II Krọnikol 7:8 - Edo Bible (E Baibol Ẹdo) Version 1996

⁸ E Solomọn kevbe ivbi Izrẹl hia keghi ya ikpẹdẹ ihinrọn ru emwiukpo Irhu, ẹvbo ọrhẹnrhẹn keghi rre, uhin ya sẹ Ada e Hamat ne ọ wa rrei ẹsẹse vbe odẹ okuọ, ke odẹ ekẹn ọghe uwu Igipt.

II Krọnikol 7:8 ပူးပေါင်းရင်းမြစ်များ

Gẹnẹsis 15:18

Ẹdẹ nẹdẹrriọ, Nọyaẹnmwa keghi gu Ebram ta ile wẹẹ, “I yanrẹn ighẹ I gha mu otọ na hia ne uniẹn ruẹn, ke ẹzẹ ne ọ rre ehe ne Igipt lae ya sẹ Yufretes ne okpẹzẹ.

I Ọba 8:65

Ẹghẹ nii, ọ re Solomọn kevbe ivbi Izrẹl hia, wa ke ada e Hamat vbe odẹ okuọ ya sẹ ehe ne otọe Igipt lae vbe odẹ ekẹn na ru emwiukpo Ibuagọ vbe odaro e Nọyaẹnmwa Osanobua la ikpẹdẹ ihinrọn vbe otọ vbe Ọgua Osa.

Iyẹn ne ọ Maan Ọghe Jọn 7:2

Emwiukpo Ibu agọ ọghe avbe Ju keghi sikẹ otọ.

Emọs 6:14

E Nọyaẹnmwa ne Osanobua ne Oghodua tobọ ẹre ta ẹe wẹẹ, “Wa ne ivbi Izrẹl, I ra gie ivbiyokuo ẹrrẹe ne iran do mu uwa ẹvbo dia. Iran gha wọ uwa uhunmwu ke Ada e Hamat kpao vbe odẹ okuọ yasẹ ovbi ẹzẹ Araba vbe odẹ ekẹn.”

II Krọnikol 30:13

Emwa ni bun keghi si egbe koko ye Jerusalẹm vbe uki ne ogieva ne iran do ru Emwiukpo Ebrẹd Ne ọma hue.

I Ọba 8:2

Ehia kegha de vbe uki Etanim ne ọ re ẹghẹ emwiukpo Irhu ne a bọlọ vbe uki Etanim.

II Krọnikol 5:3

Iran hia keghi do si egbe koko vbe ẹghẹ Emwiukpo Irhu.

II Krọnikol 30:26

Oghọghọ nọkhua kegha rre ore Jerusalẹm rhunmwuda, emwi ne ọ khọe vberriọ ma he ka sunu ke ẹghẹ e Solomọn ne ovbi e Devid gha dee.

Ezikiẹl 45:25

“Ọ gha vbe sẹ ẹghẹ Emwiukpo Irhu, ne ọ suẹn vbe ikpẹdẹ ekesugie ọghe uki ne ogihinrọn, egbe ese ne a zọ ye orukhọ, egbe emwi imuohan ne a gien ikun ẹnrẹn ohoho, kevbe vbene ọka kevbe ofigbọn oliv ne ọ rrọ sẹe, ọre ovbiọba ne ọ rre asẹ gha vbe ya gha ru emwi ẹdẹgbegbe.”

Ezikiẹl 47:20

“Ehe ne ọ lae vbe odẹ orrie keghi re Meditẹrrenian, ọ keghi laghe odẹ okuọ ya sẹ ako ọkpa vbe odẹ orrie ọghe Ada e Hamat.