II Krọnikol 4:4 - Edo Bible (E Baibol Ẹdo) Version 1996

⁴ A keghi mu ẹgbẹdin nii yan ẹkhuia ẹmila iweva iyeke, ehia keghi viọ aro da ore.

II Krọnikol 4:4 ပူးပေါင်းရင်းမြစ်များ

I Ọba 7:25

A keghi mu ẹgbẹdin nii yan iyeke ẹmila oze iweva ni viọ uhe da egbe. Vbene eha na mu aro da ihọkpa.

II Krọnikol 4:3

A keghi mu ona ọgbagba eva lẹga ehọ ẹre vbe iyeke ẹre ighẹ ẹgbẹdin nii, ọkpa kegha rre odukhunmwu enọkpa. Emwi ne a ya munọ ona yọ na kegha re ama ẹkhuia ẹmila ne a sa ginna ẹgbẹdin nii.

II Krọnikol 4:5

Zẹ vbe ne emwi ne a ya ru ẹgbẹdin na mwẹ imi sẹ kegha re akhuẹn obọ eha. Ehọ ẹre kevbe yevbe ehọ ukpu, ọ na vbokho egbe ghe iyeke zẹ vbe obobo ne ọ rhan nẹ. Ẹgbẹdin nii keghi gua omwa egalọn arriaisẹn ekesugie (15,000).

Matiu 16:18

Mẹ tama ruẹn nian okuta ọre uwẹ khin Pita, okuta na ọre I gha bọ esọsi mwẹ yan. Uwu tobọ ọre i ra sẹtin khọnmiotọ vbe uhunmwu ẹnrẹn ẹdẹdẹmwẹdẹ.

Iyẹn ne ọ Maan Ọghe Mak 16:15

Ọ tama iran wẹẹ, “wa gha rrie uwu agbọn hia ne uwa vbe ya kpe orhu iyẹn ne ọ maa ma emwa hia.

Iwinna 9:15

Nọyaẹnmwa tama rẹn wẹẹ, “Gha khian rhunmwuda mẹ zẹ ọe nẹ ne ọ gha re ọguọmwadia mwẹ, ne ọ ya eni mwẹ khian ne a rẹnrẹn ne avbe iran ne ẹ i re Ju kevbe avbe ọba kevbe emwa Izrẹl.

Ẹfisọs 2:20

Wa tobọ uwa, ẹyotọ ne a vbe ukọ kevbe avbe akhasẹ gbe, ọre a bọ uwa yan, okuta ne a bọ ẹe yan keghi re Kristi Jesu tobọ ẹre.

Arhie Maan 21:14

A keghi vbe gbe ẹyotọ ekẹn ẹvbo ni yan okuta iweva ne avbe gbẹnnẹ eni avbe ukọ iweva ọghe nene Oteghe Ohuan yi.