II Pita 1:17 - Edo Bible (E Baibol Ẹdo) Version 1996

¹⁷ Ma rre evba nii vbe Osanobua ne Erha rhie uyi kevbe ukpọlọmwẹ nẹẹn, vbe ẹghẹ ne urhu ọkpa na ke Ogiete uyi bu ẹre rre wẹ, “Ọna ọrọre ovbi mwẹ ne ọ ghaan, ọmwa ne ọyẹnmwẹ ọnrẹn sẹ mwẹ.”

II Pita 1:17 ပူးပေါင်းရင်းမြစ်များ

Aizaia 42:1

E Nọyaẹnmwa khare wẹẹ, “Ọnọna ọrọre ọguọmwadia mwẹ ne I rhie ẹtin ye ọre iwu, ọmwa ne imẹ zẹe, ne ẹko mwẹ vbe rhiẹnrhiẹn ghe. Mẹ ya orhiọn mwẹ vuọn irẹn nẹ, ọ gha rhie ohiẹn ẹmwata la dọmwadẹ uhunmwu ẹvbo.

Aizaia 53:10

E Nọyaẹnmwa khare wẹẹ, “Iho mwẹ nọ wẹ ne ọ rrioya. Uwu ne ọ wu, ese ne a zọ ya dẹ ayabọ ọ re nọ. Rhunmwuda ọnii, ọ gha miẹn ivbi uniẹn ọnrẹn ọ gha tọ ẹsẹsẹmwẹse obọ, ẹre ọ re emwamwa mwẹ ra na dunna.

Matiu 12:18

“Osanobua khare wẹẹ, ọguọmwadia mwẹ ne I mẹ zẹẹ ọre ọna khin. Ne I ho ẹmwẹ ọnrẹn, ne ọyẹnmwẹ ọnrẹn sẹ mwẹ. I gha gie Orhiọn mwẹ tin yan rẹn, ọ gha wewe ibuohiẹn mwẹ ma uhunmwu ẹvbo hia,

Matiu 17:3

Erhuanegbe eha nii keghi bẹghe vbe Mosis kevbe Elaija gu Jesu guan.

Matiu 17:5

Vbene ọ wa guan ni, okuku ne ọ fi wain wain keghi rhu gue iran, urhu ọkpa keghi ke uwu okuku nii guan ladian wẹẹ, “Ọna ọre ovbi mwẹ ne I ho ẹmwẹ ọnrẹn kevbe ne ọ ghan, wa danmwehọ ẹre.”

Matiu 28:19

Wa bu emwa hia gha rrie ehe hia ne uwa ya gha ya iran khian erhuanegbe mwẹ, wa gha samẹ ne iran vbe Eni ọghe Erha, kevbe Ọmọ kevbe ọghe Orhiọn Ne Ọ Huanrẹn.

Matiu 3:17

Urhu ọkpa keghi ke ẹrinmwi rre wẹẹ, “Ọna ọre ovbi mwẹ ni ho ẹmwẹ ọnrẹn, ọmwa ne ekhọe mwẹ rhiẹnrhiẹn ghe ẹsẹsẹmwẹse.”

Iyẹn ne ọ Maan Ọghe Mak 1:11

Urhu ọkpa keghi ke ẹrinmwi rre wẹẹ, “Wẹ ọrọre ovbi mwẹ ne I ho ẹmwẹ ọnrẹn, ọmwa ne ekhọe mwẹ rhiẹnrhiẹn ghe, ẹsẹsẹmwẹse.”

Iyẹn ne ọ Maan Ọghe Mak 9:7

Okuku keghi ladian, ọ na mu aghọnghọn gue iran, urhu ọkpa keghi ke uwu okuku ni ladian wẹẹ, “Ọnọna ọre ovbi mwẹ ni ho ẹmwẹ ọnrẹn, wa họn ọghe ọe.”

Iyẹn ne ọ Maan Ọghe Luk 10:22

“Erha mwẹ viọ emwi hia mẹ nẹ. Ọmwa ne ọ rẹn ọmwa ne ọmọ khin i rrọọ, sokpan Evbavba, ọmwa ne ọ vbe rẹn ọmwa ne Evbavba khin ẹ i rrọọ, sokpan Ọmọ kevbe iran ne Ọmọ ho ne ọ rhie ẹre maa.”

Iyẹn ne ọ Maan Ọghe Luk 3:22

Orhiọn Ne Ọ Huanrẹn mu ikinnegbe yọ, ọ yevbe idu, ọ keghi rhuẹ yan rẹn. Urhu ọkpa keghi ke ẹrinmwi rre wẹẹ, “Wẹ ọrọre ovbi mwẹ ovbi orrọ, ọyẹnmwẹ ruẹ sẹ mwẹ.”

Iyẹn ne ọ Maan Ọghe Jọn 10:15

Zẹ vbene Evbavba rẹn mwẹ, ne imẹ na vbe rẹn Evbavba, erriọ zẹẹ mẹ rẹn avbe ohuan mwẹ, iran vbe rẹn mwẹ, mẹ vbe mu egbe ne I ya wu ba ẹmwẹ iran.

Iyẹn ne ọ Maan Ọghe Jọn 10:36

Zẹ vbe ọghomwẹ, Evbavba ọre ọ zẹ mwẹ, ọ na gie mwẹ gha die agbọn. Vbe uwa a ghi na tama mwẹ hẹ ighe te I kpa unu ghe Osanobua vbe I khare wẹẹ Ovbi Osanobua ọre I khin?

