II Pita 1:2 - Edo Bible (E Baibol Ẹdo) Version 1996

² Ẹsọhẹ kevbe ọfumwegbe ne ọ vuọn sẹ omwa, ne ogha re ọ ghe uwa vbe ekpa urẹnmwẹ ne uwa rẹn Osanobua kevbe Jesu ne Nọyaẹnmwa.

II Pita 1:2 ပူးပေါင်းရင်းမြစ်များ

Aizaia 53:11

Ọ gha ghi rrii oya nẹ vbe ẹdẹ agbọn rẹn, ọ gha vbe dọlegbe miẹn ọyẹnmwẹ ọ gha rẹn wẹ rẹn ma rrioya kua kẹkan. ọguọmwadia mwẹ ne ekhọe esi ne ẹko mwẹ rhiẹnrhiẹn ghe. Gha ye egbe miẹn oya emwa nibun, rhunmwuda ẹre, mẹ gha yabọ iran.

Daniẹl 4:1

E Nebukiadneza ne Ọba keghi gie uhunmwu na gie uhunmwu ẹvbo hia kevbe emwa kevbe ẹvbo ne a zẹ ni rre otọe agbọn hia wẹẹ, “I giotuẹ uwa.

Daniẹl 6:25

Ẹre Dariọs ne ọba na gbẹnnẹ ebe gie emwa ni rre uhunmwu ẹvbo hia, emwa ughughan kevbe ẹvbo ne a zẹ ni rre otọ agbọn wẹẹ, “I giotuẹ uwa hia!

Iyẹn ne ọ Maan Ọghe Luk 10:22

“Erha mwẹ viọ emwi hia mẹ nẹ. Ọmwa ne ọ rẹn ọmwa ne ọmọ khin i rrọọ, sokpan Evbavba, ọmwa ne ọ vbe rẹn ọmwa ne Evbavba khin ẹ i rrọọ, sokpan Ọmọ kevbe iran ne Ọmọ ho ne ọ rhie ẹre maa.”

Iyẹn ne ọ Maan Ọghe Jọn 17:3

Ọna ọrọre nene arrọọ ne ẹ i fo wẹ ne emwa ne agbọn rẹn ruẹn zẹ vbe Osanobua ọkpa ne ọ re ọghe ẹmwata kevbe ne iran rẹn Jesu Kristi, ọmwa ne uwẹ gie.

Ebe ne Pọl gbẹẹn gie emwa Rom 1:7

Rhunmwuda ọnii, ọre I na gbẹn ebe gie uwa hia ni rre Rom ne Osanobua ho ẹmwẹ ọnrẹn, ọ na tie uwa ne uwa do gha re emwa irẹn. Te Osanobua ne Erha mwa kevbe Nọyaẹnmwa Jesu Kristi gha rhie ẹsọhẹ kevbe ọfumwegbe ne uwa.

II Kọrinti 4:6

Osanobua ne ọ kha re wẹẹ, “Uwanmwẹ gha wan ke uwu ebiebi ladian,” ọre ọ vbe wan uwanmwẹ ọnrẹn ye ima ekhọe, ne ọ rhie uwanmwẹ ọghe a rẹn uyi Osanobua ne ima, zẹ vbe ne ọ wan ladian vbe ugbaro Kristi.

Filipai 3:8

Ẹ i re avbe emwi nii ọkpa, te I ghi ka emwi hia ye ọ rhiae rhunmwuda emwi ọvbehe ne ọ ru ighobioye sẹẹ enii, ọnii ọrọre, a rẹn Kristi Jesu Nọyaẹnmwa. Rhunmwuda ẹre, I keghi filo emwi hia kua, I keghi ka ehia ye emwi ne ẹ i mwẹ esa, ne I miẹn ehe na gha mwẹ Kristi.

I Pita 1:2

Te a hannọ uwa zẹ vbe emwamwa ekhọe ọghe Osanobua ne Erha, ne Orhiọn rẹn ye uwa khian emwa ni huanrẹn, ne uwa gha họn ẹmwẹ ne Jesu Kristi, ne esagiẹn ọnrẹn kpe uwa iruẹn kua. Ẹsọhẹ kevbe ọfumwegbe gha re ọghe uwa vbene ọ vuọn sẹ omwa fo.

II Pita 1:3

Ẹtin ne ọ huanrẹn ọghọe viọ emwi hia ne ima ho ne ima nẹ, ne a ya lo ẹdẹ agbọn mwa vbe ne ọ khọ ọghe Osanobua, vbe ekpa ne ima na rẹn ọmwa ne ọ tie mwa, ne ima do ghae vbe uwu uyi kevbe umamwẹ ọghọe.

II Pita 1:5

Rhunmwuda emwi vbe nian, wa ziga vbe ẹtin uwa hia, ne uwa rhie umamwẹ ba iyayi uwa, wa ghi rhie irẹnmwi ba umamwẹ uwa,

II Pita 1:8

Enena ọrọre emwi ne a gie ọmwa mu ne ọ khẹ ke uwa, a deghẹ wa vbe mwẹ ọnrẹn bun sẹ, ọ gha ya uwa khian ne ọ sẹtin fian emwi gbua, kevbe ne egbe sasa vbe uwu vbene uwa rẹn Nọyaẹnmwa Jesu Kristi hẹ.

II Pita 2:20

Rhunmwuda, deghẹ ọmwa sẹtin lẹ fe nẹ vbe obọ avbe ẹtin ne ọ sẹtin gbe ọmwa ruan, vbe agbọn na, vbe ekpa ne ọ na rẹn Nọyaẹnmwa kevbe Ọmiọnmwafan mwa Jesu Kristi, a na miẹn wẹ obọ iran vbe dọlegbe vba ẹre, obọ iran na vbe gba ẹre egbe ihe ne ọmwa nii ghi ye keghi re ne ọ rhia sẹẹ ne ọ te ka gha ye vbe omuhẹn.

II Pita 3:18

Sokpan, wa gha wan yọ vbe uwu ẹsọhẹ kevbe irẹnmwi Nọyaẹnmwa kevbe Ọmiọnmwafan mwa Jesu Kristi. Ọghọe ọre uyi gha khin, banbanna kevbe ẹdẹdẹmwẹdẹ. Isẹ.

Ebe ne Jud gbẹẹn 1:2

Itohan, ọfumwegbe kevbe aho ẹmwẹ ọmwa ne ọ gha re ọ ghe uwa vbe ne ọ vuọẹn sẹ omwa.

Arhie Maan 1:4

E Jọn ọre ọ gie uhunmwu na gie avbe esọsi ihinrọn ni rre otọ Esia. Ẹsọhẹ kevbe ọfumwegbe ọrọre ọghe uwa ke ehe ne Osanobua ye gha dee, Ọmwa ne ọ rrọọ banbanna, ọmwa ne ọ ka gha rrọọ yi ke ne ọ khian vbe gha rrọọ, kevbe ke ehe ne avbe orhiọn ihinrọn ni rre odaro ẹkete ẹre ye ghe dee.