II Krọnikol 7:7 - Edo Bible (E Baibol Ẹdo) Version 1996

⁷ E Solomọn keghi vbe ya ẹghodo adesẹ ne ọ rrọọ fi ohan, ehe ne ọ wa rre odaro Ọgua Osa, ọ na vbe ya emwi ne a wa giẹn ọnrẹn ohoho zọ ese vbe evba, deba ọghe ọka kevbe ẹvbi ne a viọ rre kevbe avbe emwi ne a ya si isara rre. Emwi ne ọ ya ẹe ru vberriọ wẹ Ogiukpo oze ne ọ ru ma kpọlọ sẹ ne ọ gha gua emwi izọ ese na hia.

II Krọnikol 7:7 ပူးပေါင်းရင်းမြစ်များ

II Krọnikol 36:14

Deba ena hia avbe ọkaolotu e Juda avbe ohẹn kevbe avbe emwa nii, keghi wa gha yin zẹ vbe emwa ni rre ẹvbo ni lẹga iran, iran na gha gho ẹbọ, iran keghi la ekpa ọnii mu awua ye Ọgua Osa ne Nọyaẹnmwa tobọ ẹre ya khian ne ọ huanrẹn nẹ.

II Krọnikol 4:1

E Solomọn ne Ọba keghi ru Ogiukpo oze, ọ kegha re ibata ọgban vbe igienẹnẹ, uyomwẹ ọnrẹn kegha re ibata ekesugie.

Nọmbas 29:39

Enena ọrọre emwi ne u ghi ya gha zọ ese ghe Nọyaẹnmwa vbe ẹghẹ emwiukpo rua, zẹ vbe izẹọhẹ na giẹn uan, izẹọhẹ ọka izẹọhẹ ayọn kevbe isara. A ghi ru ena deba izẹọhẹ emwi obọ ọmwa ne u ru ya mu eyan ruẹn sẹ ra zẹ vbe isara.