II Krọnikol 12:3 - Edo Bible (E Baibol Ẹdo) Version 1996

³ Ke ẹe kevbe ivbiyokuo ne arria ehan (1,200) ni hin ikẹkẹ okuọ, arriaisẹn iyeha (60,000) keghi hin ẹsin, deba ivbiyokuo kẹkan ne a i sẹtin ka vbe uwu ne ivbiyokuo e Libya ye, kevbe ọghe Suk kevbe ọghe Sudan.

II Krọnikol 12:3 ပူးပေါင်းရင်းမြစ်များ

Nahum 3:9

Rẹn ọ re ọ gha kha yan e Sudan kevbe Igipt, ẹtin ẹnrẹn ma vbe gha mwẹ khian sẹ evba. Te Libya ye egbe kọ ẹe.

II Krọnikol 16:8

Avbe ivbi e Sudan kevbe Libya ma gha mwẹ ivbiyokuo ni bun ra deba ikẹkẹ okuọ ni bun kevbe avbe emwa ni hin ẹsin? Sokpan, rhunmwuda ne u na mu ẹtin yan e Nọyaẹnmwa, ọ keghi gie obọ ruẹ ke ukhunmwu ne ọghe iran.

Daniẹl 11:43

Ọ gha viọ emwi ẹfe Igipt ne a hẹ lẹre gha rrie, avbe igoru esiliva kevbe avbe emwi ighobioye nekpa ne ọ mwẹ. Ọ gha khọn Libya kevbe Sudan.

Arhie Maan 9:16

Iran keghi tama mwẹ inu ivbiyokuo ne a viọ ẹsin na, ọ ke gha re ẹbo uri (200,000,000.)

Ezikiẹl 30:5

“Okuo ni ọ re ọ ra vbe gbele avbe ivbiyokuo, ne iran vbu viọ ke Sudan rre, kevbe Libya, e Lidia, Arebia, e Kub, deba iran ni ke ehe ne emwa mwẹ ye rre.”

Aizaia 43:3

Rhunmwuda mẹ ọrọre Nọyaẹnmwa ne Osanobua ruẹ, Osanobua nọhuanrẹn ọghe Izrẹl, ọmwa ne ọ miẹn ruẹn fan; I gha sẹ Igipt rae ne I miẹn ruẹn fan. I gha sẹ e Sudan kevbe Siẹba rae.

II Krọnikol 14:12

Obọ e Nọyaẹnmwa keghi ke ukhunmwu ne ivbiyokuo e Sudan vbe Asa kevbe iyokuo e Juda gu iran gbinna. Iran keghi lẹ.

II Krọnikol 14:9

Ovbi e Sudan ọkpa ne a tiẹ ẹre Zẹra keghi viọ ivbiyokuo ẹbo ọkpa (1,000,000) mu okuọ gha die Juda, ikẹkẹ okuọ iyisẹn eha (300) kevbe rrọọ, ọ keghi khọn sẹ Maresia.

II Samuẹl 10:18

Ivbi e Siria keghi lẹ hin odaro ivbi Izrẹl rre. E Devid kevbe emwa rẹn keghi gbele arhin iyihi-nrọn (700) vbe ivbi Siria ni gua ikẹkẹ okuo, iran ni hin ẹsin arriaisẹn iyeva (40,000) iran kevbe kuan Siobak ne ọkaokuo avbe eghian, ọ keghi ye vbe wu ye ehe ne iran na gbinna.

I Samuẹl 13:5

Ivbi e Filistin keghi tie otiegba ne iran do gu ivbi Izrẹl gbinna. Iran kegha mwẹ ikẹkẹ ematọn ọghe okuo arriaisẹn ọgban (30,000) deba emwa ni hin ẹsin arriaisẹn ehan (6,000) kevbe ivbi iyokuo ni bun zẹ vbe ikpekhae ni rre ọkpẹn okun. Iran kegha rrie Mikmas ne ọ rre odẹ ahọ ọghe Betavin, iran keghi bu agọ ye evba.

Giọgis 6:5

Iran ghi viọ ẹmila iran kevbe owa ukpọn iran ni bun vbe irhiso gha dee. A i sẹtin ka iran kevbe ogologo iran vbene iran ghi bun sẹ. Iran kegha rhia otọe nii uan.

Giọgis 4:13

Rẹn keghi tie ikẹkẹ okuo ematọn iyisẹn yan arriaenẹ (900) ọghe ọe kevbe emwa rẹn hia ladian, ọ na wẹ ne iran ke Harosiẹt ọghe iran ne ẹ i re Ju gha rrie Ẹzẹ Kisiọn.

II Ọba 7:6

E Nọyaẹnmwa keghi gie ivbi e Siria họn emwi ne ọ yevbe ne ivbi iyokuo ni bun khọn dee ke iran kevbe ikẹkẹ okuo kevbe ẹsin, ivbi e Siria keghi te gha ro ighẹ ivbi Izrẹl ya vbu ivbi e Hiti kevbe avbe ọba Igipt kevbe ivbi iyokuo iran ba egbe gha dee do gu iran gbinna.

II Krọnikol 14:8

Asa ne ọba keghi mwẹ ivbiyokuo ne ivbi e Juda arriaisẹn iyisẹn eha (300,000) ne a viọ asoro kevbe asa ne a ya gbinna na, arhin arriaisẹn iyenẹ yan uri (280,000) vbe ivbi e Bẹnjamin ne a viọ asa kevbe uhanbọ na. Iran na hia kegha re emwa ni din kevbe ne a vbe ma ẹre emwi ẹsẹse.