II Krọnikol 13:2 - Edo Bible (E Baibol Ẹdo) Version 1996

² Ọ keghi ya ukpo eva vbe ẹkete vbe Jerusalẹm. A keghi tie iye ẹe Mikaia ne ovbi Uriẹl ne ovbi ẹvbo ne a tie ẹre Gibia. Okuo keghi sa ne Abija kevbe Jeroboam.

II Krọnikol 13:2 ပူးပေါင်းရင်းမြစ်များ

I Ọba 14:19

Avbe emwi hia fẹẹrẹ ne Jeroboam ne ọba gha ru, avbe okuo ne ọ khọnrẹn kevbe vbene ọ ya gha khaemwisẹ hẹ, a gbẹnnẹ ehia ye Ebe Okha Ọghe Avbe Ọba Izrẹl.

I Ọba 14:20

Ukpo eva yan ugie ọ re Jeroboam rri ọba la. Ọ ghi wu, a na re ẹre. E Nadab ne ovbi ẹre keghi rriọba lele ẹe.

I Ọba 15:2

ọ na rriọba la ukpo eha vbe Jerusalẹm. A kegha tie iye ẹe Maka ne ovbi Absalọm.

II Krọnikol 11:20

Vbe okiekie, ọ keghi rhie Maaka ne ovbi Absalọm ne okhuo, iran na biẹlẹ emọ ikpia, enẹ, ena ọre Abija, Atai, Ziza kevbe Sielomit.

II Krọnikol 12:15

Iwinna ne Rehoboam winnaẹn, kevbe emwi ne a gbẹnnẹ ye otọ vbe ekpa uniẹn ọnrẹn, a gha miẹn ehia vbe Okha Ọghe Siemaia Ne Akhasẹ kevbe Ebe Okha Ọghe Ido Ne Akhasẹ. Ẹghẹ hia ọre Rehoboam kevbe Jeroboam ya gha gu egbe khọn.

II Krọnikol 13:3

Abija keghi viọ arhin arriaisẹn arria eva (400,000) ya ru ivbiyokuo, e Jeroboam keghi viọ arhin arriaisẹn arriaenẹ (800,000) ya ru ivbiyokuo mu aro da ẹre.

Jọsua 18:28

Zẹla, Haelẹf, Jebus (ra Jerusalẹm) Gibea, kevbe kirriat Jearim; okpẹvbo iwenẹ deba ẹvbo ni kọnkọn ni rrọọ. Ena ọrọre otọ ni sẹ ẹgbẹe ni rre ẹwae Bẹnjamin obọ ne ọ gha re ọghe iran.

Giọgis 19:14

Ẹre iran na gberra Jebus, iran na gha khian. Owẹn ghi ra defua iran na sẹ Gibea. Ewae Bẹnjamin iran ni rre evba ke rre.

Giọgis 19:16

Vbe ẹghẹ ne a kha na, ediọnmwa ọkpa kegha dee, ọ winna iwinna ẹdẹ hoho nẹ vbe ugbo. Ẹvbo oke Ifreim ọ re ọ ke rre vbe okaro, sokpan Gibea ọ re irẹn ghi yin. (E Bẹnjamin ọre emwa ni rre evba ke rre.)

I Samuẹl 10:26

E Sọl keghi vbe gha rrie owa ẹre vbe Gibea. Emwa ni mwẹ ẹtin eso ne Osanobua rhie ye ẹre ekhọe keghi lele ẹe.