vbene uwa miẹn ọẹn hẹ ighẹ utiemwẹ ne Osanobua tie uwa, kevbe ne ọ na hannọ uwa zẹ, khian ọghe etẹbitẹ: rhunmwuda, wa gha ruẹe vberriọ, ẹ i mwẹ wa ma mu sọe.

II Pita 1:2

Ẹsọhẹ kevbe ọfumwegbe ne ọ vuọn sẹ omwa, ne ogha re ọ ghe uwa vbe ekpa urẹnmwẹ ne uwa rẹn Osanobua kevbe Jesu ne Nọyaẹnmwa.

II Pita 1:5

Rhunmwuda emwi vbe nian, wa ziga vbe ẹtin uwa hia, ne uwa rhie umamwẹ ba iyayi uwa, wa ghi rhie irẹnmwi ba umamwẹ uwa,

II Pita 1:6

wa ghi rhie i ziengbe ba irẹnmwi uwa, wa ghi rhie amuwuegbe ba i ziengbe uwa, a ghi rhie a ru emwi vbene ọkhọ ọghe Osanobua ba amuwuegbe uwa,

II Pita 1:8

Enena ọrọre emwi ne a gie ọmwa mu ne ọ khẹ ke uwa, a deghẹ wa vbe mwẹ ọnrẹn bun sẹ, ọ gha ya uwa khian ne ọ sẹtin fian emwi gbua, kevbe ne egbe sasa vbe uwu vbene uwa rẹn Nọyaẹnmwa Jesu Kristi hẹ.

II Pita 2:20

Rhunmwuda, deghẹ ọmwa sẹtin lẹ fe nẹ vbe obọ avbe ẹtin ne ọ sẹtin gbe ọmwa ruan, vbe agbọn na, vbe ekpa ne ọ na rẹn Nọyaẹnmwa kevbe Ọmiọnmwafan mwa Jesu Kristi, a na miẹn wẹ obọ iran vbe dọlegbe vba ẹre, obọ iran na vbe gba ẹre egbe ihe ne ọmwa nii ghi ye keghi re ne ọ rhia sẹẹ ne ọ te ka gha ye vbe omuhẹn.

II Pita 3:18

Sokpan, wa gha wan yọ vbe uwu ẹsọhẹ kevbe irẹnmwi Nọyaẹnmwa kevbe Ọmiọnmwafan mwa Jesu Kristi. Ọghọe ọre uyi gha khin, banbanna kevbe ẹdẹdẹmwẹdẹ. Isẹ.

Ebe Rut 3:11

Wanwanna nian, ghẹ fian afianma e Rut, emwa ni rre ẹvbo na hia rẹn ruẹn ye okhuo esiesi. I gha ru emwikemwi ne u a rhirhi nọọn.”