II Pita 1:16 - Edo Bible (E Baibol Ẹdo) Version 1996

¹⁶ Rhunmwuda, ẹ i re umaranmwẹ ne a zẹ ta, ma mu ẹtin yan, vbe ima rhie urremwẹ ẹtin ọghe Nọyaẹnmwa Jesu Kristi ma uwa. Aro ima ọre ima ya miẹn ukpọlọmwẹ ọnrẹn.

II Pita 1:16 ပူးပေါင်းရင်းမြစ်များ

Malakai 3:2

Sokpan, de ọmwa ne egbe ẹre gha rrọ ẹdẹ ne ọ ra rre? De ọmwa ne ọ gha miẹn uhunmwu vbe ọ gha ya gbe ladian? Te irẹn ra ye vbe evbakhuẹ ne ọ wegbe, zẹ vbe erhẹn ne ọ kpe ematọn huan.

Malakai 4:5

Sokpan, vbene ẹdẹ nọkhua ne ọ muohan ọghe Nọyaẹnmwa te do rre, I gha gie Elaija ne akhasẹ bu uwa gha dee.

Matiu 16:27

Rhunmwuda ẹ i ghi rrie Ovbi Ọmwa la uwu uyi Erha ẹe gha khian, ke irẹn kevbe avbe odibosa ẹre, ẹghẹ nii, ọre ọ gha na ha osa ne edọmwadẹ ọghọe zẹ vbene iwinna rẹn ye.

Matiu 16:28

Sokpan wa ye rre o, emwa eso rre emwa na nian, ne ẹ i ra wu ọ te ya miẹn Ovbi Ọmwa vbe ọ gha rre zẹ vbe Ọba.”

Matiu 17:1

Ikpẹdẹ ehan ghi gberra nẹ, Jesu keghi rhie Pita kevbe etiọnrẹn Jems kevbe Jọn ọkpa ba egbe gha rrie uhunmwu oke.

Matiu 24:27

Rhunmwuda te Ovbi Ọmwa ra rre vbe ayan ne ọ yan gbe iso dunmwu ke ọlarre ovẹn ya sẹ ọlarrie ẹre.

Matiu 24:3

Jesu ghi tota ye uhunmwu oke Ọliv, avbe erhuanegbe keghi hẹko bu ẹre rre do nọ rẹn wẹẹ, “Ta ẹghẹ ne emwi na hia gha khin ma ima, de emwi ne ọ gha sunu ni ima gha ya rẹn ighe ẹghẹ ne u ya dee sẹ ne, kevbe wẹẹ a sẹ ufomwẹ agbọn nẹ?”

Matiu 28:18

Jesu tama iran wẹẹ, “A rhie ẹtin hia ni rre ẹrinmwi kevbe agbọn mẹ nẹ.

Iyẹn ne ọ Maan Ọghe Mak 13:26

Ẹkpo nii Ovbi Ọmwa gha ye egbe ladian, ọ ghi ke ikpakpa iso gha dee ke irẹn kevbe ẹtin kevbe uyi.

Iyẹn ne ọ Maan Ọghe Mak 14:62

Jesu wanniẹn tama rẹn wẹẹ, “Mẹ nọ, u gha vbe miẹn Ovbi Ọmwa vbe ọ gha tota vbe obọ erha ọmwa ọghe Oghodua kevbe ọ gha ke ikpakpa iso ẹrinmwi dee.”

Iyẹn ne ọ Maan Ọghe Luk 1:2

Emwi ne iran ne aro ẹre sẹ avbe emwi na vbe omuhẹn, gha kpe orhu ẹre khian, ne iran vbe tama ima, ọre iran gbẹnnẹ ye otọ.

Iyẹn ne ọ Maan Ọghe Luk 9:43

Unu keghi yan emwa hia ye ẹtin nọkhua ọghe Osanobua.

