II Ọba 1:3 - Edo Bible (E Baibol Ẹdo) Version 1996

³ Sokpan odibo e Nọyaẹnmwa keghi tama Elaija, akhasẹ ne ovbi Tisbi ne ọ ya vba avbe emwa ne a giẹ ẹre uhunmwu nii, ne ọ nọ iran wẹẹ, “Vbọzẹ ne uwa ra na ya nọ e Baal ne ẹbọ Ẹkrọn yi? Te uwa ya ọ nii kha ighẹ Osa irre otọ e Izrẹl ra?

II Ọba 1:3 ပူးပေါင်းရင်းမြစ်များ

I Ọba 17:1

Akhasẹ ọkpa ne a tie ẹre Elaija ne ovbi e Tisbi ne Giliad ke tama Ehab wẹẹ, “Vbe eni e Nọyaẹnmwa ne Osanobua Izrẹl ne imẹ ga, I tama ruẹn nian wẹ amẹ i ghi ra rhọ, evbu i ra ghi vbe tuo ọ te ya sẹ ukpo eha vbe ẹ i re te I fi ẹmwẹ na werriẹ ta.”

Jona 2:8

Iran ni gho ẹbọ ohoghe, rhie ẹmwẹ ruẹn hin ekhọe iran rre nẹ.

Psalm 76:1

A rẹn Osanobua vbe Juda a vbe ya ọghọ ne eni ẹnrẹn vbe Izrẹl.

Iwinna 8:26

Odibo Nọyaẹnmwa ọkpa keghi tama Filip wẹẹ, “Mu egbe ne u la odẹ ne ọ laghe odẹ okuọ, odẹ ne ọ ke Jerusalẹm rrie Gaza.” (Uwu ato ọre odẹ na la gberra.)

Iyẹn ne ọ Maan Ọghe Mak 3:22

Avbe emamwaemwi Uhi eso ni ke Jerusalẹm rre kegha tae khian wẹẹ, “Bẹlzibọb ọre ọ hin ẹnrẹn.” Eso keghi vbe gha kha wẹ “Ọkaolotu avbe orhiọn esu ọre ọ rhie ẹtin nẹ ne ọ ya gha khulo avbe orhiọn esu ladian.”

II Ọba 5:15

Ọ keghi dọlegbe bu Elaisia gha khian ke irẹn kevbe emwa rẹn hia, ọ wẹẹ, “Banbanna nian, mẹ miẹn wẹ Osanobua i rrọ hiehie gberra Osanobua Izrẹl, rhunmwuda ọnii, u ghi miẹn mwẹ emwi ihaoko na.”

II Ọba 1:8

Iran keghi wanniẹn wẹẹ, “Ọ mu agbada ne a ya ohian aranmwẹ se yọ, ọ keghi ya ugbẹkun ohian gba ẹe.” Ọba keghi kha wẹẹ, “Elaija nọ.”

II Ọba 1:6

Iran keghi wanniẹn wẹẹ, “Ma miẹn okpia ne ọ wẹ ne ima werriegbe gha dee, ne a do tama ruẹn wẹ e Nọyaẹnmwa khare wẹẹ, ‘Vbọzẹ ne u na gie emwa ne iran ya nọ e Baal ne ẹbọ Ẹkrọn yi? Te uwẹ ro ra ighẹ ẹbọ i rre Izrẹl? U i ra fe vbe ẹwẹn ruẹn, te u ra wu.’ ”

II Ọba 1:2

Ahazaia ne ọba Izrẹl keghi ke uhunmwu egedege ne ọ rre ẹguae ẹre vbe Sameria de gbe otọ, obọ keghi da ẹe ẹsẹse. Rẹn na rhunmwuda onii gie emwa ne iran ya nọ e Baal ne ẹbọ ivbi e Filistia vbe Ẹkrọn, ne ọ miẹn ehe na rẹn a deghẹ rẹn gha fe ra rẹn i ra fe.

I Ọba 21:17

Ẹre Nọyaẹnmwa na gie Elaija ne akhasẹ ne ovbi e Tisbi wẹẹ,

I Ọba 19:7

Odibo e Nọyaẹnmwa kevbe werriegbe bu ẹre ukpogieva, ọ huẹn ọnrẹn ọ keghi tama rẹn wẹẹ, “Kpaegbe ne u rri evbare ne a ghẹ do miẹn wẹ ẹtin ruẹn ma sẹ okhian na.”

I Ọba 19:5

Ọ keghi lovbiẹ ye ototọ erhan nii, ovbe na rhie ẹre. Vbe udomwurri, odibo Osa keghi ya obọ kan rẹn, ọ wẹẹ, “Kpaegbe ne u rri evbare.”

I Ọba 18:36

Ọ ghi sẹ ẹghẹ ne a ya zọ ese ogiavan, Elaija ne akhasẹ keghi sikẹ aka, ọ keghi na erhunmwu wẹẹ, “E Nọyaẹnmwa, Osanobua Ebraham, Aizik, kevbe Jekọb, rhie maa nian ighẹ wẹ ọrọre Osanobua Izrẹl kevbe wẹ ọguọmwadia ruẹ mẹ khin, kevbe wẹ emwi ne I ru na hia, wẹ ọre ọ gie mwẹ.

I Ọba 18:1

Ọ ghi kpee fua kherhe, vbe ọ ghi rre ukpo eha ne amẹ ma ghi rhọ, e Nọyaẹnmwa keghi tama Elaija wẹẹ, “Ya ye egbe ne Ehab ne ọba miẹn, I gha gie amẹ rhọ.”

I Samuẹl 17:46

E Nọyaẹnmwa gha rhie ruẹ ye ẹtin mwẹ atataobọ ẹdẹnẹrẹ na, obọ mwẹ gha ke ukhunmwu ne uẹn, I gha fian uhunmwu ruẹn fua, I ghi viọ ikun ivbiyokuo e Filistin ne avbe ahianmwẹ kevbe aranmwẹ ne iran gha re. Otọ agbọn hia ghi rẹn wẹ, Izrẹl mwẹ Osanobua.

II Ọba 5:8

Elaisia ne akhasẹ ghi họn emwi ne ọ sunu, ọ keghi gie ne a khama ọba wẹẹ, “Vbọzẹ ne egbe na wọ ruẹ yi? Gie ọmwa nii bu mwẹ gha dee, mẹ gha rhie maa rẹn wẹ akhasẹ rre Izrẹl!”

I Ọba 11:33

I gha ru emwi na rhunmwuda, e Solomọn fi iyeke gbe mwẹ, ọ keghi ya gha gho Astat ne ẹbọ ne okhuo ọghe Saidọn e Kemọs ne ẹbọ ọghe Moab, kevbe Milkọm ne ẹbọ ọghe Amọn. E Solomọn ma họn ẹmwẹ mẹ, ọ de iyi, ọ ma rhie uhi mwẹ kevbe ilele mwẹ mwẹ zẹ vbene Devid ne erha ẹe ru.

Aizaia 8:19

Sokpan, emwa gha tama ruẹn ne u ya gualọ otọ emwi vbe obọ avbe ọbiro kevbe ọfiakpẹlẹ ni kpe ihue, kevbe ni vbe zuyọn. Iran gha kha wẹẹ, “A rẹnrẹn wẹ ọ kere ne emwa gha gualotọ emwi gie emwa ni rre agbọn vbe obọ avbe ẹrinmwi kevbe emwa ni wulo nẹ.”