II Krọnikol 17:3 - Edo Bible (E Baibol Ẹdo) Version 1996

³ E Nọyan keghi fiangbe Jehosiafat rhunmwuda ọ kegha yin egbe uyinmwẹ ne erha ẹe kegha yin vbe ẹghẹ okaro, ọ ma vbe gho e Bal.

II Krọnikol 17:3 ပူးပေါင်းရင်းမြစ်များ

Gẹnẹsis 39:21

Sokpan e Nọyaẹnmwa keghi mudia ne Josẹf, ọ na vbe tohan rẹn sẹrriọ ne a na miẹn wẹ ẹmwẹ ọnrẹn kegha yẹ eseghan.

II Samuẹl 5:10

Ọ kegha dọlegbe wegbe yọ khian ẹghẹ hia rhunmwuda e Nọyaẹnmwa Osanobua ne Oghodua keghi yaba ẹre.

II Samuẹl 8:15

E Devid kegha khaemwisẹ yan Izrẹl hia, ọ keghi gie a miẹn wẹ uyinmwẹ ẹmwata ne ọ gbae ọre a yin ghe emwa hia.

I Ọba 11:6

Ọ keghi ru orukhọ ghe Nọyaẹnmwa, ọ ma ghi rhie ekhọe lele ẹe zẹẹ vbene Devid ne erha ẹe gha ye.

I Ọba 22:43

Ọ kevbe ru emwi ne ọ maa vbe odaro Osanobua zẹ vbene erha ẹe ighẹ Asa vbe ru sokpan, ọ ma guọghọ ehe ne iran ni ga ẹbọ na ga hin rre, emwa keghi ye gha zọ ese, iran keghi ye vbe gha giẹn eturari vbe evba.

I Ọba 3:3

E Solomọn keghi ho ẹmwẹ e Nọyaẹnmwa ọ keghi vbe gha ru vbene Devid ne erha ẹe tama rẹn, sokpan ọ yevbe gbele aranmwẹ, ọ kevbe ye iran zọ ese vbe Ogiukpo ughughan.

II Ọba 14:3

Ọ ru emwi ne ọ yẹ e Nọyaẹnmwa sokpan ọ ma wa ye vbe e Devid ne ọba ne erha ẹe odede; sokpan ọ keghi ru avbe emwi ne Joas ne erha ẹe vbe gha ru.

II Ọba 16:2

vbe ọ rre ọmọ ukpo ugie. Ọ keghi ya ukpo enẹirrọvbugie vbe ẹkete vbe Jerusalẹm. Ọ ma lele igiemwi esi ọghe Devid ne ọba ne erha ẹe odede, sokpan ọ keghi sẹ ẹmwẹ e Nọyaẹnmwa ne Osanobua ẹre.

II Ọba 18:3

Ọ keghi ru emwi ne ọ yẹ e Nọyaẹnmwa zẹ vbene e Devid ne erha ẹe odede ru.

II Ọba 22:2

E Josaia keghi ru emwi ne ọ yẹ e Nọyaẹnmwa, ọ keghi lele igiemwi e Devid ne erha ẹe odede, ọ na wa gha lele uhi Osanobua hia ẹsẹsẹmwẹse.

I Krọnikol 22:18

Ọ wẹẹ, “E Nọyaẹnmwa ne Osanobua u wa, gha rrọọ yaba uwa, ọ keghi rhie ọfumwegbe ne uwa vbe igienenẹ. Ọ rhie ẹtin mẹ ne I ya khọn emwa ni te ka rre otọ ẹvbo na, banbanna nian ọguọmwadia uwa kevbe ọghe Nọyaẹnmwa ọ re iran ghi khin.

II Krọnikol 14:11

Asa keghi na erhunmwu ghe Nọyaẹnmwa ne Osanobua ẹre wẹẹ, “U gha sẹtin rhie iyobọ ne ivbiyokuo ne ọ ma wegbe zẹ vbe ne u gha vbe sẹtin rhie iyobọ ne ne ọ wegbe. Ye ima obọ nian Nọyaẹnmwa rhunmwuda, wẹ ọre ima mu ẹtin yan, eni ruẹn ọ re ima ya ladian ne a do gu ivbiyokuo ọrhẹnrhẹn na gbinna. E Nọyaẹnmwa, wẹ ọrọre Osanobua mwa, ọmwa ne ọ gha kha ighẹ obọ irẹn gha ke ukhunmwu ne uwẹ ẹ i rrọ.”