Iyẹn ne ọ Maan Ọghe Jọn 1:14

Nene Ẹmwẹ ne a guan keghi khian ọmwa ne agbọn, ọ keghi do gu ima gha rrọọ. Ma miẹn uyi ẹre, ọ vuọn ne ẹsọhẹ kevbe ẹmwata. Ọ na kegha re uyi ne a rhie nẹẹn zẹ vbe ukpọmọkpa kẹkan ne Evbavba mwẹ.

Iyẹn ne ọ Maan Ọghe Jọn 17:2

Rhunmwuda, wẹ ọre ọ rhie asẹ nẹẹn ne ọ gha kha yan emwa hia, ne irẹn miẹn ehe ne rhie arrọọ ne ẹ i fo ne iran hia ne uwẹ viọ ne ẹn.

Ebe ne Pọl gbẹẹn gie emwa Rom 1:4

Zẹ vbe ọghe uhuanmwẹ ọnrẹn ke ẹrinmwi re, a keghi ya ẹtin nọkhua rhie maa ighẹ Ovbi Osanobua nọ vbe ekpa ne a na huẹn ọẹn kpao vbe idin orinmwi.

I Kọrinti 1:17

Kristi ma gie mwẹ ne I do gha sa amẹ ne emwa. Iyẹn Ne ọ maa ọre ọ wẹ ne I do kpe orhu ẹre, vbe ne a i na vbe ya aguẹmwẹ ẹwaẹn emwa ne agbọn tae, rhunmwuda emwi vberriọ gha ya uwu ne Kristi wu vbe uhunmwu ugbugbe khian nẹ i ghi mwẹ ẹtin hiehiere.

I Kọrinti 1:23

Sokpan, Jesu vbe uhunmwu ugbugbe ma kpe orhu ẹre, ẹmwẹ ne ọ mu avbe Ju ohu, nọ vbe re ẹmwẹ eghẹrẹ vbe obọ iran ne ẹ i re Ju.

I Kọrinti 1:7

Wẹ wa ma he vbabọ emwi afiangbe ọkpa ẹdẹ, vbe uwu ẹghẹ ne uwa ya diakhẹ Nọyaẹnmwa Jesu Kristi ne ọ rhie egbe maa.

I Kọrinti 2:1

Etẹn mwẹ, ẹghẹ ne I na bu uwa gha dee do kpe orhu oro ẹmwata Osanobua ma uwa, I ma ta ẹre ọghe iguẹsẹ ra okpọta ne a fian.

I Kọrinti 2:4

Ikpẹ orhu mwẹ kevbe ẹmwẹ ne I ta ẹe, I ma ya ẹmwẹ umẹwaẹn ne ọ guẹ ẹmwẹ ta ẹe, vbe ẹ i re ẹmwẹ ne ọ mu ọmwa ekhọe ọghe ẹtin Orhiọn Osanobua.

I Kọrinti 5:4

Wa gha do iko, mẹ gha vbe gha rre evba vbe ekpa ọghe orhiọn, vbekpa ẹtin Nọyaẹnmwa Jesu ne ọ gu ima rre evba.

II Kọrinti 2:17

Ma i ye vbe emwa ọvbehe ne ọ ye obọ mu ẹmwẹ Osanobua vbene a miẹn wẹ emwi ne ọ ro puẹkẹ nọ, sokpan rhunmwuda wẹ Osanobua gie ima nẹ, ma kegha ye ẹkoata ta ẹe vbe odaro ẹre zẹ vbe eguọmwadia Kristi.

II Kọrinti 4:2

Ma ghi ban emwi ẹkhokho kevbe emwi ekhue hia ye efẹn ọkpa, ma i ya erẹrẹ ru emwi, ra ne a gha ya ẹmwẹ Osanobua khian ohoghe. Vbe uwu uwanmwẹ ne ọwa mu otọ fo ọghe ẹmwata, ma ghi gha yin vbe odaro Osanobua, ma ghi gha hia ne a rhie egbe mwa ye egbe ihe ne ekhọe emwa hia gha na gha ta ẹmwẹ ima ne ọ maa.

