II Ọba 3:3 - Edo Bible (E Baibol Ẹdo) Version 1996

³ Sokpan, ọ keghi si ivbi Izrẹl obọ la orukhọ zẹ vbene Jeroboam ne ovbi e Nebat ru, ọ ma vbe dobọ yi.

II Ọba 3:3 ပူးပေါင်းရင်းမြစ်များ

I Ọba 13:33

E Jeroboam ne ọba Izrẹl ma zobọ vbe emwi dan ne ọ ru, sokpan ọ keghi ye gha ma avbe ohẹn vbe ẹgbẹe kẹkan ne iran gha ga vbe aka ne irẹn bọ ẹe. Ọ keghi ma ọmwaikọmwa ne ọ rhirhi a gha ho, ohẹn.

I Ọba 14:16

E Nọyaẹnmwa ghi fi iyeke gbe Izrẹl, rhunmwuda, e Jeroboam ru orukhọ nẹ, ọ kevbe silo ivbi Izrẹl fi uwu orukhọ.”

I Ọba 14:9

Orukhọ ne u he ru sẹ ọghe iran hia ni ka gha rriọba khẹ ruẹ ẹsẹse. U fi iyeke gbe mwẹ nẹ, u keghi gua izohu mwẹ kpao vbekpa ne u na gha mannọ amazẹ, u na dunmwu ẹbọ ematọn ne u miẹn gha gho.

I Ọba 15:26

Ọ keghi ru orukhọ ghe Nọyaẹnmwa, ọ na ya Izrẹl de ye orukhọ.

I Ọba 15:34

Ọ keghi rukhọ ghe Nọyaẹnmwa, Ọ na silo ivbi Izrẹl obọ la orukhọ zẹ vbene Jeroboam ne ọba ka vbe ru khẹ irẹn.

I Ọba 16:31

Egbe orukhọ ne Jeroboam ru ma ghi sẹ ne irẹn, ọ keghi vbe ru yan vbe ne ọ na ya rhie Jezibẹl ovbi Ethal ne ọba Saidọn, ọ na vbe gha gho e Bal.

II Ọba 13:11

Rẹn keghi vbe rukhọ ghe Nọyaẹnmwa, ọ keghi lele igiemwi dan ọghe Jeroboam ne ọba ne ọ si ivbi Izrẹl la orukhọ.

II Ọba 13:2

Ọ keghi ru orukhọ ghe Nọyaẹnmwa, ọ keghi vbe si Izrẹl ohọ fi orukhọ zẹ vbene Jeroboam ka vbe ru, ọ ma kie werriegbe vbe emwi dan ne ọ ru.

II Ọba 13:6

Sokpan, iran ma ye zobọ vbe orukhọ ne Jeroboam ne ọba viọ ivbi Izrẹl lao, iran keghi ye gha ru ẹe khian. Amazẹ ọghe Asiẹrra ne ẹbọ ne okhuo keghi ye gha rre Sameria.

II Ọba 14:24

Rẹn keghi sẹ ẹmwẹ e Nọyaẹnmwa, vbe ne ọ na lele uviẹn ọkhọ ne erha ẹe odede ighẹ Jeroboam ne ovbi e Nebat lele, ọmwa ne ọ si Izrẹl obọ fi orukhọ.

II Ọba 15:18

Ọ keghi sẹ ẹmwẹ e Nọyaẹnmwa, ọ keghi lele igiemwi e Jeroboam ne ovbi e Nebat, ne ọ si Izrẹl obọ la orukhọ ya sẹ ẹdẹ uwu ẹre.

II Ọba 15:9

Rẹn keghi sẹ ẹmwẹ e Nọyaẹnmwa zẹ vbene avbe enikaro ẹre vbe ru. Ọ keghi lele igiemwi dan ọghe Jeroboam ne ovbi e Nebat ne ọ si Izrẹl obọ fi orukhọ.

II Ọba 17:21

Ugbẹn vbe Nọyaẹnmwa ghi wannọ ivbi Izrẹl hin e Juda rre nẹ, ivbi Izrẹl keghi ye Jeroboam ne ovbi e Nebat rriọba ọghe iran. E Jeroboam keghi ya iran fi iyeke gbe Nọyaẹnmwa, ọ na si iran obọ la orukhọ ne ọ wegbe.

II Ọba 17:22

Iran keghi lele Jeroboam, iran na vbe gha ru avbe orukhọ ne irẹn ru hia.

II Ọba 17:23

Rhinrin a te do miẹn vbe okiekie wẹ, e Nọyaẹnmwa wẹ ne a ho iran bẹkun vbe odaro irẹn, zẹ vbene ọ la unu avbe akhasẹ ne eguọmwadia ẹre ya obọ sẹ ekhae ne iran wẹ rẹn gha ru ẹe vberriọ. Ẹre a na miẹn wẹ a viọ ivbi Izrẹl gha rrie iwe vbe Asiria, ehe ne iran ye ye do sẹ ẹdẹnẹrẹ na.

II Ọba 21:16

E Manasẹ gbele emwa ni ma rriabe nibun sẹrriọ wẹ esagiẹn na gha lẹ okpokpo vbe ore Jerusalẹm, ọ keghi ru ọna ba ne ọ na vbe si ivbi e Juda fi ẹbọ ne a ga, ọ na ye iran sẹ ẹmwẹ e Nọyaẹnmwa.

II Ọba 23:15

E Josaia kevbe guọghọ ẹe sẹ otọ ighẹ ehe ne a na te ga vbe Bẹtẹl, ne Jeroboam ne ọba ne ovbi e Nebat bọe, ọmwa ni ne ọ si ivbi Izrẹl obọ fi orukhọ. E Josaia keghi siẹn Ogiukpo ne ọ rrọ sẹ otọ, ọ na rẹnkhẹn okuta ni rrọọ, ọ na dunmwu ẹẹn ya khian ebubẹ, ọ kevbe giẹn ọnrẹn uan ighẹ amazẹ Asiẹrra.