II Krọnikol 15:2

Ọ na bu Asa ne ọba gha khian. Ọ keghi datie ẹre wẹẹ, “Asa ne ọba, kevbe avbe uwa hia ni rre Juda kevbe Bẹnjamin, wa danmwehọ mwẹ. Ẹghẹ hia ne uwa mudia ke Nọyaẹnmwa la, e Nọyaẹnmwa gha vbe mudia ke uwa, a dẹghe wa gualọ ẹe, ọ gha ya egbe ne uwa miẹn, sokpan, dẹghe wa werriegbe, rẹn gha vbe he uwa ye otọ.

II Krọnikol 17:2

Ọ keghi ya viọ ivbiyokuo ye avbe ẹvbo ne a gbe odin gaa vbe Juda, vbe otọ e igue ni lẹga e Juda ke avbe ẹvbo ne a Asa khọn munọ vbe otọe Ifreim.

II Krọnikol 17:4

Ọ ke gha ga Osanobua erha ẹe ọ kegha hẹnmwẹ ne Osanobua ọ ma vbe gha ru vbene avbe ọba ọghe Izrẹl gha ru.

II Krọnikol 20:32

Ọ keghi ru emwi ne ọ kere vbe odaro e Nọyaẹnmwa zẹ vbene erha ẹe ne Asa ka vbe ru.

II Krọnikol 21:12

Elaija ne akhasẹ keghi gbẹnnẹ ẹmwẹ na rhie gie Jehoram vbenian wẹẹ, “E Nọyaẹnmwa ne Osanobua e Devid ne erha a odede, bu abe gbuẹ nẹ rhunmwuda, u ma lele igiemwi Ọba e Jehosiafat ne erha a ra ọghe Ọba Asa ne erhaa nọkhua.

II Krọnikol 22:9

A na gualọ Ahazaia, a keghi miẹn ọẹn vbe ọ lẹre vbe Sameria. Iran keghi mu ẹẹn gie Jehu, ọ na gbe ẹe rua. Sokpan, iran re orinmwi ẹnrẹn rhunmwuda erha ẹe nọkhua ighẹ Jehosiafat, ne ọ wa lo ẹtin ẹnrẹn hia ya ga e Nọyaẹnmwa. A ma ghi zẹdẹ sẹ orhiọnkpa ne ọ gha sẹtin rriọba yan otọe nii rae vbe ẹgbẹe Ahazaia.

II Krọnikol 27:6

Jotam keghi wa gha mwẹ ẹtin yọ rhunmwuda ekhọekekhọe ọ re ọ ya gha họn ẹmwẹ ne Nọyaẹnmwa ne Osanobua ẹre.

II Krọnikol 29:2

O keghi lele ukpowẹ e Devid ne ọba ne ọ re erha ẹe odede, ọ na ru emwi ne ọ kere vbe aro e Nọyaẹnmwa.

II Krọnikol 34:2

Ọ keghi ru emwi ne ọ yẹ e Nọyaẹnmwa, ọ na lele igiemwi e Devid ne erha ẹe odede, ọ na wa gha lele uhi Osanobua vbe ẹghẹ hia.

Psalm 46:11

E Nọyaẹnmwa ne Oghodua rrọ yaba mwa Osanobua Jekọb ọrọre ugue mwa.

Psalm 46:7

E Nọyaẹnmwa ne Oghodua gu ima rrọọ Osanobua Jekọb ọrọre ugue ne ima.

Ẹksọdọs 3:12

Osanobua keghi wanniẹn wẹẹ, “I gha yaba ruẹ, ọ na u gha ya rẹn wẹ mẹ ọre ọ giọ. U gha ghi viọ emwa nii ke Igipt ladian nẹ, u gha do ga mwẹ vbe uhunmwu oke na.”

Ẹksọdọs 4:12

Banbanna nian, gha khian, I gha ru iyobọ nuẹn ne u sẹtin gha guan, I gha vbe tama ruẹn ẹmwẹ ne u gha ta.”

Aizaia 41:10

Wa ghẹ fian afianma, I gu uwa rrọọ. Mẹ ọrọre Osanobua uwa, wa ghẹ gie emwikemwi mu uwa ohan. I gha ya uwa wegbe, I gha yi uwa obọ I gha degue uwa, I ghi miẹn uwa fan.

