II Krọnikol 10:2 - Edo Bible (E Baibol Ẹdo) Version 1996

² Ugbẹn vbe Jeroboam ne ovbi e Nebat ne ọ lẹ gha rrie Igipt ne ọ miẹn ehe na lẹfe vbe obọ e Solomọn ghi họn ẹmwẹ na, ọ keghi werriegbe gha die owa.

II Krọnikol 10:2 ပူးပေါင်းရင်းမြစ်များ

I Ọba 11:26

Ọmwa ọvbehe ne ọ ghi vbe sọtẹ e Solomọn kegha re ọkpa vbe uwu emwa iwinna rẹn ne a tie ẹre Jeroboam ne ovbi e Nebat ne ọ ke Zareda ne otọ Ifreim rre. Iye ẹe kegha re okpokhuo ne ọ dẹgbẹ, a tie ẹre Zẹrua.

I Ọba 11:28

E Jeroboam kegha re ọmọ ne ọ mwẹ ẹtin iwinna, e Solomọn ghi miẹn vbene ọ winna hẹ, ọ na ya ẹe ru ne ọ gbearoghe iwinna ne a ya ẹtin mu emwa winna vbe ẹwae Manasẹ kevbe Ifreim.

I Ọba 11:40

Rhunmwuda ọnii, e Solomọn keghi te gha ho ne ọ gbe Jeroboam rua, sokpan, rẹn keghi lẹ gha rrie ọghe Sisiak ne ọba Igipt, ọ na gha rre odọ e Solomọn te do wu.

I Ọba 12:2

E Jeroboam ne ovbi e Nebat keghi do họn ẹmwẹ na vbe Igipt eke ne ọ lẹ gha rrie vbe ọ lẹ ne Solomọn, ọ keghi ke Igipt gha dee.

II Krọnikol 10:3

Avbe ẹwae ni rre odẹ okuọ keghi gie ne a tie ẹre, iran hia na gba bu a Rehoboam gha khian, iran tama rẹn wẹẹ,

II Krọnikol 9:29

Ni ghi dekẹe vbe okha e Solomọn ke omuhẹn ya sẹ ufomwẹ, a tae ye ebe okha e Natan ne Akhasẹ, ye ẹmwẹ akhasẹ ọghe Ahija ne ọ rre Silo kevbe umian ne Iddo ne Akhasẹ miẹn, ne ọ vbe guan yan ẹghẹ arriọba e Jeroboam ne ọba Izrẹl.