II Krọnikol 3:4 - Edo Bible (E Baibol Ẹdo) Version 1996

⁴ Ugha ne a la larọ kevbe gha re uvbẹmwẹ Ọgua Osa ni, ibata ọgban, uyomwẹ ọnrẹn kegha re ibata iyihinrin (180). Uwu ugha na a keghi wa ya igoru ne a ma gua rhu ẹe.

II Krọnikol 3:4 ပူးပေါင်းရင်းမြစ်များ

I Ọba 6:3

Onurho ne a la larọ kegha re ibata ekesugie vbe uyomwẹ, ibata ọgban vbe uvbẹmwẹ ọ keghi vbe vbẹ vba Ogiukpo tobọ ẹre.

II Krọnikol 29:17

Ikpẹdẹ ne okaro vbe uki ọ re a na suẹn nene iwinna, vbe ọ te sẹ ikpẹdẹ erẹnrẹn, iran winna ehia fo nẹ, ya sẹ egbe ugha ne onurho Ọgua Osa ye, iran keghi vbe ya ikpẹdẹ erẹnrẹn ni lele ẹe winna, ya sẹ ikpẹdẹ enẹirrọvbugie ọghe uki nii, iran na gha mwamwa Ọgua Osa ye otọ khẹ ugamwẹ.

Ezikiẹl 40:48

Ẹre ọ na rhie mwẹ gha rre ugha ne ọ rre onurho ne a la la uwu Ọgua Osa. Ọ keghi mwa onurho nii, ọ keghi gha re ibata ihinrin vbe udinmwimwẹ kevbe ibata enẹyan ugie vbe uvbẹmwẹ, ekẹn ne umwẹimimwẹ ọnrẹn re ibata isẹn kegha rre ọ re obọ eveva.

Iyẹn ne ọ Maan Ọghe Jọn 10:23

Jesu keghi la ugha Solomọn ne ọ rre ọgua Osa khian.

Iwinna 3:11

Ehe ne ọ na da Pita kevbe Jọn obọ yi nii, unu keghi yan emwa hia, iran kegha rhulẹ bu iran rre vbe ehe ne iran tie ẹre “Ugha Solomọn.”

Iwinna 5:12

Avbe Apọsol kegha winna iwinna ama kevbe ọyunnuan ni bun vbe adesẹ avbe emwa. Iran ni yayi hia kegha miẹn egbe vbe Ugha Solomọn.