II Krọnikol 9:2 - Edo Bible (E Baibol Ẹdo) Version 1996

² Rẹn keghi wa rhie ewanniẹn ye ehia. Emwi rhọkpa ne ọ lọghọ gbe ne a rhie ewanniẹn yi ma vbe zẹdẹ gha rrọ ne ẹẹn.

II Krọnikol 9:2 ပူးပေါင်းရင်းမြစ်များ

I Ọba 3:12

I gha rhie emwi ne u nọ rẹn ne uẹn. I gha rhie ẹwaẹn kevbe irẹnmwi ne uẹn sẹ emwa hia ni ke aro nuẹn kevbe ni gha vbe rre vbe iyeke ruẹ.

I Ọba 4:29

Osanobua keghi rhie ogie ẹwaẹn ne Solomọn, deba vbene arria ẹmwẹ hẹ vbe ẹko kevbe irẹnmwi ne a i sẹtin mwa vbene ọ kpọlọ sẹ.

II Krọnikol 9:1

Otiti e Solomọn keghi do gha sẹ ehe ne Ọba Nokhuo e Siẹba ye, rẹn kegha rrie Jerusalẹm ne ọ ya mu ibo ne ẹẹn san. Ọ keghi viọ eguọmwadia ni bun ba egbe gha dee, ke ẹe kevbe ekẹtẹkẹtẹ ni bun ne a ya kun emwi ni winhin, ikpẹrọnmwọ kevbe igoru ọrhẹnrhẹn. Rẹn vbe Solomọn ghi miẹn egbe, ọ kevbe nọ rẹn ọta hia ni ghi rre ọre ekhọe.

II Krọnikol 9:3

Ọba Nokhuo e Siẹba keghi ya ehọ họn ẹwaẹn Solomọn, ọ keghi vbe miẹn ẹguae ne ọ bọe.

Itan 13:20

Gha gu umẹwaẹn mu obọ, wẹ gha vbe do khian umẹwaẹn. Adeghẹ u gu avbe akpa gha ru ọse, ọnii ọ re ọwuẹ fo.

Itan 18:4

Ẹmwẹ ne unu ọmwa, sẹtin gha re ehe ne ẹwaẹn ke rre, ne ọ dinmwi vbe okun, ne ọ furre zẹvbe amẹ ezẹ ne ọ lẹ.

Iyẹn ne ọ Maan Ọghe Mak 4:11

Jesu wanniẹn tama iran wẹẹ, “Wa na ọre a ta oro ẹmwẹ Arriọba Osanobua ma sokpan, iran hia ni rre ore, itan ọre a ya gu iran guan.

Iyẹn ne ọ Maan Ọghe Mak 4:34

Rẹn i vbe ta ẹmwẹ ọkpa fua ma iran vbe ẹ i re te ọ kpa ẹre itan, sokpan ọ ghẹ ghi kẹ irẹn kevbe avbe erhuanegbe ẹre ọkpa, ọ ghi rhan otọ emwi hia ma iran.

Iyẹn ne ọ Maan Ọghe Jọn 15:15

I ma ghi tie uwa eguọmwadia nian rhunmwuda ọguọmwadia i rẹn emwi ne arowa ẹre ru. Ọse mwẹ ọre I ghi tie uwa ẹre rhunmwuda emwi hia ne I họẹn vbe unu Erha mwẹ, I vbe talọ ehia ma uwa.

Kọlose 2:3

Rẹn ọrọre isahẹn ne ọ sẹtin kie aza emwi ighobioye ne a viọ lẹre hia, ọghe irẹnmwi kevbe ẹwaẹn Osanobua.

Hibru 4:12

Rhunmwuda, ekpakpasusu ọre ẹmwẹ Osanobua khin. Ọ mu sẹ agbadakagba ne ọ mwẹ unu eva, te ọ fiaẹn la ehia fo, ya sẹ ehe ne orhiọn kevbe ekhọe na sikan mu egbe, kevbe ehe ne akhuẹn kevbe efun ne ọ rre uwu ugboloko na vba egbe. Rẹn ọre ọ ta vbene iziro kevbe aho ekhọe emwa ne agbọn ye hẹ.

Jems 1:5

Sokpan deghẹ a miẹn ne ẹ i mwẹ ẹwaẹn vbe uwu uwa, wẹ ne ọ na erhunmwu ghe Osanobua, ne ọ gha rhie ẹre nẹẹn, rhunmwuda, ọwọrhọwọrhọ ọre Osanobua viọ emwi ne emwa hia.