Ẹfisọs 4:14

Ẹghẹ nii, ma i ghi ra gha re emọ obọ ne ulẹmwẹ ẹzẹ mu yo mu rre, kevbe ne ẹhoho ẹziza, ọghe iruẹmwi emwa erẹrẹ, bi yo bi rre, emwa ni ya ero ne ọ ke ẹko iran zọ rre de emwa ọvbehe odẹ.

Filipai 3:21

Rẹn ghi fi egbe ne mitan mitan ne ọ sẹtin wu ọghomwa na werriẹ, ọ ghi yae khian vbene egbe uyi ọghe irẹn ye, vbe ekpa ẹtin nii ne irẹn ya sẹtin viọ emwi hia ye ototọ asẹ ọghọe.

I Tẹsalonaika 2:19

Ne a ta ẹmwata, wa rẹnrẹn wẹ, ọmwa ọvbehe ne ọ re idaehọ kevbe oghogho ima i rrọọ gberra uwa, kevbe emwi ne ima gha ya ghan vbe odaro Nọyaẹnmwa Jesu Kristi, ighẹ ma ru rho obọ nẹ, vbe ẹghẹ, ne ọ gha ya rre.

II Tẹsalonaika 2:9

Ẹtin e Setan ọre Ọmwa Dan nii gha ya rre, ọ ghi winna iwinna ọyunnuan ughughan, kevbe orhiemaa ohoghe, kevbe ọyunnuan.

I Timoti 1:4

Wẹ ne iran da obọ avbe uma aranmwẹ nii yi kevbe eni ne ne lọghọọ ọghe avbe erha odede, rhunmwuda, imuan ẹmwẹ ọre ọ si rre, iran iru iyobọ ye ẹmwẹ Osanobua ne a ya iyayi rẹn.

I Timoti 4:7

Sokpan, u ghi gha lẹ ne umaranmwẹ ne ẹmwata Osanobua i ye nii, emwi ne ọ ma kei ne a gha ta. Tobọ gha ma egbe uẹ emwi ye uyinmwẹ vbe ọghe Osanobua.

Taitọs 1:14

Ne iran ghẹ gha lele umaranmwẹ avbe Ju, kevbe iyi ne emwa ne agbọn yi, ne ọ ke obọ iran ni fi iyeke gbe ẹmwata rre.

II Pita 2:3

Vbe uwu uzuanmwẹ iran, avbe emamwaemwi ohoghe na ghi gha ya okha ne iran tobọ iran ya rre, miẹn uwa emwi. Ọ kpẹre ne Ne ọ bu ohiẹn iran ghi mu egbe ye otọ. Ne ọ ra fuẹn iran uan i vbe vbiẹ hiehiere.

I Jọn 4:14

Ma miẹn ọẹn nẹ, ma keghi vbe tama emwa ọvbehe wẹ, Evbavba gie Ovbi ẹre gha dee ne ọ do gha re Ọmiọnmwafan agbọn.

Ebe ne Jud gbẹẹn 1:14

Inọk ne ọ re, ọmwa ne ogiehan ke egbe Adam wa gha dee zẹẹ, ọre ọ guan ẹmwẹ iran na ye otọ ẹghẹ nii wẹ: “Ghe, Nọyaẹnmwa gha rre ke irẹn kevbe arriaigbe vbe uwu avbe odibo ẹre ni huanrẹn.

Arhie Maan 1:7

Ghe, ọ dee ke irẹn kevbe ikpakpaiso, emwa hia gha miẹn ọẹn erriọ vbe nọ ne iran ni ye asoro so ẹe. Emwa ni rre otọe agbọn hia gha khiẹ rhunmwuda ẹre. Erriọ ọ gha ye, Isẹ.