II Krọnikol 5:2 - Edo Bible (E Baibol Ẹdo) Version 1996

² Ẹre Solomọn ne ọba na tie avbe ọkaolotu ọghe dọmwadẹ ẹgbẹe kevbe ẹwae ni rre Izrẹl ne iran do miẹn egbe vbe Jerusalẹm, ne iran do mu Ẹkpẹti Ile e Nọyaẹnmwa ke Zaiọn ne Ẹvbo e Devid gha rrie Ọgua Osa.

II Krọnikol 5:2 ပူးပေါင်းရင်းမြစ်များ

II Samuẹl 5:7

(Sokpan e Devid keghi ye khọn odin ọghe Zaiọn, ọna do khian “Ẹvbo e Devid.”)

II Samuẹl 6:12

E Devid ne ọba keghi do họn wẹẹ, e Nọyaẹnmwa wa fiangbe ẹgbẹe Obẹd Idọm kevbe emwi ne ọ mwẹ hia, rhunmwuda Ẹkpẹti Ile ọ keghi rhunmwuda ọnii ya mu ẹẹn vbe owa Obẹd rre ne ọ do kpee mu ẹẹn gha rrie Jerusalẹm.

I Krọnikol 15:1

E Devid keghi bọlọ owa ọghe obọ ẹre ye Ẹvbo e Devid. Ọ na vbe dọlọ ihe eso yi ne Ẹkpẹti Ile ọghe Osanobua. Ọ na mu owa ukpọn yọ.

I Krọnikol 15:12

Ọ keghi tama avbe Livai na wẹẹ, “Wa ọrọre olotu avbe uniẹn avbe Livai, wa họnmwẹ egbe uwa kevbe ọghe Livai ne ihua uwa, ne uwa miẹn ehe na mu Ẹkpẹti Ile ọghe Nọyaẹnmwa Osanobua Izrẹl gha die ehe ne I dọlọyi ye otọ khẹ ọre.

I Krọnikol 15:25

Ẹre Devid ne ọba, avbe olotu Izrẹl kevbe avbe ekaokuo nekhua na gha rrie owa Obẹd Idọm ne iran ya mu Ẹkpẹti Ile gha dee, iran keghi ru emwiukpo nọkhua.

I Krọnikol 15:3

E Devid keghi rhunmwuda ọnii tie ivbi Izrẹl hia gha die Jerusalẹm ne a miẹn ehe na mu Ẹkpẹti Ile gha die ehe ne a dọlọ yi ye otọ khẹ ọre.

I Krọnikol 16:1

Iran keghi mu Ẹkpẹti Ile nii gha rrie ehe ne Devid ru ye otọ khẹ ọre, iran na mu ẹẹn ye uwu ẹre. Iran na zọ ese, iran na vbe sisara ghe Osanobua.

I Krọnikol 24:31

Dọmwadẹ ọkaẹgbẹe ghi wẹ ne ọtiọnrẹn ne ọ kotọ ọkpa ya yan uta ya zẹ iwinna ne a gha wa ne iran, zẹ vbene etẹn iran ighẹ avbe ohẹn ni re ivbi uniẹn Errọn ka vbe ru. E Devid ne ọba, e Zadọk, Ahimẹlẹk kevbe avbe ọkaẹgbẹe avbe ẹgbẹe ohẹn kevbe Livai, kegha re osẹe.

I Krọnikol 24:6

Ivbi uniẹn Eliaza kevbe Itama ọ re ọ gba gha yan uta vbene ọ ya sẹ iran egbe. Ẹre Siemaia ne ovbi e Netanẹl ne akowe Livai, na gbẹnnẹ eni iran ye ebe. Ọba, kevbe avbe emwa ni rre ukpo vbe ototọ ẹre, avbe ohẹn ighẹ Zadọk kevbe Ahimẹlẹk ne ovbi Abiata deba avbe ọkaẹgbẹe ẹgbẹe avbe ohẹn, kevbe ogha avbe Livai, ehia kegha re osẹe.

I Krọnikol 26:26

E Sielomit kevbe ivbi ẹre ọ re ọ gha sin iran ẹro ighẹ avbe emwi ne Devid ne ọba ya mu ohan gie Osanobua kevbe dọmwadẹ ọba ẹgbẹe, avbe ekaolotu avbe ẹwae kevbe avbe ivbiyokuo.

I Krọnikol 28:1

E Devid ne ọba keghi wẹ ne avbe iran ni rre asẹ vbe otọ Izrẹl hia gha die Jerusalẹm. Rhunmwuda ọnii, iran ni rre asẹ vbe dọmwadẹ ẹwae, iran ni rre asẹ ni gbearoghe iwinna otọ arriọba nii, avbe ọkaolotu uniẹn, iran ni gbearoghe emwi ne ọba mwẹ kevbe emwirri ẹre kevbe avbe ivbi ẹre, ne a wa kha wẹ iran ni rre asẹ vbe ẹguae hia, avbe ivbiyokuo ni hin usi kevbe emwa kpataki hia na si koko vbe Jerusalẹm.

II Krọnikol 1:4

(Sokpan Ẹkpẹti Ile ne ọ rrọọ kegha rre Jerusalẹm a keghi mu ẹẹn ye owa ukpọn ne Devid ne ọba bọe vbe ọ mu ẹẹn ke kirriat Jearim rre.)

II Krọnikol 5:1

E Solomọn ne ọba ghi winna iwinna Ọgua Osa fo nẹ, ọ keghi mwamwa avbe emwi hia ne Devid ne erha ẹe ya fi ohan ne Osanobua ye uwu avbe aza Ọgua Osa, avbe esiliva, igoru kevbe avbe emwi ọvbehe.

Psalm 2:6

Ọ keghi kha wẹẹ, “Mẹ rhie ọba mwẹ ye ẹkete nẹ, vbe Zaiọn ne oke mwẹ ne ọ huanrẹn.”

Psalm 87:2

sẹ ehe ọvbehe ne ọ rhirhi a gha khin vbe Izrẹl ọ ho ẹmwẹ ore nọkhua e Jerusalẹm.

Levitikọs 9:5

Iran keghi viọ avbe emwi hia ne Mosis tama iran gha die odaro Owa Ukpọn Ile, emwa nii hia keghi si koko ye evba ne iran ga e Nọyaẹnmwa.

Nọmbas 10:33

Ugbẹn vbe emwa nii ghi sii kpao vbe Sainai ne oke ne ọ huanrẹn, iran keghi khian okhian ikpẹdẹ eha, Ẹkpẹti Ile ọghe Nọyaẹnmwa keghi kodaro ne iran ne ọ gualọ ehe ne iran gha bu agọ yi ne iran.

Nọmbas 10:36

Ọ ghẹ ghi vbe demudia, rẹn ghi kha wẹẹ, “E Nọyaẹnmwa, dọlegbe bu ẹgbẹe arriaisẹn inu ne ọ khin ọghe Izrẹl gha dee.”