II Krọnikol 4:1 - Edo Bible (E Baibol Ẹdo) Version 1996

¹ E Solomọn ne Ọba keghi ru Ogiukpo oze, ọ kegha re ibata ọgban vbe igienẹnẹ, uyomwẹ ọnrẹn kegha re ibata ekesugie.

II Krọnikol 4:1 ပူးပေါင်းရင်းမြစ်များ

I Ọba 8:22

Ẹghẹ nii ọre Solomọn na ya mudia ye odaro Ogiukpo e Nọyaẹnmwa vbe ehe ne emwa hia ye. Ọ keghi viọ obọ da odukhunmwu.

I Ọba 8:64

Vbe ẹdẹ ọkpa nii, ọ keghi vbe ya ikun ne adesẹ ne ọ rre odaro Ọgua Osa fiohan, ehe ne a na giẹn vbe aka avbe aranmwẹ ne a ya zọ ese, ne a ma va, izọ ese avbe ọka, kevbe ẹvbi aranmwẹ ne a ya si isara. Aka ọghe oze ne ọ rre Ọgua Osa, ma ghi gua emwi izọese na hia.

I Ọba 9:25

Igba eha vbe ukpo Ọ re Solomọn ya si isara vbe Ogiukpo ne ọ bọ ne Nọyaẹnmwa, ọ kevbe gha giẹn eturari gie Nọyaẹnmwa. Erriọ o na do bọ Ọgua Osa fo.

II Krọnikol 1:5

Aka oze ne Bezalẹl ne ovbi Uri kevbe eyẹ Họ ru, kevbe gha rre Gibiọn vbe odaro Owa Ukpọn ne a ya rẹn wẹ e Nọyaẹnmwa rre evba. E Solomọn ne Ọba kevbe avbe emwa nii keghi ru ugamwẹ e Nọyaẹnmwa vbe evba.

II Krọnikol 15:8

Asa ghi họn ẹmwẹ akhasẹ ne Azaraia ne ovbi Odẹd tae, orhiọn rẹn keghi guakpao. Ọ keghi viọ avbe amazẹ ni rre otọ e Juda kevbe Bẹnjamin hia kua. Avbe amazẹ nii rre ẹvbo hia ne ọ he khọn munọ vbe ẹvbo uhunmwu oke ọghe Ifreim. Ọ keghi vbe dọlọ Ogiukpo e Nọyaẹnmwa ne ọ rre ẹghodo Ọgua Osa yi.

II Krọnikol 29:18

Avbe Livai keghi ya na iyẹn ma e Hẹzekaia ne Ọba vbenian wẹẹ, “Ma họnmwẹ Ọgua Osa hia fo nẹ, deba Ogiukpo ne a na giẹn ese, eteburu ne a viọ ebrẹd ne a ya ruemwi yi kevbe avbe emwi ne a lo vbọ hia.

II Krọnikol 7:7

E Solomọn keghi vbe ya ẹghodo adesẹ ne ọ rrọọ fi ohan, ehe ne ọ wa rre odaro Ọgua Osa, ọ na vbe ya emwi ne a wa giẹn ọnrẹn ohoho zọ ese vbe evba, deba ọghe ọka kevbe ẹvbi ne a viọ rre kevbe avbe emwi ne a ya si isara rre. Emwi ne ọ ya ẹe ru vberriọ wẹ Ogiukpo oze ne ọ ru ma kpọlọ sẹ ne ọ gha gua emwi izọ ese na hia.

II Krọnikol 8:12

E Solomọn keghi zọ ese ghe Nọyaẹnmwa vbe aka ne ọ bọ ye odaro Ọgua Osa.