II Ọba 7:3 - Edo Bible (E Baibol Ẹdo) Version 1996

³ Ikpia enẹ ni khuọnmwi emianmwẹ ikpakpa dan kegha rre vbe a ladian ore e Sameria nẹ, iran keghi gu egbe guan wẹẹ, “Vbọzẹ ne ima gha na mudia vbe emwana yi a te do wulo?

II Ọba 7:3 ပူးပေါင်းရင်းမြစ်များ

II Ọba 5:1

E Naaman ne ọkaokuo e Siria kegha re ọmwa ne ọba e Siria daa na kevbe ne ọ vbe ye ọghọ na, rhunmwuda, akhọnmiotọ ni bun ọ re Nọyaẹnmwa he la obọ e Naaman rhie ne Siria. Ovbiyokuo nọkhua wa nọ, sokpan ọ kegha khuọnmwi alalọ.

II Ọba 7:4

A i zẹdẹ vbe la adesẹ ore ẹvbo rhunmwuda te ohanmwẹ gbele ima an vbe evba. Sokpan ma gha vbe mudia vbe emwa, te ima ra ye vbe wulo. Rhunmwuda ọnii, wa gie ima la agọ ivbi e Siria, ọmarugbe iran gbele ima an, u gha ghe, iran ghi sẹ ima rae.”

II Ọba 8:4

Okhuo nii keghi do vba vbe ọba gu e Gehazi ne ọguọmwadia Elaisia guan. Ọba keghi ho ne ọ họn eso vbe uwu iwinna ọyunnuan ne Elaisia winnaẹn.

Jerimaia 27:13

Vbọzẹ ne okuo ra ohanmwẹ ra emianmwẹ gha na gbele uwẹ vbe emwa ruẹn yi? Ọnii ọ re Nọyaẹnmwa wẹ ọ gha rruan emwaikemwa ni ma gbe uhunmwu kotọ ne ọba e Babilọn.

Jerimaia 8:14

Emwa Osanobua keghi nọ wẹẹ, “Vbọzẹ ne ima na tota hẹkpẹẹ yi? Wa larre, wa gie ima lẹ gha rrie avbe ẹvbo ne a gbe odin gaa nii, ne ima ya wulo vbe odọ. Osanobua bu ohiẹn uwu gbe ima nẹ, ọ mu eruan ne ima wọn ne, rhunmwuda ne ima na ru orukhọ ghe ẹre.

Nọmbas 12:10

Ẹre okuku nii na si hin Owa Ukpọn nii rre, Emianmwẹ ne ọ sẹtin la ọmwa ọvbehe egbe keghi hihiẹ yan ikpakpa egbe Miriam ọ na do gha fua vbe isonorhọ, Errọn keghi ghe ẹre ọ keghi miẹn wẹ emianmwẹ wa gba ẹre egbe.

Nọmbas 12:14

E Nọyaẹnmwa keghi wanniẹn wẹẹ, “Akpawẹ te erha ẹe ghi tu asẹn ye ọre aro vbo, ẹre te ọ gha ziengbe efaa ẹre la ikpẹdẹ ihinrọn. Rhunmwuda ọnii, wa rhie ẹre hin agọ rre la uzọla ọkpa, vbe iyeke ọnii, a sẹtin rhie ẹre werriegbe rre.”