Aizaia 8:10

Wa mwamwa emwi hia! Sokpan, erhọkpa i dunna. Wa guan yan emwi hia ne uwa ho ne uwa guan yan. sokpan erhọkpa i mwẹ esa, rhunmwuda Osanobua rrọọ yaba mwa.

Jerimaia 2:23

Vbe uwa ghi ra tae hẹ yi ighe wa ma ru awua, wẹ, wa ma he gho e Baal ẹdẹ. Wa ghe vbene uwa ru orukhọ hẹ vbe uwu iya, wa ghe emwi ne uwa he ru, te uwa ye vbe ede amwẹ vbe ẹghẹ owowo, wa gha rhulẹ yo rhulẹ rre vbe ne a ma na gbe odẹ,

Matiu 1:23

“Nene uvbi gha hanmwa, ọ gha vbe biẹ ọmọ okpia ọkpa, a ghi he ẹre Imanuẹl.” Emwi ne a ya ọnii kha ọrọre “Osanobua rrọọ yaba mwẹ.”

Matiu 18:20

Rhunmwuda arhin eva ra eha gha si uhunmwu koko nẹ vbe eni mwẹ, mẹ wa gu iran rre evba.”

Matiu 25:16

Ọguọmwadia ne a mu enaira arriaisẹn isẹn na keghi wa giẹgiẹ ya ye ọghọe do ẹki, ọ kevbe miẹn enaira arriaisẹn isẹn vbe ere.

Matiu 28:20

Wa ma iran ẹre ne iran gha yin zẹ vbene I yi ẹre iyi ne uwa. Wa yerre wẹ I gha gu uwa gha rrọọ vbe ẹghẹ hia rhinrin ya sẹ ufomwẹ agbọn.”

II Timoti 4:22

Te Nọyaẹnmwa gha yaba orhiọn uwa. Te ẹsọhẹ Osanobua gha gu uwa hia gha rrọọ.

Jọsua 1:5

Inu ẹghẹ ne u gha ya vbe agbọn ọmwa ọkpa ne ọ gha sẹtin khọn miẹn ruẹn otọ, ẹ i rrọọ. I gha mudia kuẹ zẹ vbene I mudia ke Mosis. I i ra suẹ rae.

Jọsua 1:9

Ya uhi ne I gbe nuẹn rre. Wegbe ne u vbe din. Ghẹ gie ohan muẹn, ghẹ gie ẹtin fo uẹ, rhunmwuda mẹ ne Nọyaẹnmwa Osanobua ruẹ rrọọ yaba ruẹ vbe eheikehe ne u gha rhirhi yo.”

Giọgis 2:11

Ẹghẹ nii ivbi Izrẹl keghi ru orukhọ ghe Nọyaẹnmwa, iran na ya gha gho e Bal.

Giọgis 2:18

Ẹghẹikẹghẹ ne Nọyaẹnmwa ya rhie ọkaolotu ne iran, ọ ghi yi ẹre obọ, ọ ghi miẹn emwa rẹn fan vbe obọ avbe eghian iran vbe ẹghẹ ne ọkaolotu gha ya vbe agbọn. E Nọyaẹnmwa keghi tohan iran rhunmwuda, iran da tie ẹre vbe ẹghẹ oya kevbe ukpokpo.

Giọgis 6:12

Evba ọ re odibo e Nọyaẹnmwa na rhie egbe ma rẹn, ọ wẹẹ, “Ọmwa ne ọ din ọ re u khin, e Nọyaẹnmwa vbe rrọọ ya ba ruẹ.”

Giọgis 8:33

E Gidiọn ghi wu nẹ, ivbi Izrẹl keghi vbe fi iyeke gbe Osanobua, iran na ya gha gho e Bal. Iran keghi ya e Bal-ọghe-lle khian ẹbọ iran.

I Samuẹl 18:12

Ohan e Devid keghi do gha mu e Sọl rhunmwuda, Osanobua he irẹn ye otọ nẹ sokpan ọ keghi rrọ de ba e Devid.

I Samuẹl 18:14

ọ na gha ru rho obọ vbe emwi ne ọ ru hia rhunmwuda, e Nọyaẹnmwa rrọọ yaba ẹre.

I Samuẹl 18:5

E Devid keghi wa gha ru rho obọ vbe uhunmwu hia ne Sọl gie ẹre re, e Sọl keghi rhunmwuda onii ya ẹe ru ọkaolotu vbe ivbiyokuo ẹre. Ọna keghi wa yẹ emwa e Sọl kevbe avbe ọkaolotu ẹre hia.