II Ọba 22:9 - Edo Bible (E Baibol Ẹdo) Version 1996

⁹ Rẹn keghi werriegbe bu ọba gha khian, ọ tama rẹn wẹẹ, “Eguọmwadia viọ igho ni rre uwu Ọgua Osa nẹ, iran viọ ne iran ni dọlọ ẹe yi.” Ọ kevbe rhie te ẹe wẹẹ,

II Ọba 22:9 ပူးပေါင်းရင်းမြစ်များ

Ezikiẹl 8:11

Avbe ọkaolotu Izrẹl ekigbesiyenẹ kegha rre evba, kevbe Jaazanaia ne ovbi e Siafan. Dọmwadẹ ọghọe keghi mu emwi ne a ya gien eturari mwẹ obọ, eturari nii kegha zẹ ighogho ladian.

Jerimaia 41:2

Ismaẹl kevbe arhingbe ni gu ẹe rre evba nii keghi yuolo umozo iran ladian, iran na gbe Gedalaia a.

Jerimaia 40:11

Vbe ẹghẹ ne a kha na avbe ivbi Izrẹl hia ni rre Moab, Amọn, Idọm kevbe avbe ẹvbo ọvbehe keghi họọn wẹ ọba e Babilọn kue ne ivbi Izrẹl eso ye gha rre Juda, kevbe wẹ ọ ya Gedalaia ru ne ọkhaemwisẹ yan iran.

Jerimaia 39:14

Na do rhie mwẹ ke uwu ẹguae ladian. Iran keghi rhie mwẹ ne ẹẹn gha gbearoghe ighe e Gedalaia ne ovbi Ahikam kevbe eyẹ e Siafan, ne a wa vbe tama wẹ ne ọ miẹn wẹ I sẹ owa vbe egbe hẹnnẹdẹn Ẹre I na ghi gu avbe emwa nii tota ye evba.

Jerimaia 29:3

I keghi rhie nene ebe ne Elasa ne ovbi e Siafan kevbe Gemaraia ne ovbi e Hilkaia, ne Zedekaia ọba e Juda gie yo ọghe Nebukiadneza ọghe Babilọn. Ebe nii khare wẹẹ:

Jerimaia 26:24

Sokpan ne Ahikam ne ovbi e Siafan na gha rre esa ọghomwẹ, a ma mu mwẹ ne emwa nii ne iran gbe mwẹ uan.

II Ọba 25:22

E Nebukiadneza ne ọba e Babilọn keghi ya Gedalaia ne ovbi Ahikam kevbe eyẹ e Siafan ru enọ khaemwisẹ yan e Juda, ọ na viọ iran ne a ma viọ gha rrie e Babilọn hia ye ototọ ẹre.

II Ọba 22:12

Ọ keghi tie Hilkaia ne ohẹn, Ahikam ne ovbi e Siafan, Akbọ ne ovbi e Mikaia kevbe Siafan ne akọwe ẹguae, kevbe Asaia ne odibo ọba, ọ tama iran wẹẹ,

II Ọba 22:3

Ọ ghi rre ukpo evairrọvbugie ne ọ rriọba, e Josaia keghi gie ne a tie ọgbenbe ẹguae ighẹ Siafan ne ovbi Azalaia kevbe eyẹ Mẹsiulam, gha die Ọgua Osa, ọ tama rẹn wẹẹ,

II Ọba 18:18

Iran gie wẹ ne a tie Hẹzekaia ne ọba rre, ọ re eha vbe uwu avbe ekhaẹmwẹ ọnrẹn na bu iran gha khian, iran na kegha re Eliaikim ne ovbi Hilkaia, ne ọka ẹguae, e Siebna, ne ọgbenbe ẹvbo kevbe Joa ne ovbi Asaf nọ sin emwi ẹro.

II Ọba 22:8

E Siafan keghi ya tama e Hilkaia vbene ọba gie, ẹre Hilkaia na tama rẹn ighẹ rẹn miẹn ebe uhi vbe uwu Ọgua Osa. E Hilkaia keghi rhie ebe ni ne ẹẹn, ọre Siafan na tie ẹre.

II Ọba 22:10

“Ghe ebe ọkpa ne Hilkaia mu gun mwẹ.” Ọ keghi tie ẹre ladian ne ọba họn.