II Krọnikol 5:4 - Edo Bible (E Baibol Ẹdo) Version 1996

⁴ Avbe ọkaolotu hia ghi si egbe koko nẹ, avbe Livai keghi tọn Ẹkpẹti Ile ni mu.

II Krọnikol 5:4 ပူးပေါင်းရင်းမြစ်များ

I Ọba 8:3

Avbe ọkaolotu ni hia ghi si egbe koko nẹ, avbe ohẹn keghi mu Ẹkpẹti Ile nii.

I Krọnikol 15:2

Ẹre irẹn na kha wẹẹ, “Avbe Livai ọkpa ọ re ọ ra gha mu Ẹkpẹti Ile rhunmwuda, iran ọ re Nọyaẹnmwa zẹe ne ọ gha mu ẹẹn, ne iran vbe gha winna ne irẹn ẹdẹdẹmwẹdẹ.”

II Krọnikol 5:5

Iran na mu ẹẹn gha rrie Ọgua Osa, avbe ohẹn kevbe avbe Livai kevbe mu Owa Ukpọn ne a ya rẹn ighẹ e Nọyaẹnmwa rre evba, kevbe avbe emwi ne a lo vbọ hia gha rrie Ọgua Osa.

II Krọnikol 5:7

Ẹre avbe ohẹn na mu Ẹkpẹti Ile e Nọyaẹnmwa la uwu Ọgua Osa, iran keghi ya mu ẹẹn ye Ehe Ne ọ Huan Sẹe Ehia. Vbe ototọ avbe emwi ni zẹ ifuẹn nii.

Nọmbas 4:15

Ọ gha sẹ ẹghẹ ne a ya si kpao vbe agọ, ivbi e Kohat ghi do viọ avbe emwi nihuanrẹn nii, iyeke vbe avbe ivbi ẹre a ghi ya emwi gue ehia kevbe emwi ne a lo ba iran fo nẹ. Wẹ ne ivbi e Kohat ghẹ ye obọ kan emwi nihuanrẹn ni ne iran ghẹ wulo. “Iwinna ne ọ kan ivbi e Kohat vbe ẹghẹ ne a rhirhi ya si vbe agọ ọre ena khin.

Jọsua 3:6

Ẹre Jọsua na tama avbe ohẹn wẹẹ ne iran tọn Ẹkpẹti Ile nii mu ne iran ke odaro ne avbe emwa nii. Iran keghi ru vbene ọ khare.

Jọsua 6:6

Ẹre Jọsua na tie avbe ohẹn, ọ keghi tama iran wẹẹ, “Wa mu Ẹkpẹti Ile nii, wa ihinrọn ke odaro ne ẹẹn wa ghi viọ orhu mwẹ. Avbe ivbiyokuo ghi ke odaro ne uwa.”