Iyẹn ne ọ Maan Ọghe Jọn 14:11

Ya mwẹ yi ighẹ mẹ rre uwu Evbavba kevbe Evbavba vbe rre uwu imẹ, adeghẹ ọnii ma sẹ, wa rhunmwuda avbe iwinna nii yayi.

Iyẹn ne ọ Maan Ọghe Jọn 14:6

Jesu wanniẹn wẹẹ, “Mẹ ọrọre odẹ, mẹ ọrọre ẹmwata, mẹ ọrọre arrọọ. Ọmwa nọ gha sẹtin sẹ ehe ne Evbavba ye ẹ i rrọọ vbe ẹ i re wẹ te ọ la obọ mwẹ.

Iyẹn ne ọ Maan Ọghe Jọn 17:21

I rinmwian ne iran hia gha re ọkpa. Evbavba, gie iran gha rre uwu ima ne agbọn miẹn ehe na yayi ighẹ wẹ ọre ọ gele gie mwẹ.

Iyẹn ne ọ Maan Ọghe Jọn 20:17

Jesu tama rẹn wẹẹ, “Ghẹ zobọ lele mwẹ rhunmwuda I ma he hin odukhunmwu gha rrie ọghe Evbavba, sokpan bu avbe etẹn mwẹ, ya khama iran mẹ ighẹ ‘I hin odukhunmwu dọlegbe rrie ọghe Erha mwẹ, kevbe Erha uwa, Osanobua mwẹ, kevbe Osanobua uwa.’ ”

Iyẹn ne ọ Maan Ọghe Jọn 3:35

Erha ho ẹmwẹ Ovbi ẹre, ọ keghi viọ emwi hia ye ẹtin ẹnrẹn obọ.

Iyẹn ne ọ Maan Ọghe Jọn 5:20

Rhunmwuda Erha ho ẹmwẹ Ọmọ, rẹn keghi ma ẹre emwi hia ne irẹn tobọ ẹre ru. Ọ gha vbe ma rẹ emwi ni sẹ ena ne ọ gha ru, unu ghi yan uwa hia.

Iyẹn ne ọ Maan Ọghe Jọn 5:26

Zẹ vbene Erha tobọ ẹre re isi ehe ne arrọọ ke rre, erriọ zẹ ọre ọ vbe ya Ovbi ẹre ru isi ehe ne arrọọ ke rre.

Iyẹn ne ọ Maan Ọghe Jọn 6:27

Wa ghẹ miẹn ẹsọn ye evbare ne ọ sẹtin rhia, sokpan emwi ne ọ kere ne uwa miẹn ẹsọn yi ọrọre evbare ne ọ sẹtin gha rrọọ ya sẹ agbọn etẹbitẹ. Ovbi Ọmwa gha rhie evbare na ne uwa rhunmwuda Osanobua ne Erha ye obọ yọ ọre nẹ.”

Iyẹn ne ọ Maan Ọghe Jọn 6:37

Emwa hia ne Erha mwẹ viọ mẹ gha bu mwẹ rre. Ọmwaikọmwa ne ọ bu mwẹ rre, mẹ i ra khuẹe werriegbe.

Iyẹn ne ọ Maan Ọghe Jọn 6:39

Emwi ne ọmwa ne ọ gie mwẹ ho ne I ru ọrọre wẹ ne I ghẹ mu ọkpa fua vbe uwu iran ne ọ viọ mẹ, sokpan ne I huẹn iran hia kpaegbe vbe ẹdẹ okiekie.

Ebe ne Pọl gbẹẹn gie emwa Rom 15:6

Ne uwa hia miẹn ehe na sẹtin gha ye urhu ọkpa rho Nọyaẹnmwa, ne uwa gha rho Osanobua kevbe Erha Nọyaẹnmwa Jesu Kristi.

II Kọrinti 1:3

Wa gie ima kpọnmwẹ Osanobua kevbe Erha Nọyaẹnmwa Jesu Kristi, Erha ne ọ mwẹ itohan kevbe Osanobua ne iyobọ hia ke obọ ẹre rre.

II Kọrinti 11:31

Osanobua ne Erha Nọyaẹnmwa Jesu Kristi — afiangbe nọ ne eni ẹnrẹn ẹdẹdẹmwẹdẹ rẹn wẹ ẹ i re ohoghe I tae.

Hibru 1:3

Awanwan ọghe uyi Osanobua ọre irẹn ya fi wainwain, rẹn ọrọre ama ọghe vbene Osanobua wa ye zẹẹ, ọ keghi vbe ya ẹmwẹ unu ọghọe ne ọ mwẹ ẹtin mu agbọn vbe ẹrinmwi mwẹ. Ọ ghi kpe emwa ne agbọn huan hin orukhọ iran rre nẹ, ọ keghi ya tota vbe ẹrinmwi vbe obọ erha ọmwa Osanobua ne Ẹtin ne ọ sẹẹ ehia.

II Jọn 1:3

Osanobua ne Erha, kevbe Jesu Kristi ne Ovbi Evbavba ne ọ rhie ẹsọhẹ itohan kevbe ọfumwegbe ne ima, ne ọ gele gha re ọghomwa vbe ẹmwata kevbe aho ẹmwẹ ọmwa.

Ebe ne Jud gbẹẹn 1:1

E Jud ne ọguọmwadia Jesu Kristi kevbe ọtẹn Jems ne okpia, ọre ọ gbẹn ebe na gie emwa hia ne Osanobua tie re, emwa ni rrọọ vbe uwu aho ẹmwẹ ọmwa ọghe Osanobua ne erha kevbe iran ne Jesu Kristi gbe aro ghe.