II Krọnikol 2:4 - Edo Bible (E Baibol Ẹdo) Version 1996

⁴ I wa bọ Ọgua Osa nian ne I ya ya ọghọ ne Nọyaẹnmwa ne Osanobua mwẹ. Ehe ne ọ huanrẹn khian gha nọ, ehe ne avbe emwa mwẹ kevbe imẹ, gha na gha ga ẹe, vbene ima gha na gha giẹn eturari nọwinhin ghe ẹre, ehe ne ima gha na gha ye ebrẹd ne ọ huanrẹn yo imuohan giee vbe ne a i na dobọyi, ehe ne ima gha na gha zọ ese ne a giẹn uan ghe ẹre vbe owiẹ kevbe ota kevbe Ẹdẹ Ikẹtin hia fẹẹrẹ, emwiukpo Uki Ọgbọn, kevbe avbe ẹdẹ ni huanrẹn ne a ya gha ya ọghọ ne Nọyaẹnmwa ne Osanobua mwa. Rẹn ọ re ọ tama ivbi Izrẹl ne iran gha ru ọna khian ẹdẹdẹmwẹdẹ.

II Krọnikol 2:4 ပူးပေါင်းရင်းမြစ်များ

I Ọba 5:5

E Nọyaẹnmwa tama erha mwẹ ighẹ Devid wẹ ovbi uẹ ne I gha ya rriọba lele uẹ gha bọ owa mẹ. I mu egbe nian ne I ya bọ Ọgua Osa nii, ehe ne a gha na gha ga e Nọyaẹnmwa Osanobua mwẹ.

I Ọba 8:18

Sokpan e Nọyaẹnmwa tama e Devid wẹẹ, ‘Iro ne ọ zẹe wa rhiẹnrhiẹn irẹn.

I Ọba 8:63

Ọ keghi ya ẹkhuia ẹmila arriaisẹn eva yan ugie (22,000) zọ ese kevbe ohuan arriaisẹn iyehan (120,000) zẹ vbe ọghe isara. Erriọ ọ re ọba kevbe emwa nii hia na ya Ọgua Osa fi ohan ne a na gha ga e Nọyaẹnmwa.

I Krọnikol 22:5

E Devid keghi rorẹe wẹẹ, “Ọgua Osa ne Solomọn ne ovbi mwẹ gha bọ, ọ kere ne ọ gha re ne ọ mose kevbe ne ọ gha titi gba otọ agbọn hia. Sokpan, ọvbokhan ọ re irẹn khin, ọ ma he rẹn emwi rhọkpa, rhunmwuda ọnii, ọ kere ne I mu egbe ẹre ye otọ.” Ọ re Devid na mwamwa emwi ọrhẹnrhẹn ye otọ ọ te wu.

II Krọnikol 13:11

Ota vbe owiẹ hia ọ re iran ya giẹn eturari ne ẹẹn, deba avbe aranmwẹ ne a ya zọ ese ne a wa giẹn ikun ẹnrẹn hia a. Iran ghi viọ ebrẹd imuohan rre, a ghi viọ ẹre ye uhunmwu eteburu ne awua i ye. Otota, iran ghi gha rhu avbe ukpa ni rre avbe erhan ọmukpa ọghe igoru. Emwi ne Nọyaẹnmwa khare ọre ima ru sokpan, wa hee ẹe ye otọ nẹ.

II Krọnikol 2:1

E Solomọn ne Ọba na wẹ rẹn gha bọ Ọgua Osa, ehe ne a gha na ru ugamwẹ e Nọyaẹnmwa, kevbe ẹguae ọghe obọ irẹn.

Nehimaia 10:33

Ma gha viọ avbe emwi na rre ne a ya gha ru ugamwẹ vbe Ọgua Osa: ebrẹd itaemwi, ọka imuohan ẹdẹgbegbe, aranmwẹ ne a gha giẹn ya gha zọ ese ẹdẹgbegbe, emwi ne a ya zọ ese vbe Ẹdẹ ikẹtin, Emwiukpo Uki Ọgbọn, kevbe avbe emwiukpo ọvbehe, avbe emwi imuohan ni dekẹe, emwi izọ ese ne a ya khiẹn orukhọ ivbi Izrẹl kua kevbe avbe emwi ọvbehe hia ne a ghi gualọ vbe Ọgua Osa.

Psalm 86:8

A i miẹn osa ne ọ yevbe uwẹ Nọyaẹnmwa, okpa ne ọ he ru emwi ne uwẹ ru i rrọ.

Psalm 96:4

Ọmwa ne ọ kpọlọ ọ re Nọyaẹnmwa khin, ọ vbe ke ne a kakabọ rho ẹre; te a gha rhie ọghọ ne ẹẹn sẹẹ avbe ẹbọ hia.

Ẹksọdọs 25:30

A ghi mu eteburu nii, ye odaro Ẹkpẹti Ile nii, Ebrẹd iruemwi, ne a ya ru izọhẹ gunmwẹ ghi gha rre uhunmwu eteburu nii vbe ẹghẹ hia.

Ẹksọdọs 30:7

Owiẹ ọghe ẹdẹ hia ọre Errọn gha ya gha giẹn eturari ne ọ winhin vbe uhunmwu ẹnrẹn vbe ọ gha rre do dọlọ urhukpa nii yi.

Itan 7:20

Ọ rhie igho ne ọ kpọlọ mwẹ obọ, ẹ i he dee ọ te ya sẹ uzọla eva.”