II Krọnikol 7:9 - Edo Bible (E Baibol Ẹdo) Version 1996

⁹ Iran keghi ya ikpẹdẹ ihinrọn do ugie ne a ya ye Ọgua Osa fi ohan, iran keghi vbe ya ikpẹdẹ ihinrọn ọvbehe do ugie nii. Vbe ikpẹdẹ ne okiekie, iran keghi do ugie ne a ya khui ẹre uhunmwu.

II Krọnikol 7:9 ပူးပေါင်းရင်းမြစ်များ

I Ọba 8:2

Ehia kegha de vbe uki Etanim ne ọ re ẹghẹ emwiukpo Irhu ne a bọlọ vbe uki Etanim.

I Ọba 8:65

Ẹghẹ nii, ọ re Solomọn kevbe ivbi Izrẹl hia, wa ke ada e Hamat vbe odẹ okuọ ya sẹ ehe ne otọe Igipt lae vbe odẹ ekẹn na ru emwiukpo Ibuagọ vbe odaro e Nọyaẹnmwa Osanobua la ikpẹdẹ ihinrọn vbe otọ vbe Ọgua Osa.

II Krọnikol 30:23

A ghi tie ẹre ikpẹdẹ ihinrọn ne iran ghi ke zọ ese ya gha rho e Nọyaẹnmwa ne Osanobua avbe erha iran odede, iran hia keghi wa kha wẹ iran gha dọlegbe ru emwiukpo na la ikpẹdẹ ihinrọn. Iran keghi rhunmwuda ọnii ya oghogho gha ru emwiukpo na.

II Krọnikol 7:10

Vbe ikpẹdẹ ne ọ ghi lele ẹe, ne ọ re ikpẹdẹ ne ogieha yan ugie ọghe uki ne ogihinrọn, e Solomọn keghi zẹ emwa ni urrie. Ọyẹnmwẹ keghi sẹ iran ye afiangbe ne Osanobua rhie ne Izrẹl ne emwa rẹn, e Devid kevbe Solomọn.

Nehimaia 8:18

Ke ikpẹdẹ ne okaro ọghe emwiukpo ni kpao ya sẹ ikpẹdẹ ne okiekie, iran kegha fian tie vbe ebe Uhi Osanobua ni ẹdẹgbegbe. Iran keghi ru emwiukpo nii la ikpẹdẹ ihinrọn, vbe ikpẹdẹ ne ogierẹnrẹn, iran keghi do ugie ne a ya mu ẹẹn ye otọ zẹ vbene Uhi khare.

Ẹksọdọs 29:37

U ghi ru ọna ẹdẹgbegbe la ikpẹdẹ ihinrọn, ẹghẹ nii aka ghi do huan fo fẹẹrẹ. Ọmwaikọmwa, ra emwikemwi ne ọ ghi dekan rẹn ghi miẹn ikuangbe rhunmwuda ẹtin uhuanmwẹ ọnrẹn nii.

Joẹl 1:14

Wa ta ẹe wẹ ne emwa gha rrie aguẹ wa tie emwa si koko! Wa si avbe ọkaolotu, kevbe ivbi e Juda hia, koko ye uwu Ọgua Osa, ọghe Nọyaẹnmwa ne Osanobua uwa, ne uwa kpe tie ẹre.

Levitikọs 23:36

Ẹdẹgbegbe vbe uwu ikpẹdẹ ihinrọn nii wa ghi ru izẹọhẹ evbare. Vbe ikpẹdẹ ne ogierẹnrẹn, wa ghi vbe dọlegbe si egbe koko ne uwa ru ugamwẹ, wa ghi vbe ru izẹ ọhẹ evbare. Ẹdẹ ugamwẹ nọ, wa ghẹ winna iwinna rhọkpa.

Nọmbas 7:10

Avbe ọkaolotu keghi vbe viọ emwi rre do ya titi ugie ne a na ya aka nii fi ohan. Iran ghi suẹn gha viọ avbe emwi ihaoko nii rrie aka,

Diuteronomi 16:8

Vbe ikpẹdẹ ehan ne ọ lele ẹe, wa ghi gha rri ebrẹd ne a ma ye eyist le, sokpan vbe ikpẹdẹ ne ogihinrọn, wa ghi si egbe koko ne a ru ugamwẹ ne Nọyaẹnmwa, wa ghẹ winna iwinna rhọkpa ẹdẹ nẹdẹrriọ.