II Krọnikol 2:1 - Edo Bible (E Baibol Ẹdo) Version 1996

¹ E Solomọn ne Ọba na wẹ rẹn gha bọ Ọgua Osa, ehe ne a gha na ru ugamwẹ e Nọyaẹnmwa, kevbe ẹguae ọghe obọ irẹn.

II Krọnikol 2:1 ပူးပေါင်းရင်းမြစ်များ

I Ọba 5:15

E Solomọn keghi vbe mwẹ arhin arriaisẹn iyenẹ (80,000) vbe ẹvbo uhunmwu oke, iran kegha gbe okuta, iran ni ka ẹre kegha re arriaisẹn ekigbe siyenẹ (70,000).

I Ọba 5:5

E Nọyaẹnmwa tama erha mwẹ ighẹ Devid wẹ ovbi uẹ ne I gha ya rriọba lele uẹ gha bọ owa mẹ. I mu egbe nian ne I ya bọ Ọgua Osa nii, ehe ne a gha na gha ga e Nọyaẹnmwa Osanobua mwẹ.

I Ọba 7:1

E Solomọn keghi vbe bọ ẹguae ọghe obọ ẹre, ukpo iwera ọre ọ ya bọ ẹe.

I Ọba 8:18

Sokpan e Nọyaẹnmwa tama e Devid wẹẹ, ‘Iro ne ọ zẹe wa rhiẹnrhiẹn irẹn.

I Ọba 8:20

Banbanna nian, e Nọyaẹnmwa mu eyan ne ọ yan rẹn. sẹ. Mẹ lele Devid ne erha mwẹ nẹ zẹ vbe ọba Izrẹl, I vbe bọ Ọgua Osa nẹ ne a na gha ga e Nọyaẹnmwa ne Osanobua Izrẹl.

I Ọba 9:1

E Solomọn ne ọba ghi bọ Ọgua Osa fo nẹ ke ẹe kevbe ẹguae kevbe emwi ọvbehe ne ọ ho ne ọ bọlọ hia,

I Krọnikol 22:10

Rẹn ọ re ọ gha bọ Ọgua Osa mẹ. Rẹn ghi gha re ovbi mwẹ, mẹ ghi gha re erha ẹe. Ẹgbẹe uniẹn ọba ẹre ọ re ọ ra gha rriọba vbe Izrẹl ẹdẹdẹmwẹdẹ.’ ”

II Krọnikol 1:17

Kevbe vbene a viọ ikẹkẹ okuọ ke Igipt rre hẹ, iran kegha viọ avbe ikẹkẹ okuọ kevbe ẹsin gie ẹẹ, avbe ọba e Hiti kevbe Siria, iran kegha khiẹn nẹ ikẹkẹ okuọ ọkpọkpa esiliva uri eha (600), kevbe ẹsin ọkpọkpa, esiliva ekigbesiyeha yan iyisẹn (150).

II Krọnikol 2:12

Urhomwẹ nọ ne Nọyaẹnmwa ne Osanobua ọghe Izrẹl, Ayi ne ọ yi ẹrinmwi kevbe agbọn. Ọ na rhie ọmọ ne ọ wan kevbe ne irẹnmwi gba na ne Devid ne Ọba, ọmọ nii ọ re ọ ghi mwamwa ẹẹn nian ne ọ bọ Ọgua Osa ne Nọyaẹnmwa kevbe ẹguae ne egbe ẹre.

Diuteronomi 12:11

E Nọyaẹnmwa gha zẹ ihe ọkpa kẹkan ne a gha na gha ga ẹe, evba wa gha na gha viọ avbe emwi hia ne I yi ẹre iyi ne uwa na gie ẹe, ese na giẹn uan ọwua, kevbe ese ọvbehe ne uwa gha zọọ, a ghae ye ihe igbe ọwua kevbe avbe izẹọhẹ kpataki ne uwa ve e Nọyaẹnmwa ẹre.

Diuteronomi 12:5

E Nọyaẹnmwa gha zẹ ihe ọkpa ne emwa gha na ga irẹn vbe otọe ọkpa vbe uwu avbe ẹwae uwa.

Diuteronomi 28:58

“Wa ya ẹkoata gha lele emwi ne Osanobua ma uwa ẹre ne a gbẹnnẹ ye uwu ebe na, ne uwa vbe gha ya ọghọ ne eni ọyunnuan kevbe ne ọ mu ohan ọghe Nọyaẹnmwa Osanobua rua.