II Pita 1:21 - Edo Bible (E Baibol Ẹdo) Version 1996

²¹ Rhunmwuda, ẹmwẹ avbe akhasẹ hia, ọkpa i rrọọ ne a tae zẹ vbe iho ọghe ọmwa kẹkan, sokpan te a gha dia ọmwa khian vbe ekpa Orhiọn Ne ọ huanrẹn, vbe uwu ehe ne iran na ta ẹmwẹ ne ọ ke ehe ne Osanobua ye rre.

II Pita 1:21 ပူးပေါင်းရင်းမြစ်များ

II Samuẹl 23:2

Orhiọn e Nọyaẹnmwa guan la unu mwẹ rre, uhunmwu ne ọ gie rre akhuarhamwunu mwẹ.

I Ọba 13:1

Zẹ vbene e Nọyaẹnmwa gie ẹe, akhasẹ ọkpa keghi ke Juda gha rrie Bẹtẹl, ọ keghi wa sẹ evba vbe Jeroboam mudia ye ọkpẹn aka na ọ zọ ese.

I Ọba 17:18

Okhuo nii keghi tama Elaija wẹẹ, “Ọmwa Osanobua, vbu a ghi na ru mwẹ emwi vbenian hẹ yi? Te u rre do ye Osanobua orukhọ mwẹ rre ra, ne u gbe mwẹ ọmọ uan?”

I Ọba 17:24

Okhuo nii keghi wanniẹn wẹẹ, “Eban nian, I rẹnrẹn ighẹ ọmwa Osanobua ọ re u gele khin, kevbe wẹ Osanobua gele giọ uhunmwu vbe ne ẹmwata!”

II Ọba 4:22

Ọ keghi tie ọdafọn ọnrẹn, ọ tama rẹn wẹẹ, “Gie ọvbokhan ọkpa ne ọ mu ekẹtẹkẹtẹ bu mwẹ gha dee. I khian bu Elaisia ne akhasẹ, I gha dọlegbe rre banbanna.”

II Ọba 4:7

Okhuo ni keghi werriegbe bu Elaisia, akhasẹ na khama rẹn wẹẹ, “Ya khiẹn avbe ofigbọn oliv nii ne u ya ha osa, igho ne ọ kẹrre gha sẹ uwẹ vbe ivbi uẹ gha re.”

II Ọba 4:9

Okhuo nii keghi tama ọdọ ẹre wẹẹ, “Mẹ yayi wẹ okpia na ne ọ rri emwa vbe ẹghẹ hia na; ọmwa ne ọ huanrẹn ẹre nọ.

II Ọba 6:10

Ẹre ọba na gie ne a khama emwa ni rre evba nii, iran ni gha khẹ odẹ. Ẹghẹ ni bun ẹre ọna ya gha sunu.

II Ọba 6:15

Vbe owiẹ ikpẹdẹ ne ọ lele ẹe, ọguọmwadia Elaisia keghi kpaegbe, ugbẹn vbe ọ ghi ladian, ọ keghi miẹn ivbi iyokuo e Siria lẹga ẹvbo nii ke iran kevbe avbe ikẹkẹ okuo kevbe ẹsin. Ọ keghi werriegbe bu Elaisia gha khian, ọ tu ma rẹn wẹẹ, “Enọwanrẹn, ma wiri, vbe a ra khian hẹẹ?”

I Krọnikol 23:14

Sokpan a keghi ka ivbi e Mosis ne ọmwa Osanobua ba avbe Livai.)

II Krọnikol 8:14

Zẹ vbene Devid ne erha ẹe mwamwa ẹn ye otọ, ọ keghi mwamwa iwinna ẹdẹ ọkpọkpa ọghe avbe ohẹn kevbe avbe Livai ni ru iyobọ ne avbe ohẹn vbe ihuan ne a so kevbe iwinna iran. Ọ keghi vbe mwamwa avbe iran ni khẹ Ọgua Osa ye dọmwadẹ oka ne iran gha ya gha winna iwinna iran vbe dọmwadẹ onurho, zẹ vbene Devid ne ọmwa Osanobua tae.

Jerimaia 23:26

Inu ẹghẹ ọ re avbe akhasẹ nii gha ghi ya ohoghe ne iran zẹ ta bibi emwa mwẹ odẹ kpee sẹ?

Ezikiẹl 1:3

Vbe ọkpẹn Ẹzẹ e Kiẹba nii, I keghi họn vbe Nọyaẹnmwa gunmwẹ guan, I keghi vbe họn obọ ẹtin ẹnrẹn vbe egbe mwẹ.

Maika 1:1

Ẹghẹ ne Jotam, Ehaz kevbe Hẹzekaia na gha re avbe ọba e Juda, ọ re Nọyaẹnmwa na gie Maika ne ovbi ẹvbo ne a tie ẹre Morẹsiẹt. E Nọyaẹnmwa keghi rhie avbe emwi na ma e Maika vbe ekpa Sameria kevbe Jerusalẹm.

