II Krọnikol 2:7 - Edo Bible (E Baibol Ẹdo) Version 1996

⁷ Banbanna nian, gie ọmwa ne ọ fuẹro emwi ne a gbẹnnẹ, igoru ne a dunmwu, esiliva, oze, kevbe ematọn, gun mwẹ, kevbe ne ọ sẹtin ru ukpọn ne raghoragho, ododo kevbe ne ọ baa. Ọ ghi do deba avbe owinna ni rre Juda kevbe Jerusalẹm ne Devid ne erha mwẹ hannọ ye otọ nẹ.

II Krọnikol 2:7 ပူးပေါင်းရင်းမြစ်များ

I Ọba 10:11

(Ye vbe deba ena hia, ọgbagba okọ ọghe Hiram ne ọ ya viọ igoru ke Ọfii rre kevbe viọ avbe erhan ni mose kevbe ikpẹrọnmwọ rre ba ẹre.

I Ọba 7:14

Erha ẹe wu nẹ sokpan ovbi ẹvbo ne a tie ẹre Taia ne ọ vbe fuẹro oze ne a dunmwu na, vbe gha nọ, ovbi uniẹn e Naftali ọ re iye ẹe gha khin. E Huram kegha re owinna ne ọ rẹnmwi kevbe ne ọ fuẹro ẹsẹse. Ọ keghi kue yọ vbe Solomọn tama rẹn ne ọ gha gbearoghe iwinna ne a ra ye oze winna hia.

Aizaia 28:26

Ọ rẹn vbene ọ ya winna iwinna rẹn hẹ rhunmwuda Osanobua ọ re ọ ma ẹre re.

Aizaia 28:29

Obọ Osanobua ne Oghodua ọ re avbe ẹwaẹn na hia, ke rre. Emwi ne Osa mwamwaẹn ọ ghe ẹwaẹn ọ re ehia khin, okpa ne ẹ i vbe dinna odẹ ẹ i rrọọ.

Aizaia 60:10

E Nọyaẹnmwa tama Jerusalẹm wẹẹ, “Avbe orhunmwuyẹn ọ re ọ ra gbe ekẹn ruẹn. Avbe ọba iran ghi gha gaa ohu ọ re ọ mu mwẹ ne I na rri uwa oya sokpan banbanna nian, I gha rhie aro ne ọ maa ọghomwẹ kevbe itohan mwẹ ma uwa.

Ezikiẹl 27:5

iran giagia avbe erhan ni rre Oke Hẹmọn ya ru igẹdu a keghi vbe ye sida ne ọ ke Lebanọn rre ru ukpọn ne ẹhoho ya mu okọ khian ọwuẹ.