II Krọnikol 6:3 - Edo Bible (E Baibol Ẹdo) Version 1996

³ Emwa Izrẹl hia keghi mudia vbe evba. Ọba keghi fi egbe werriẹ, ọ na nọ erhunmwu afiangbe Osanobua ne iran.

II Krọnikol 6:3 ပူးပေါင်းရင်းမြစ်များ

I Ọba 8:14

Emwa nii hia ghi wa mudia ye evba, e Solomọn keghi fi egbe werriẹ mu aro da iran, ọ na ya erhunmwu nọ afiangbe Osanobua ne iran.

I Krọnikol 16:2

E Devid ghi zọ ese nii fo nẹ, ọ keghi fiangbe emwa nii vbe eni e Nọyaẹnmwa, ọ na ghae evbare gba iran hia obọ.

II Krọnikol 29:29

e Hẹzekaia ne ọba kevbe emwa nii hia keghi diguẹ iran na ga Osanobua.

II Krọnikol 31:8

Ugbẹn vbe Hẹzekaia ne ọba kevbe ekhaẹmwẹ ọnrẹn ghi miẹn emwi ne iran viọ rre iran keghi rho Nọyaẹnmwa, iran keghi vbe tian ivbi Izrẹl.

II Krọnikol 6:2

Banbanna, I bọ ọgua osa ọrhẹnrhẹn ne uẹn nẹ, ehe ne u khian gha dia ẹdẹdẹmwẹdẹ.”

II Krọnikol 6:4

Ọ wẹẹ, “Wa rho e Nọyaẹnmwa ne Osanobua ọghe Izrẹl! Ọ mu eyan ne ọ yan ma e Devid ne erha mwẹ sẹ, ne ọ na khama rẹn wẹẹ,

Ezikiẹl 46:10

Emwa nii gha la owa, ọ re ovbiọba gha na vbe la owa iran gha ladian, ọ ghi vbe ladian.

Matiu 13:2

Rhunmwuda ighe emwa ni gbe ẹbu ye ehe ne ọ ye bun ẹsẹse, rẹn keghi la uwu okọ, ọ keghi tota ye evba, emwa ni hia kegha rre uhunmwu oke.

Jọsua 22:6

E Jọsua ghi ya erhunmwu zẹ iran na urrie nẹ, ọ keghi tama iran wẹẹ, “Ke uwa kevbe ẹfe ni bun ọre ọ ghi gba rrie owa na, ẹmila ọrhẹnrhẹn, esiliva, igoru, oze, ematọn kevbe ukpọn ni bun. Wa ghae ne ivbi Izrẹl ne ihua uwa vbe avbe emwi ne uwa miẹn avbe eghian uwa ẹre.” Iran keghi kpao gha rrie. E Mosis mu otọe eso vbe odẹ ahọ ne ẹwae Manasẹ nẹ vbe odẹ ahọ e Jọdan sokpan e Jọsua keghi mu otọ ne obọ nọkpa vbe orrie ọghe Jọdan deba ẹwae nekpa.