Maika 3:7

Iran ni ta emwi ni gha he sunu ye otọ, efaa gha rruan iran vbe ọ ma ghi sẹ vberriọ. Emwiekhue gha rruan iran rhunmwuda Osanobua ma ghi zẹ ẹmwẹ wanniẹn iran.

Nọmbas 16:28

E Mosis keghi tama emwa nii wẹẹ, “Vbenian ọre uwa gha ya rẹn wẹ Osanobua Ọ re ọ gie mwẹ ne I do ru avbe emwi na hia, kevbe wẹ, ẹ i re ekhọe obọ mwẹ ọ re I ya ru iran.

Iyẹn ne ọ Maan Ọghe Mak 12:36

Orhiọn Ne Ọ Huanrẹn rhie ẹre ye Devid unu ne ọ tae wẹẹ, “ ‘Nọyaẹnmwa khama Nọyaẹnmwa, Tota ye obọ erha ọmwa mwẹ, mẹ te do viọ avbe eghian ruẹn, ye uwẹ atataowẹ.’

Iyẹn ne ọ Maan Ọghe Luk 1:70

Erriọ ọ la unu avbe akhasẹ ọre ni huanrẹn nẹdẹ tae ye otọ.

Iwinna 1:16

“Wa ne etẹn mwẹ: Ẹ i mwẹ ne ẹmwẹ ne ebe ta ẹe ghẹ sẹ zẹ vbene Orhiọn Ne Ọ Huanrẹn la unu Devid ta ẹe ye otọ ighe ẹmwẹ Judas ne ọ ma iran ni do mu Jesu odẹ.

Iwinna 28:25

Ẹmwẹ iran ma ghi gu egbe ro, sokpan vbe iran ghi te kpao, Pọl keghi ta ẹmwẹ ọkpa na ma iran wẹẹ, “Ẹmwata ọre ẹmwẹ ne Orhiọn Ne Ọ Huanrẹn la unu akhasẹ Aizaia tama avbe erha uwa odede wa khin wẹẹ,

Iwinna 3:18

Ọ kpẹre ẹsẹse ne Osanobua ghi la unu avbe akhasẹ ta ẹe ye otọ wẹ, te Mẹzaia gha rri oya, vbene ọ ghi ya mu ẹmwẹ ni sẹ ọre ọ na khin.

Diuteronomi 33:1

Erhunmwu afiangbe ne Mosis ne ọmwa Osanobua na ne avbe ẹwae Izrẹl ọ te wu ọ re ọna khin.

Hibru 10:15

Rhunmwuda, Orhiọn Ne Ọ Huanrẹn vbe sẹ osẹe ọghọe ma ima. Okaro ọ wẹẹ

Hibru 3:7

Rhunmwuda, zẹ vbene Orhiọn Ne Ọ Huanrẹn ta ẹe, “Wa gha họn urhu Osanobua,

Hibru 9:8

Orhiọn Ne Ọ Huanrẹn wa ya avbe emwamwa na rhie maa zẹẹ wẹ, ugbẹn vbe Ọgua ukpọn ne ọ ke ore he ye rre evba, a ma he kie urho ne a la sẹ Ehe Ne ọ Huan Sẹẹ Ehia nii.

Jọsua 14:6

Ivbi ẹwae Juda keghi bu e Jọsua gha dee vbe Gilgal, e Kelẹb ne ovbi Jefunẹ ne ovbi e Keniz keghi tama rẹn wẹẹ, “U ye rre ẹmwẹ ne Nọyaẹnmwa tama Mosis ne ọmwa Osanobua vbe ekpa imẹ vbe ruẹ vbe Kedẹs Bania.

I Pita 1:11

Iran keghi hia ne iran gualọ ẹe miẹn, ẹghẹ ne ọ ghẹ gha khin, kevbe vbene ọ gha ya rre hẹ, rhunmwuda, Orhiọn Kristi ne ọ rre uwu iran keghi ta ẹmwẹ ẹghẹ na, vbene iranna ta ẹmwẹ oya ne Jesu gha re ye otọ, ke ẹe kevbe uyi ne ọ gha lele ẹe.

Arhie Maan 19:10

I keghi de fi iguẹ vbe akharha ẹre ne I ya uhunmwu rhanmwẹ otọ nẹẹn, sokpan rẹn keghi tama mwẹ wẹẹ, “Ghẹ danmwẹ ọẹn ghe, ọguọmwadia ne ihua ọre imẹ vbe khin, kevbe zẹ vbe etuẹn, iran ni ya obọ da ẹmwata ne Jesu rhie maa yi mwẹ. Ya uhunmwu rhanmwẹ otọ ne Osanobua.” Rhunmwuda, ẹmwata ne Jesu rhie maa, ọre ọ rhie ẹtin ne avbe akhasẹ.