II Pita 1:13 - Edo Bible (E Baibol Ẹdo) Version 1996

¹³ Mẹ yayi wẹ emwi ne ọ kei mẹ nọ ne I gha gua avbe emwi na kpao vbe uwu ayere uwa, omwa vbe ne a na miẹn ighẹ mẹ he ye rre agbọn.

II Pita 1:13 ပူးပေါင်းရင်းမြစ်များ

Aizaia 38:12

A te fian agbọn mwẹ fua, ọ te sẹ ufomwẹ zẹ vbe owa ukpọn ne a siẹn kua zẹ vbe ukpọn ne a fian hin ido rre. I te gha ro ighẹ te Osanobua rhie ufomwẹ ye ẹdẹ mwẹ.

Hagai 1:14

E Nọyaẹnmwa keghi rhie igiẹdu ne emwa nii ne iran ya winna vbe Ọgua Osa, avbe Zerubabẹl ne e gọvina e Juda, e Jọsua ne Ogie Ohẹn, kevbe avbe emwa ni ke iwe rre hia. Iran keghi suẹn gha winna vbe Ọgua Osa ọghe Nọyaẹnmwa ne Oghodua ne Osanobua iran.

II Kọrinti 5:8

Udu wa hu ima, ọ gha te yẹ ima sẹ ne a kpao sẹ owa ikinnegbe mwa na rae, ne ima ya gu Nọyaẹnmwa gha rrọọ.

Filipai 1:7

Ẹmwẹ uwa i lahin ekhọe mwẹ rre, rhunmwuda ọnii, emwi ne ọ kere nọ ne ẹmwẹ uwa gha ye rriọ vbe ekhọe mwẹ. Rhunmwuda, wa hia gun mwẹ ghae vbe emwi ne Osanobua ya mu ọghọ yọ mwẹ egbe na, kevbe ẹghẹ ne I na rre uwu eghan na, kevbe ẹghẹ ne idobo i na rrọọ mẹ, vbe i a gha mu ẹmwẹ iyẹn ne ọ maa gui, kevbe I a vbe gha ya ẹre igiẹ mu otọ.

Filipai 3:10

Emwi ne I ghi ho ọrọre ne I rẹn Kristi, ne I vbe miẹn ẹtin arhiọkpaegbe ẹre vbe egbe mwẹ, ne I ghae vbe uwu oya ne ọ re, ne I vbe do gha ye vbe irẹn vbe uwu ne ọ wu.

II Timoti 1:6

Rhunmwuda ọnọna, ọre I na ye ruẹ rre ne u yobọ da ẹe yi gbain ighe ọhẹ ne Osanobua ya wuẹ vbe ẹghẹ ne I na viọ obọ yan ruẹn uhunmwu.

Hibru 13:3

Wa gha ye iran ni rre uwu eghan rre vbene a miẹn wẹ, te uwa gu iran rre evba. Wa gha ye iran ni rri oya rre, vbene a miẹn wẹ wa vbe iran ọre ọ gba rrie nene oya.

II Pita 1:12

Ọna ọre ọ si ẹe ne I gha na gha ye uwa avbe ẹmwẹ na rre ẹghẹ hia, a gha rhe miẹn ighẹ wa ka rẹn ọnrẹn nẹ, kevbe wẹ, a wa ziẹn ẹnrẹn ye uwu ẹmwata ne uwa rhan obọ miẹn nẹ.

II Pita 1:14

Rhunmwuda, mẹ rẹnrẹn wẹ, vbe ọ ma he kpẹe wan, I gha ban egbe ne ọ sẹtin wu na mu fua, zẹ vbene Nọyaẹnmwa Kristi ta ma mwẹ sẹsẹsẹ.

II Pita 3:1

Wa ne avbe ọse mwẹ ni ghaan, ebe ne ọ huẹre ne ogieva ne I he gbẹn gie uwa ọre ọ na khin. Vbe ebe eva na, I keghi hia ne i gua uwa ekhọe kpao vbe ọghe iro ne ọ huanrẹn ne a roro, vbe ekpa ne a na ye uwa avbe emwi na rre.