II Krọnikol 4:2 - Edo Bible (E Baibol Ẹdo) Version 1996

² Ọ keghi vbe ru ẹgbẹdin ne ọ lẹga ọghe oze, ibata ihinrọn vbe ukhiọnmwẹ vbe udinmwimwẹ mwẹ, ibata ekesugie vbe uvbẹmwẹ kevbe ibata isẹn yan iyeva vbe ọlẹga.

II Krọnikol 4:2 ပူးပေါင်းရင်းမြစ်များ

II Ọba 25:13

Ivbi e Babilọn keghi guọghọ ẹe sẹ otọ ighẹ avbe orre oze, kevbe avbe okhuae ni rre Ọgua Osa, deba ẹgbẹdin amẹ ọghe oze, iran na viọ nene oze gha rre Babilọn.

I Krọnikol 18:8

Ọ keghi vbe kun oze ọrhẹnrhẹn vbe Tibhat kevbe Kun, ne ẹvbo ne Hadadezẹ gbearoghe, gha rrie. (Avbe oze nii ọ re Solomọn ghi ya ru ẹgbẹdin nọkhua, ke orre kevbe avbe ọkpan ne a lọ vbe Ọgua Osa.)

II Krọnikol 4:3

A keghi mu ona ọgbagba eva lẹga ehọ ẹre vbe iyeke ẹre ighẹ ẹgbẹdin nii, ọkpa kegha rre odukhunmwu enọkpa. Emwi ne a ya munọ ona yọ na kegha re ama ẹkhuia ẹmila ne a sa ginna ẹgbẹdin nii.

Ẹksọdọs 38:3

Ọ keghi vbe ru emwi ne a lo vbe nene aka yọ, avbe ọkpan, ovbẹvbẹ, ọkpan nọkhua, avbe awan ke ẹe kevbe ọkpan ne a mu ye erhẹn. Oze ẹre ọ ya ru avbe emwi na hia.

Ẹksọdọs 38:8

Ọ keghi ru uwawa akhuẹ oze kevbe uhe ẹre ọghe oze, ughegbe avbe ikhuo ni winna vbe onurho ne a la la Owa Ukpọn Ehe ne Nọyaẹnmwa ye ọre ọ ya ru ẹe.

Zẹkaraia 13:1

E Nọyaẹnmwa ne Oghodua khare wẹẹ, “Ọ gha sẹ ẹghẹ ne a kha na, a gha kie uhunmwu ẹzẹ ọkpa a, nẹ ọ khue ivbi uniẹn e Devid kevbe ivbi e Jerusalẹm huan hin orukhọ iran kevbe ẹbọ ne a gho rre.

Taitọs 3:5

Ọ keghi miẹn ima fan. Ẹ i re rhunmwuda iwinna esi ne ima tobọ mwa winna, sokpan, rhunmwuda itohan rẹn ọre ọ na miẹn ima fan, vbe ekpa akhuẹ ne Orhiọn Ne Ọ Huanrẹn ya dọlọ mwa biẹ, ọ na vbe rhie arrọọ ọghe ọgbọn ne ima.

Arhie Maan 7:14

Mẹ keghi wanniẹn wẹ, “Dọ mọ o, mẹ ma rẹn, sokpan wẹ rẹnrẹn.” Ọ keghi tama mwẹ wẹ, “Ena ọrọre emwa ni sẹtin la ukpokpo nọkhua ni fo, vbe hẹnnẹdẹn. Iran họ ukpọn iran, iran keghi ye esagiẹn Oteghe Ohuan nii ya iran khian ni fua.