II Krọnikol 26:2 - Edo Bible (E Baibol Ẹdo) Version 1996

² (Amezaia wu nẹ Uzaia keghi khọn mu Ẹlat, ọ na dọlegbe bọe.)

II Krọnikol 26:2 ပူးပေါင်းရင်းမြစ်များ

II Ọba 14:22

Erha ẹe ghi wu nẹ, Uzaia keghi khọn mu Ẹlat, ọ na dọlegbe họ ẹe.

II Ọba 16:6

(Vbe ẹghẹ ọkpa na, ọ re ọha Idọm na dọlegbe mu Ẹlat werriegbe, ọ na khulo ivbi e Juda ni yin evba ladian. Ivbi Idọm keghi yin evba nii. Te iran ye rre evba do sẹ ẹdẹnẹrẹ na.)

II Krọnikol 25:23

Obọ e Jehoas keghi vba Amezaia, ọ na mu ẹẹn gha rrie Jerusalẹm. Ọ na dunmwu ekẹn ne a gbe ga ẹvbo nii sẹ otọ ke Onurho Ifreim ya sẹ Onurho Igọgọ, ọ kegha re ọmwa ibata uri eha.

II Krọnikol 25:28

Iran keghi ye ẹsin mu ikun ẹnrẹn gha rrie Jerusalẹm, a na re ẹre ye idin avbe ọba vbe Ẹvbo e Devid.

II Krọnikol 26:1

Ivbi e Juda hia keghi zẹ Uzaia ne ọ re ọmọ ukpo enẹ irrọvbe ugie ne ọ rriọba lele erha ẹe.

II Krọnikol 26:3

Ọmọ ukpo enẹirrọvbugie ọre Uzaia ye vbe ọ rriọba. Ọ keghi ya ukpoevayan-ekigbesiyeha vbe ẹkete vbe Jerusalẹm. Iye ẹe kegha re Jekolia ne ovbi e Jerusalẹm.

II Krọnikol 8:17

Ẹre Solomọn na gha rrie Eziọngeba kevbe Ẹlat ni rre eghute ni rre ehe ne Ukpẹ oke Akaba ye vbe otọe Idọm.