II Krọnikol 4:7 - Edo Bible (E Baibol Ẹdo) Version 1996

^7-8 Iran keghi ru erhan ọmukpa igoru igbe zẹ vbe ne a ka ya ru ẹe dee yi kevbe eteburu igbe. Iran keghi viọ ẹre ye ọgua nọkhua vbe uwu Ọgua Osa, erhan ọmukpa isẹn kevbe eteburu isẹn vbe obọ na kevbe obọ nọkpa. Iran kevbe ru ọkpan igoru iyisẹn.

II Krọnikol 4:7 ပူးပေါင်းရင်းမြစ်များ

I Ọba 7:49

Erhan ọmukpa igoru igbe ne ọ rre odaro Ehe Ne ọ Huan Sẹẹ Ehia, isẹn vbe odẹ ekẹn vbọ, isẹn vbe odẹ okuọ avbe obobo, avbe ukpa kevbe avbe awan,

Iyẹn ne ọ Maan Ọghe Jọn 8:12

Jesu keghi dọlegbe gu avbe emwa guan wẹẹ, “Mẹ ọrọre uwanmwẹ agbọn, Ọmwaikọmwa ne ọ lele mwẹ, ọ gha mwẹ uwanmwẹ ẹfe, ẹ i ra vbe khian vbe ebiebi.”

I Krọnikol 28:12

Ọ keghi vbe viọ ne ẹẹn ba ẹre ama emwamwa ọgua ni rrọọ zẹ vbene ọ rre irẹn ekhọe, kevbe avbe ugha ni lẹga iran, kevbe avbe aza ne a viọ emwi ne a lo vbe uwu Ọgua Osa yi deba aza emwi ne a ya fi ohan gie Nọyaẹnmwa.

Arhie Maan 1:20

Ọnọna ọrọre oro emwi ne a yae kha ighẹ orhọnmwẹ ihinrọn, ne u bẹghe vbe obọ erha ọmwa mwẹ, ke ẹe kevbe avbe erhan ọmukpa igoru ihinrọn nii, avbe orhọnmwẹ ihinrọn ni, ọrọre avbe odibosa avbe esọsi ihinrọn nii, avbe erhan ọmukpa ọrọre avbe esọsi ihinrọn nii.

Hibru 8:5

Iwinna ne iran winna zẹ vbe ohẹn, te a yae taa ama ọghe vbene a ru ẹe vbe ẹrinmwi. Erriọ ọ vbe ye, zẹ vbe ne ọghe Mosis vbe gha ye. Ẹghẹ ne ọ khian na bọ Ọgua ukpọn nii, Osanobua tama rẹn wẹẹ, “U ghi miẹn wẹ, vbene ne a mu ma ruẹn vbe uhunmwu oke gha ye, ọre uwa ru ehia re.”

I Krọnikol 28:19

E Devid ne Ọba keghi kha wẹẹ, “Avbe emwi na hia rre ama ne a gbẹn zẹ vbene Nọyaẹnmwa tobọ ẹre tae ma mwẹ ne I ru ẹe.”

I Krọnikol 28:15

Ne a gha ya ru ukpa kevbe avbe erhan ọmukpa.

I Ọba 7:39

Ọ keghi viọ isẹn vbe ikẹkẹ nii ye odẹ ekẹn ọghe Ọgua Osa, ne isẹn nekpa kegha rre odẹ okuọ, ọ na mu ẹgbẹdin nii ye odẹ ẹkpo ekẹn kevbe ahọ.

I Krọnikol 28:14

Ọ kevbe ta inu igoru kevbe esiliva ne a gha lo ya ru avbe ọkpan nii.