II Krọnikol 16:3 - Edo Bible (E Baibol Ẹdo) Version 1996

³ “Gie ima gba gha ru emwi kugbe zẹ vbene avbe erha ima gha ru. Te I ya avbe esiliva kevbe igoru na ha okọ guẹ Banbanna nian, fian ugbẹn ne ọ te mu uwẹ vbe Baasia ne ọba Izrẹl fua, ne ọ miẹn ehe na viọ ivbiyokuo ẹre hin mwẹ ẹvbo rre.”

II Krọnikol 16:3 ပူးပေါင်းရင်းမြစ်များ

II Samuẹl 21:2

(Ivbi e Gibiọn i re ivbi Izrẹl, ibozẹghẹ vbe ivbi Izrẹl yan ma iran ighẹ iran gha tan ifuẹn ga iran, sokpan, e Sọl keghi te gha hia ne ọ wa fuẹn iran a rhunmwuda orhikhan kevbe ohawa ne ọ ye ba ẹmwẹ ivbi Izrẹl kevbe Juda.)

I Ọba 15:16

Igbinna ọre Asa ne ọba e Juda kevbe Baasia ne ọba Izrẹl ya ẹdẹ agbọn iran gu egbe gbinna vbe ẹghẹ ne iran ya ẹe vbe ọba.

II Krọnikol 16:2

Rhunmwuda ọnii, Asa keghi viọ esiliva kevbe igoru vbe aza ni rre Ọgua Osa kevbe ẹguae, ọ na viọ gie Benhadad ne ọba e Siria vbe Damaskọs, ọ na gie ne a tama rẹn wẹẹ,

II Krọnikol 16:4

E Benhadad keghi gele kue yọ zẹ vbene Asa tama rẹn, ọ na gie avbe ekaokuo ẹre kevbe ivbiyokuo iran, ne iran ya khọn avbe ẹvbo ni rre Izrẹl. Iran keghi khọn mu Ijọn, Dan, Ebel Bẹt Maaka, kevbe avbe okpẹvbo ni rre Naftali ehe ne iran viọ evbare yi.

II Krọnikol 18:3

“U gha lele mwẹ ya khọn e Ramọt ra?” E Jehosiafat ke wanniẹn wẹẹ, “U gha muegbe, mẹ vbe muegbe erriọ ivbiyokuo mwẹ vbe ye. Ma gha yaba ruẹ.”

II Krọnikol 19:2

Akhasẹ ọkpa, e Jehu ne ovbi e Hanani keghi ya vba ọba, ọ tama rẹn wẹẹ, “Wẹ yayi we emwi ne ọ gbae nọ ne a gha yi iran ne emwa dan obọ ra, ra ne a yegbe ba iran ni khuiwu e Nọyaẹnmwa? Emwi ne u ru si ohu e Nọyaẹnmwa yan ruẹn uhunmwu nẹ.

Psalm 15:4

Ọmwa ne emwa ne Osanobua kan fua sọnnọ, sokpan, ọ ghi gha ya ọghọ ne iran ni họn ẹmwẹ ne Nọyaẹnmwa. Ọmwa ne ọ ru zẹ vbene ọ yanrẹn vbe ẹghẹ hia, ehe ne ọ rhirhi khọn rẹn ne ọ degbe.

Ẹksọdọs 32:21

Ọ keghi tama Errọn wẹẹ, “Vbe iran na ruẹ hẹ yi ne u na gie iran do ru orukhọ ne ọ khọrhiọn sẹ vbe nian?”

II Kọrinti 6:16

Vbe Ọgua Osa kevbe amazẹ ọghe iran nigẹbọ ra ya gue obọ egbe hẹ yi? Rhunmwuda Ọgua osa ọghe Osanobua nọ rrọọ, ọre ima khin. Zẹ vbe ne Osanobua tobo ẹre kha re: “I gha bọ owa mwẹ ye ehe ne iran ye. I ghi yin ehe ne iran ye. Mẹ ghi gha re Osanobua iran, iran ghi gha re emwa mwẹ.”

II Timoti 3:3

Iran i ghi mwẹ itohan, iran ghi rri vbe ekhọe, iran ghi ye unu rhia ọmwa ran, iran ghi gha yin uyinmwẹ ikẹtin, aro iran ghi gha kpannọ ugiọnmwẹ erhẹn, ohu emwi ne ọ maa ghi gha mu iran.

Giọgis 2:2

Wa ghẹ gu emwa otọ na ta ile rhọkpa, wa guọghọ aka iran sotọ.’ Sokpan wa ma he ru vbene I tama uwa. Iyeke ẹre ọ re uwa ghi ru ye ihe ẹre.