II Krọnikol 32:3 - Edo Bible (E Baibol Ẹdo) Version 1996

^3-4 Rẹn vbe ekhaẹmwẹ ọnrẹn na wẹ te iran gha khiọ amẹ ne ọ lẹ ke Jerusalẹm ladian vbe iyeke ẹvbo ne ivbi Asiria ghẹ miẹn amẹ wọn vbe iran a sikẹ e Jerusalẹm nẹ. Avbe ekhaẹmwẹ keghi viọ emwa ni bun ba egbe, iran na ya khiọ ivbi ẹzẹ ni rrọ ne amẹ ghẹ ghi lẹ ladian.

II Krọnikol 32:3 ပူးပေါင်းရင်းမြစ်များ

II Ọba 18:20

Ọ keghi nọ wẹẹ, “Wa yayi wẹ unu ọ re ẹwaẹn kevbe ẹtin ne a ya khọn okuo ye ra? De ọmwa ne uwẹ yayi wẹ ọ gha yi uẹ obọ ya sọtẹ ghe Asiria yi?

II Ọba 20:20

Avbe emwi ọvbehe hia ne Hẹzekaia ru, iwinna udinmwẹ ọnrẹn, iyẹn vbene ọ bọ owa amẹ hẹ, kevbe ne ọ fian uroramẹ ne ọ miẹn ehe na si amẹ sẹ ore ẹvbo hẹ, a gbẹnnẹ ehia ye Ebe Okha Avbe Ọba Juda.

II Krọnikol 32:2

E Hẹzekaia ghi miẹn wẹ te Senakẹrib vbe ho ne ọ mu okuọ la e Jerusalẹm.

II Krọnikol 32:30

E Hẹzekaia ne ọba ọ re ọ khiọ ehe ne Ẹzẹ Gihọn na lẹ ladian, ọ na dia amẹ ọnrẹn ne ọ lẹ la uroramẹ ya gha ye ihọkpa vbe uwu ehe ne a gbe ekẹn ga vbe Jerusalẹm. Emwi hia ne Hẹzekaia ru keghi gha dinna odẹ.

Itan 15:22

Gualọ ude vbehe ne a gha na sẹtin bu ruẹ ude hia, ọ gha dunna nuẹn, adeghẹ ẹ i re vberriọ, te u ra baeku.

Itan 20:18

U gha miẹn ne ọ bu ruẹ ude esi, ọ gha dunna nuẹn; ghẹ wa khọn la uwu okuo vbene u i na ka mwamwaẹn nẹ.

Itan 24:6

Agbọn hia rẹnrẹn wẹ, te a ka mwamwa ẹẹn nẹ, a kevbe ya khọn okuo, vbe ne a ya bu ruẹ ude esi, ọ re a vbe ya rhie aro yọ wẹ, u gha khọn miotọ.

Aizaia 40:13

Ọmwa rhọkpa gha sẹtin tama e Nọyaẹnmwa emwi ne ọ gha ru ra? Gha ọ gha sẹtin ma ẹre emwi yi ra ne ọ bu ẹre ude?

Nahum 3:14

Sa amẹ ye otọ, ne u mu egbe khẹ okuo ne ọ ra ghae ga ruẹ. Vbe ya si avbe ogba ne u gba ga egbe tua. Rri ekẹn ya ru ibiriki, ne u vbe viọ avbe ibiriki nii u mannọẹn mu egbe ye otọ.

Ebe ne Pọl gbẹẹn gie emwa Rom 11:34

Zẹ vbene ebe tae: “De ọmwa nọ rẹn ekhọe Nọyaẹnmwa? De ọmwa nọ bu ẹre ude?