II Krọnikol 7:1 - Edo Bible (E Baibol Ẹdo) Version 1996

¹ E Solomọn ne ọba ghi na erhunmwu fo nẹ, erhẹn keghi ke ẹrinmwi rre ọ na giẹn emwi ne a ya zọ ese nii, ẹre awanwan ne ẹ i gie a ghe, ne ọ rhie maa ighẹ e Nọyaẹnmwa rre evba, na vuọn Ọgua Osa.

II Krọnikol 7:1 ပူးပေါင်းရင်းမြစ်များ

Gẹnẹsis 15:17

Ovẹn ghi dero nẹ vbe ebiebi ghi so, vbe udomwurri, akhe erhẹn ne ọ gbe ighogho kevbe ukpekhọe ne ọ baa keghi rre do la adesẹneva avbe aranmwẹ nii gberra.

I Ọba 18:24

Wa wẹ ne avbe akhasẹ e Bal na erhunmwu ghe ẹbọ iran, mẹ gha vbe na erhunmwu ghe Nọyaẹnmwa. Ne ọ ghi rhirhi rhie ewanniẹn yọ, ọ na gie erhẹn rre, onii ọre Osanobua.” Emwa ni hia keghi wa khuẹnniẹn yọ.

I Ọba 18:38

E Nọyaẹnmwa keghi gie erhẹn rre, ọ keghi giẹn ese nii hia, erhan kevbe okuta, ọ keghi ya otọ kaka, ọ na ka amẹ ne ọ rre uvun ni hia.

I Ọba 9:1

E Solomọn ne ọba ghi bọ Ọgua Osa fo nẹ ke ẹe kevbe ẹguae kevbe emwi ọvbehe ne ọ ho ne ọ bọlọ hia,

I Krọnikol 21:26

Ọ keghi gba aka ne Nọyaẹnmwa vbe evba ọ na zọ ese ne a giẹn uan kevbe isara ghe Nọyaẹnmwa vbe evba. Ọ keghi na erhunmwu e Nọyaẹnmwa na rhie ewanniẹn ne ẹẹn vbene ọ na gie erhẹn ke ẹrinmwi rre do giẹn izọ ese ne ọ rre aka nii.

Psalm 26:8

Owa ne u ye wa yẹ mwẹ Nọyaẹnmwa, ehe ne uyi ruẹ ye.

Ẹksọdọs 19:18

Ighogho keghi gba uhunmwu oke Sainai hia rhunmwuda e Nọyaẹnmwa la erhẹn tuorre yan rẹn. Ighogho nii kegha ye odukhunmwu zẹ vbe ighogho ogidi erhẹn. Emwa nii hia kegha guọ kpẹkpẹkpẹ.

Ẹksọdọs 29:43

Evba I ra na do gha miẹn ivbi Izrẹl, uyi mwẹ ghi ya evba nii khian ne ọ huanrẹn.

Aizaia 65:24

Iran te na erhunmwu fo, erhunmwu iran mẹ họn nẹ.

Ezikiẹl 43:5

Orhiọn e Nọyaẹnmwa keghi tọn mwẹ mu, ọ keghi mu mwẹ la ẹkpotọ ne ọ ke uwu ẹre, ehe ne I na miẹn wẹ uyi e Nọyaẹnmwa wa vuọn Ọgua Osa.

Ezikiẹl 44:4

Ọmwa nii keghi rhie mwẹ la urho odẹ okuọ gha rrie odaro Ọgua Osa. I ghi ghee ẹre, I keghi miẹn wẹ Ọgua Osa e Nọyaẹnmwa vuọn ne uwanmwẹ ne wainwain ne a ya rẹn ighe ọ rre evba. I keghi dee mu aro rhu otọ.

Daniẹl 9:20

I keghi ye gha na erhunmwu nii khian, I keghi miẹn orukhọ mwẹ kẹe kevbe orukhọ ọghe Izrẹl ne emwa mwẹ, I na gha rinmwian e Nọyaẹnmwa Osanobua mwẹ ne ọ dọlọ rhie Ọgua Osa ẹre nọhuanrẹn ye ihe.

Malakai 3:4

Ẹghẹ nii emwi ihaoko ne ivbi e Jerusalẹm kevbe Juda, viọ gie Nọyaẹnmwa ghi gha yẹ ọre, zẹ vbene iran ka ye vbe ẹghẹ ne ọ gberra.

Iwinna 4:31

Ugbẹn vbe iran ghi na erhunmwu nẹ, otọe keghi mu rueghe vbe ehe ne iran ye, iran hia keghi vuọn ne Orhiọn Ne Ọ Huanrẹn, iran keghi ya gha kpe orhu ẹmwẹ Osanobua vbe ne a i na fian afianma.

Arhie Maan 21:23

Ẹvbo ni i mwẹ emwi ne ọ ya owẹn ru ra uki ne ọ gha baa vbọ rhunmwuda, uyi ọghe Osanobua ọre ọ viọ asan yọ. Oteghe Ohuan nii ọre ọ vbe re ukpa ne ọ rrọọ.

Giọgis 6:21

Odibo e Nọyaẹnmwa ni keghi niẹn obọ ẹre ladian, ọ na ye ọkpọ ne ọ gu ẹe kan emiowo kevbe ebrẹd nii. Erhẹn keghi vẹn ke uwu okuta nii ladian, ọ na giẹn emiowo kevbe ebrẹd nii uan. Odibo nii keghi ru gbẹnnẹ.